Метеорологиялық жағдайлар

Метеорологиялық жағдайлар (Метеорологические условия) — белгілі бір аудандағы белгілі бір кезендегі немесе уақыттағы метеорологиялық элементтердің жиынтығы. Метеорологиялық жағдайлар қаруды, әскери техниканыпайдалануга, әскерлердің (флот күшінің) ұрыс қимылына, тыл жұмысына әсерін тигізеді және ұрыс жағдайының элементі болып табылады. Метеорологиялық жағдайлар температурамен, ылғалдылықпен, ауаның тазалығымен, атмосфералық қысыммен, желдің жылдамдығымен және бағытымен, күн радиациясымен, Жердің және атмосфераның жылулық сәулеленуімен, бұлттылықпен, күннің күркіреуімен, дауылдармен және тағы да баска метеорологиялық элементтермен сипатталады. Метеорологиялық жағдайлардың қарулы күштер мен әскер түрлерінің ұрыс кимылдарына әсері әр түрлі болады. Авиадия қозғалысына бұлттылық, түман, жанбыр, қар, күн күркіреу, көктайгақ, ауадағы мүз қату, шаңды дауыл, қатты жел, ауаның температурасы, яғни ұшақтар мен тіқұшақтардың ұшуы мен қонуын қиындататын, кейде үшырмай тастайтын жағдайлар әсерін тигізеді. Артиллерия атысының дәлдігі мен кейбір ракета типтерін жіберуге желдің бағыты мен жылдамдығы, атмосфералық, қысым, ауаның температурасы мен ылгалдылығы әсер етеді. Әскерлерді жаппай қырып-жою қаруынан корғауды ұйымдастыруда атмосферадағы биіктік бойынша желдің бағыты мен жылдамдығы, ауа мен жердің температурасы, ауаның жерге жақын қабатының вертикаль тұрақтылығы, бұлттылық, жаңбыр, ауаның салыстырмалы ылғалдылығы, күн радиациясы және басқалар есепке алынады. Метеорологиялық жағдайлар жергілікті жерден өткенде, су бөгеттерін шабуылдап өтуде, кемелердің жүзуіне және олардың қару-жарақ пен техникалық құралдарды пайдалануына әсерін тигізеді.

Дереккөздер

1. Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ, 2001 жыл