Болат Мажағұлов

Болат Бауыржанұлы Мажағұлов (1 тамыз 1983 жылы, Алматы) — музыкант, мәдениет жанашыры. 2010 жылдың қараша айынан бастап Астана қаласы Мәдениет, мұрағаттар және құжаттама басқармасының басшысы.

Өмірбаяны

Болат Мажағұлов 1983 жылы 1 тамызда Алматы қаласында дүниеге келген.

• 1990 жылы К.Байсейітова атындағы Республикалық музыка мектебіне барады.
• 1998 жылы Қазақ ұлттық музыка академиясының гобой сыныбына түседі. Академияда оқып жүріп Италия, Ресей, АҚШ және Қазақстанда өткен көптеген республикалық және халықаралық конкурстарға қатысып, жүлделі орындарға ие болды.

Қызмет жолы

Қызметінен бөлек, "Абай", «Три брата», «Сказки колдуна», «1997» деректі кинофильмдерінде басты рөлді сомдады.

• 1999 жылы Астана қаласы Мемлекеттік Филармонияның симфониялық оркестріне гобойлар тобының концертмейстері болып жұмысқа орналасты.
• 2006 жылы Президент оркестрі ән және эстрада ансамблінің көркемдік жетекшісі болып Республикалық Гвардияға шақырылды.
• 2007-2008 жылдары мәдениет Басқармасында тарих және мәдениет ескерткіштерін қорғау бөлімінің бас маманы, одан кейін өнер бөлімінің бастығы болып жұмыс істеді.
• 2008 жылы "Джунгли аниматроникстер театры" директоры болып тағайындалды.
• 2009 жылдың желтоқсан айында Бейбітшілік және келісім сарайы директоры қызметіне кірісті.
• 2010 жылдың қараша айынан бастап Астана қаласы Мәдениет, мұрағаттар және құжаттама Басқармасының басшысы болып тағайындалды.

Марапаттары

"Құрмет" ордені, «Қазақстан Республикасы Тәуелсіздігіне 20 жыл» медалімен және басқа да түрлі дипломдар мен алғыс хаттармен марапатталған.

Отбасы

Үйленген. 2 қызы бар.

Дереккөздер

Сыртқы сілтемелер

• Мажагулов Болат Бауыржанович Мұрағатталған 12 мамырдың 2017 жылы. (орыс.)