Корея ұлттық мұражайы

Корея ұлттық мұражайы немесе Ұлттық орталық мұражай — Корея Республикасының аумағындағы ең ірі тарихи және көркем мұражайы және мәдени орталық. Елдің елордасы Сеул қаласында орналасқан. Мәдениет, спорт және туризм министрлігінің бағынышында. Әлемдегі келушілер саны жағынан ең ірі көркем мұражайлардың алғашқы ондығына кіреді.

Корея ұлттық мұражайы 국립중앙박물관 國立中央博物館
Құрылған уақыты	1945
Орналасқан жері	Корея Республикасы, Сеул
Мұражай түрі	тарих және өнер мұражайы
Ресми сайты
Ортаққордағы санаты: Корея ұлттық мұражайы

Мұражай 1945 жылы негізделді,2005 жылы мұражай үшін сопақша көне кәріс бекінісі түрінде арнайы салынған жаңа ғимаратқа көшті. Мұражай ғимараты отқа төзімділіктің жоғары шегі бар материалдардан салынған және Рихтер шкаласы бойынша 6,0 магнитудалы жер сілкінісін шыдай алады, сонымен қатар табиғи жарық және ауа кондициалау жүйелері қарастырылған. Мұражай кешенінің аумағына лекторийлар, балаларға арналған арнайы мұражай, көрмелерге арналған павильондар, сонымен қатар мейрамханалар мен кафелер орналасқан.

Мұражай ауданы 137201 м²-ді құрайды, бұл Азиядағы ең ірі мұражайларының бірі және әлемдегі ең ірі мұражайлар арасындағы алтыншы көрсеткіш; биіктігі 43,08 м-ді құрайды. Мұражайдағы тарихи, көркем және археологиялық жинақтамаларының жалпы саны 220000-нан асады, бірақ келушілер тек қана 13000-ға жуық экспонатты көре алады. Мұражай экспозициялары арасында тұрақты әрекеттегі және уақытша көрмелер бар, сонымен қатар мұражай жанындағы түрлі бағыттардағы ғылыми және білім беру бағдарламалары қызмет атқарады.

2013 жылы мұражайдың келушілер саны 3,1 миллион адамнан асты.

Дереккөздер

1. Visitor Figures 2014: The grand totals: exhibition and museum attendance numbers worldwide, , International Edition, Аперль 2015.
2. «Seoul’s best museums» CNN Go. 27 October 2011. Retrieved 2011-11-03
3. Top 100 Art Museum Attendance, , 2014. Retrieved on 13 July 2014.

Сілтемелер

• Мұражайдың ресми сайты Мұрағатталған 5 қарашаның 2015 жылы. (ағылш.)