Дидахмет Әшімханұлы 10 маусым 1950 жыл Шығыс Қазақстан облысы Катонқарағай ауданы Жаңаүлгі ауылы 23 мамыр 2015 жыл Алмат

Дидахмет Әшімханұлы (10 маусым 1950 жыл, Шығыс Қазақстан облысы, Катонқарағай ауданы, Жаңаүлгі ауылы – 23 мамыр 2015 жыл, Алматы) — қазақ журналисті, қаламгер..

Дидахмет Әшімханұлы
Туған күні	10 маусым 1950 (1950-06-10)
Туған жері	Шығыс Қазақстан облысы, Катонқарағай ауданы, Жаңаүлгі ауылы
Қайтыс болған күні	23 мамыр 2015 (2015-05-23) (64 жас)
Қайтыс болған жері	Алматы, Қазақстан
Азаматтығы	Қазақстан
Ұлты	қазақ
Қызметі	журналист, жазушы

Қызмет жолы

Әл-Фараби атындағы Қазақ ұлттық университетінің журналистика факультетін бітірген (1978). Еңбек жолын Шығыс Қазақстан облысы "Коммунизм туы" (1975–1976), "Лениншіл жас" (1978) газеттерінде тілші болып бастаған, кейін "Қазақстан пионері" (қазіргі «Ұлан») (1978–1980), "Қазақ әдебиеті" (1980–1992) газеттерінде бөлім меңгерушісі, "Заман — Қазақстан" (1992–1993) газетінде бас редактордың орынбасары қызметтерін атқарған.

1992–1994 жылдары халықаралық «Заман — Қазақстан» газетінің бөлім меңгерушісі және газет редакторының орынбасары болған.

1994 жылы халықаралық "Түркістан" газетінде бас редактордың орынбасары болады.

1986 жылы Қазақстан Жазушылар және Қазақстан Журналистер одақтарының мүшесі болады.

2003 жылы "Ел-шежіре" қоғамдық қорының президенті, "Алаш" баспасының директоры.

Шығармашылығы

Әңгімелер мен повестер жинақтары:

«Аққабаның толқыны» (1981),
«Он бірінші күз» (1987),
«Каменная падь» (1990),
«Жер аңсағай сары атан» (1998),
«Самырсын сазы» (2000)
«Әңгіме емес әңгімелер» (2004).

Жеке шығармалары өзбек, қырғыз, қытай, моңғол, орыс, украин, мари тілдеріне аударылған. Сондай-ақ А. Курчаткин, Т. Минулмен, А.Аширов, Х. Абдуллин, П. Пурзверу, тағы басқа шығармаларын қазақ тіліне аударған.

Жетістіктері

"Жалын" жабық бәйгесінің екі мәрте жүлдегері. Жас жазушылардың Бүкілодақтық VII кеңесіне қатысқан. Жекелеген бірнеше шығармасы бірқатар шетел тілінде шыққан. 2005 жылы халықаралық "Алаш" әдеби сыйлығына ие болған.

Дереккөздер

Қазақ телевизиясы. Энциклопедия. — Алматы: “ҚазАқпарат”,2009, 1-т. — 640 б. ISBN 978-601-03-0070-5
Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса — Алматы: «Аң арыс» баспасы, 2009 жыл

Бұл — тұлға туралы мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді ауыстыру қажет.

[KazTelevision-1] Қазақ телевизиясы. Энциклопедия. — Алматы: “ҚазАқпарат”,2009, 1-т. — 640 б. ISBN 978-601-03-0070-5

[KazWriters-2] Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса — Алматы: «Аң арыс» баспасы, 2009 жыл