Мақсат Нұрәділұлы Қалимолдаев 1957 жылы 18 маусымда Алматы облысы Райымбек ауданының Текес ауылында туған Қазақ Әкесі зе

Мақсат Нұрәділұлы Қалимолдаев - 1957 жылы 18 маусымда Алматы облысы Райымбек ауданының Текес ауылында туған. Қазақ. Әкесі - , зейнеткер, түрлі басшылық қызметті атқарған: мектеп директоры, ауылдық кеңес төрағасы, аудандық халыққа білім беру бөлімінің меңгерушісі, аудандық мәдениет бөлімінің меңгерушісі. Анасы - , зейнеткер, педагог болған.

С.М. Киров атындағы Қазақ мемлекеттік университетінің механика және қолданбалы математика факультетін бітірген (1980), мамандығы - «Қолданбалы математика». Физика-математика ғылымдарының кандидаты (1990), докторы (2000). Докторлық диссертациясының тақырыбы: «Желілік емес көпшамалы фазалық жүйелердің тұрақтылығы және математикалық үлгіленуі». Профессор (2003 жылдан). ҚР ИА корреспондент-мүшесі (2003). 4 жарияланған монографияның, 5 көмекші оқу құралының; 80-нен астам ғылыми мақаланың авторы. Авторлық куәлік иегері (2010). Оның жетекшілігімен физика-математика, техника және педагогика ғылымдарының ғылыми дәрежелерін ізденуші 1 докторлық және 7 кандидаттық диссертация қорғалған.

Қазақ, орыс және ағылшын (ауызекі) тілдерін біледі. 1975 жылдан - С.М. Киров атындағы Қазақ мемлекеттік университетінің студенті. 1980 жылдан - ҚазКСР ҒА Математика және механика институтының экономикалық-математикалық әдістер зертханасының инженері. 1982-жылдан - С.М. Киров атындағы Қазақ мемлекеттік университетінің (әл-Фараби атындағы ҚазМУ) басқару теориясы кафедрасында аға зертханашы, аспирант, ассистент, аға оқытушы, доцент. 2001 жылдан - ҚР БҒМ Ғылым департаментінде басқарма бастығы, департамент директорының орынбасары. 2003 жылдан - ҚР БҒМ Жоғары аттестациялық комитеті терағасының бірінші орынбасары. 2005 жылдан - әл-Фараби атындағы Қазақ ұлттық университетінің ақпараттық жүйелер кафедрасының профессоры.

2008 жылдың мамыр айынан бері - ҚР БҒМ Ғылым комитеті Информатика және басқару мәселелері институтының директоры.

Әскери атағы - .

Қазақстанның болашағы туралы болжамы - «Егер шағын және орта бизнесті, сондай-ақ ауыл шаруашылығын дамытпайтын болсақ, онда Конго немесе Мозамбик секілді африкалық мемлекеттердің біріне айналатын боламыз».

Хоббиі - волейбол, мини-футбол, үстел теннисі, қазақ халық музыкасы.

Сүйіп оқитын әдебиеті - классикалық және тарихи шығармалар; мерзімді басылымдар («Литературная газета», «Қазақ әдебиеті» газеттері).

Үйленген. Жұбайы - , медицина ғылымдарының докторы, Апматы қалалық Диагностика орталығының клиникалық иммунология және радиоиммуннология белімінің меңгерушісі. Қызы - Дина (1981 ж. т.); ұлы - Алмас (1985 ж. т.).

Дереккөздер

Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2

[1] Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2