Майтөбе (тау, Ұлытау таулары)

Майтөбе – Ұлытау тауларының оңтүстігінде орналасқан тау.

Майтөбе тауы
Сипаттамасы
Тау жүйесі	Ұлытау таулары
Пайда болған кезеңі	Протерозой
Ұзындығы	2 км
Ені	1,5 км
Биіктігі	628 м
Орналасуы
47°49′19″ с. е. 66°27′53″ ш. б. / 47.82194° с. е. 66.46472° ш. б. / 47.82194; 66.46472 ^(G) ^(O) ^(Я)Координаттар: 47°49′19″ с. е. 66°27′53″ ш. б. / 47.82194° с. е. 66.46472° ш. б. / 47.82194; 66.46472 ^(G) ^(O) ^(Я)^(T)
Елдер	Қазақстан, Ұлытау облысы Ұлытау ауданы Қарсақбай кентінен батысқа қарай 20 км жерде
Майтөбе тауы
Майтөбе тауы

 Басқа мағыналар үшін Майтөбе деген бетті қараңыз.

Географиялық орны

Ұлытау облысы Ұлытау ауданы Қарсақбай кентінен батысқа қарай 20 км жерде орналасқан. Абсолюттік биіктігі 628 м. Ұзындығы мен ені 2-1,5 км шамасында.

Геологиялық құрылымы

Жер қыртысы протерозойдың тақтатас, кварцит, порфирит және туфты тау жыныстарынан түзілген.

Жер бедері

Беткейлері сай-жыралармен тілімденген. Олардан Сарысай, Шоқырсай өзендері бастау алады. Солтүстік беткейінде қайнар көздері көп. Шығысында өзімен аттас қыстау орналасқан.

Өсімдігі

Бөктеріндегі қиыршықтасты бозғылт қоңыр топырағында ұшқат, боз, бидайық, т.б. астық тұқымдас шөптесіндер өскен. Алабы мал жайылымына қолайлы.

Дереккөздер

1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5