Генеалогия

Генеалогия (грек. genealogіa — шежіре) — генетикада және селекцияда жеке өсімдіктер мен жануарлардың немесе олардың белгілі бір тобының шыққан тегі жайындағы мәліметтерді жинау туралы ілім. Мал ш-нда белгілі бір малдың ата-тегінің биол. қасиеттерін және өнімділігін білумен қатар оның алыстау туыстарының да ерекшеліктерін білу малды будандастыруда маңызды орын алады. Мыс., сиыр мен бұқаны шағылыстырудан бұрын, ол сиырдың өзімен және енесімен туыстас сиырлардың сүттілігі, сондай-ақ бұқаның қандай тұқымнан , т.б. ескеріледі. Генеалогия негізгі үш генетикалық заңдылықтарға сүйенеді:

1. тіршіліктің жаңаланып отыруы;
2. жаңа өзгерістер туғызуға қабілеттілік;
3. пайда болған қасиеттердің тұқымда бекуі.

Қандай да бір белгілердің, қасиеттердің тұқым қуалаушылығын зерттеуде Генеалогия кең көлемде қолданылады. Оның ғыл.-әдістемелік әдістері адам генетикасында да пайдаланылады; қ. Шежіре.

Дереккөздер

1. “Қазақ Энциклопедиясы”, 2-том
2. Биекенов К., Садырова М. Әлеуметтанудың түсіндірме сөздігі. — Алматы: Сөздік-Словарь, 2007. — 344 бет. ISBN 9965-822-10-7