Бесөгіз

Бесөгіз – Солтүстік Үстірттегі терең құдықтар.

Орналасқан жері

Олар Төлеп темір жол бекетіне жақын, Жолбаян шыңырауынан солтүстік-шығысқа қарай 12 км жерде орналасқан.

Тарихы

1851 ж. деректерде тереңдігі 8 сажын, тасы шегенделген, бір кезде 1 мың жылқы, 400 түйені сумен қандыра алатын мол сулы 12 құдық деген мәліметтер қалған. Ел аузында құдықшыға 5 өгіз беріп қаздырған себепті, солай аталған деген дерек бар.

Ғылымда Маңғыстауды туыстас 5 оғыз (қазақтар оларды бес өгіз елі деп те атайды) тайпасы келіп мекендеген кезеңнен қалған атау дейді.

Қазір жақын құдық Тәңке атымен қосақталып, Бесөгіз – Тәңке деп аталады.

Дереккөздер

1. Маңғыстау энциклопедиясы, Алматы, 1997;