Мұқтарұлы Сейсен

Мұқтарұлы Сейсен (1946-1999) — Қызылорда облысы, Жаңақорған ауданы, Жетітобе елді мекенінде туған. 1969 жылы ҚазМУ-дің журналистика факультетін бітірген.

Қоңырат тайпасы Көтенші руынан шыққан.

Еңбек жолын 1965 жылы корректор болып бастаған. 1971-1982 жылдары Қазақ Совет энциклопедиясында аға ғылыми қызметкер, 1982-1986 жылдары "Өнер" баспасында редактор, редакция меңгерушісі болып қызмет атқарды. 1992-1995 жылдары "Жалын" баспасында аға редактор, Қазақстан Республикасы Мемлекеттік Орталық мұрағатында ғылыми басылымдар бөлімін басқарды. Осы кезде "Жалын" баспасының тапсырысы бойынша "Кәмпеске" атты тарихи-анықтамалық кітабы жарық көрді. Өмірінің соңғы жылдарында Түркістандағы Қожа Ахмет Яссауи атындағы Қазақ-Түрік университетінің аға оқытушысы болып қызмет атқарды. Алғашқы өлендер жинағы "Бүлдіршін" деген атпен 1967 жыл "Жазушы" баспасынан жарық көрді. "Құм кескен керуен" (1971), "Саптағы сарбаз" (1974), "Тағы бір көктем" (1978), "Нұр тағысы" (1982) өлеңдер жинағының авторы.

"500 сұраққа жауап" атты өнертану, зерттеу кітабы (1990), "Шоқан және өнер" атты ғылыми-публицистикалық кітабы және халық суретшісі К.Тельжанов туралы тарихи-библиографиялық "Ата мекен" атты повесі (1985) "Өнер" баспасынан жарық көрді. 1990 жылдан бастап Қорқыт жайлы еңбектері жарық көре бастады. "Жазушы" баспасынан "Күн желкен" немесе "Қорқыт ата дастаны" басылып шықты. "Қорқыт ата" энциклопедиялық жинағына (1989) "Қорқыттануға баспалдақ" атты ғылыми-зерттеу еңбегі енгізілді. "Отырар кітапханасы" сериясымен "Қара шаңырақ" атты лирикалық поэзиясы жарық көрді ("Ана тілі", 2001).

Шығармашылық

Ол 1967 жылы «Бала» атты өлеңдер жинағымен дебют жасады.

«Тәркілеу» деректі-тарихи кітабының, «Бүлдіршін», «Құм кескен керуен», «Саптағы сарбаз», «Тағы бір көктем», «Нұр тағысы» жыр жинағының, «Шоқан және өнер» ғылыми-публицистикалық кітабының авторы. », халық суретшісі Қ.Телжанов туралы «Атамекен» библиографиялық әңгімесі, «Қорқыт ата» энциклопедиялық жинағы, «Қара шаңырақ» лирикалық өлеңдер жинағы және т.б.

Дереккөздер

1. Қазақстан баспагерлері мен полиграфистері. Анықтамалық. Алматы, "Білім" баспасы. 2005 ж. — 576 бет.ISBN 9965-09-134-Х
2. Шалысбайұлы Нұртас Ата-бабаның ауызша шежіресі. Орта жүздің Қоңырат шежіресі. Қоңырат Көктің құсы Сүйінбай Жәни Қараша. — Алматы: Жазушы, 2000. — 128 б. — 2000 таралым. — ISBN 5-605-01718-7.