Джон Кеннедидің өлімі

1963 жылы 22 қараша күні АҚШ-тың 35-ші президенті Джон Кеннеди қастандықпен өлтірілді. Далласқа 1964 жылғы президент сайлауы мәселесімен келген Кеннеди жендеттердің қолынан қаза табады.

Джон Кеннедидің өлімі
Қастандықтан бірнеше секунд бұрын
Шабуыл орны	Даллас, АҚШ
Координаттар	Координаттар: 32°46′44″ с. е. 96°48′31″ б. б. / 32.7790194° с. е. 96.8086694° б. б. / 32.7790194; -96.8086694 ^(G) ^(O) ^(Я)
Дата	22 қараша 1963
Уақыты	12:30
Шабуыл нысанасы	Джон Кеннеди
Шабуыл әдiсi	атып өлтіру
Қаза тапқандар саны	2
Жарақаттанғандар	2

Қастандық

1963 жылы 22 қарашада сағат 11:35-те Даллас әуежайына №2 АҚШ әскери-әуе күштерінің ұшағы қонды. Онда АҚШ-тың вице-президенті Линдан Джонсон болды. Бес минут өте әуежайға АҚШ әскери-әуе күштерінің №1 ұшағы АҚШ-тың 45 жасар президентін әкелді.

Өйткені, президент пен вице-президент қайғылы жағдай орын ала қалған жағдайда АҚШ бір мезгілде екі негізгі тұлғасын жоғалтпас үшін екі ұшақпен ұшатын. Ұшақтан түскен соң президент арнайы дайындалған кортежге жайғасады. Жергілікті уақыт 11:50-де президент кортежі әуежайдан қалаға беттейді. Бірінші машинаның артқы орындығында Кеннеди әйелімен отырса, алдыңғы орындықта президент күзеті жөніндегі құпия қызметінің екі агенті отырды. Ал, жолаушыларға арналған қосымша екі орындыққа Техас губернаторы мен оның жұбайы жайғасты.

Президенттің кортежі Эльм-Стиртке бұрылған кезде сағат 12:30-ды көрсетіп тұрды. Көшенің екі жанында сап түзеген халық президентке қошемет көрсетіп жатты. Осы сәтте Техас губернаторы президентке қарап "Көрдіңіз бе? Даллас халқы сізді қатты құрметтейді" деп жымиды. Кеннеди "әрине" деп тіл қатады. Келесі бұрылысқа жете бергенде тосыннан атылған оқтан президент жараланады. Куәлердің айтуынша оқ үш рет үстін-үстін атылған. Президенттің арқасынан, мойнынан оқ тиеді. Конналли де жараланады. Артқы көлікте келе жатқан президенттің оққағары Клинт Хилл президентті қорғауға үлгере алмайды. Оқтардың бірі Кеннедидің оң жақ шекесіне тиеді де, Кеннеди сол замат есін жоғалтады.

Кеннеди оқ атылған соң бес минут өткеннен кейін Паркленд госпиталіне жеткізіледі, бірақ дәрігерлердің арпалысуына қарамастан сағат 13:00-де жансақтау бөлімінде жан тәсілім етеді. 15:31-де Ақ Үйдің баспасөз қызметкері міндетін атқарушы Малколм Килдафф президеттің қазасы ресми түрде жариялайды. 10 минуттан соң АҚШ сенаты жұмысын тоқтатады. 15:38-де мүрде ұшаққа артылды, сол жерде Линдон Джонсон президенттік ант берді де, президент боп тағайындалды. 15:40-та президент денесі ұшақпен Вашингтонға жөнелтіледі. Екі сағаттан соң президенттің мүрдесі Вашингтонға жаткізілді.

Қазадан кейінгі оқиғалар

Оқ атылған соң бір сағат жиырма минут өткен соң Эльм-Стрит пен Хьюстон Стрит көшелерінің қиылысындағы кітаптар қоймасының алтыншы қабатынан оқ атты деген күдікпен тұтқындалады. Харви де ажал оғынан құтыла алмады. 24 қараша күні оны түрмеге алып бара жатқан жерінде Далластағы түнгі клубтардың бірінің қожайыны Джек Руби мерт қылады. Осылайша Освальдті тергеу жұмыстары соңына дейін жетпей қалады да, құпия ашылмайды. Руби өзінің бұл әрекетін тек президент үшін және барлық халық үшін кек алу деп түсіндірді.

Президенттің мүрдесі 25 қараша күні 15:34-те Арлингтон Ұлттық зиратына жерленді.

Көптеген адамдар Ли Харви Освальдті американдық шпион деп айыптады.

Президенттің өлімінен соң автоматты түрде Линдон Джонсон АҚШ-тың 36-шы президенті қызметін атқарды. 1965 жылғы сайлауда да жеңіп шығып, қызметін одан әрі жалғастырды.

Сәйкестіктер

Президент Кеннеди де, оны өлтірді деп айыпталған Освальд та, Освальдті өлтірген Джек Руби де Паркленд ауруханасында қайтыс болған.

Фильмография

• 1972 — "Вашингтон тілшісі"

• 2013 — "Парклэнд"
• 1991 — "Далластағы атыстар"

Дереккөздер

1. https://www.archives.gov/research/jfk/warren-commission-report/chapter-2.html#arrival
2. http://mcadams.posc.mu.edu/shots.htm

Сілтемелер

• The Sixth Floor Museum at Dealey Plaza.
• The Kennedy Assassination Page by John McAdams