Медициналық пункт

Медициналық пункт (Медицинский пункт) — әскери бөлімнің (кеменің) медициналық кызмет бөлімшесі. Медициналық пункттер әскери кызметшілерге, емдеу мекемелері болмаған жағдайда жұмысшылар мен қызметшілерге амбулаториялық және көрсетуге арналған. Медициналық пункт штат бойынша медициналық құрамы бар барлық әскери бөлімдерде құрылады. Әдетте Медициналық пункт амбулаториядан, стадионардан және дәріханадан тұрады. Медициналық пункттің жайкүйі мен жұмысына әскери бөлімінің (кеменің) медициналық қызметінің бастығы жауап береді. Медициналық пункттің батальондар мен теңіз жаяу әскерінің полктерінде орналастырылуы карастырылады. Батальонның медициналық пунктінің (БМП) міндеттеріне жаралыларды іздеу және жинау, ауруларды анықтау, оларға алғашкымедициналық қызмет көрсету, жаралылар мен ауруларды ұрыс алаңынан немесе жаппай кырып-жою ошақтарынан әкету, жаралылар мен ауруларды эвакуацияға дайындау, батальонда санитариялық-гигиеналық және эпидемияға қарсы шаралар өткізу, сондай-ақ ыедициналық барлау кіреді. Теңіз жаяу әскері Медициналық пунктінің негізгі міндеті бөлімшелерден жаралылар мен ауруларды эвакуациялау, оларға алғашқы дәрігерлік көмек көрсету, жеңіл жарақаттанған және жеңіл ауруларды амбулаториялық емдеу, БМП-ны жаралыларды жинау және эвакуациялау құралдарымен күшейту, санитариялық-гигиеналық, эпидемияга қарсы шаралар және жеке құрамды жаппай қырып-жоятын қарудан медициналық қорғау бәйынша шаралар өткізу болып табылады. Теңіз жаяу әскері Медициналық пункттері әдетте тасымалдау жолдарына жақын және шатырлардағы жаралылар мен ауруларды эвакуациялау жолдарында, 100 х 100 м өлшемді жабдықталған жайлар мен тасаларда орналасады.

Дереккөздер

1. Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ , 2001 жыл