Батыр Кәкімжанұлы Қазыбаев

Батыр Кәкімжанұлы Қазыбаев (6 қаңтар 1969 — 27 наурыз 2022, Алматы, Қазақстан) — қазақстандық медиаменеджер, қоғам қайраткері, Tengrinews.kz сайтының негізін қалаушы және Alash Media Group холдингінің басшысы болған.

Батыр Қазыбаев
Туған күні	6 қаңтар 1969 (1969-01-06)
Қайтыс болған күні	27 наурыз 2022 (2022-03-27) (53 жас)
Қайтыс болған жері	Алматы
Азаматтығы	КСРО  Қазақстан
Ұлты	Қазақ
Әкесі	Кәкімжан Қазыбаев
Анасы	Орынша Қарабалина-Қазыбаева
Жұбайы	Зәуре Қазыбаева
Марапаттары мен сыйлықтары	Құрмет ордені

Өмірбаяны

Ол Алматыда қазақ-совет жазушысы, ҚазТАГ-тың бұрынғы директоры әрі ҚазКСР Компартиясы ОК хатшысы Кәкімжан Қазыбаевтың отбасында дүниеге келген. Анасы — Орынша Қарабалина-Қазыбаева, Қазақстанның еңбек сіңірген педагогі.

1993 жылы Қазақ мемлекеттік университетінің журналистика факультетін бітірген. Әр жылдары Қазақстан Президентінің баспасөз қызметінде, премьер-министр кеңсесінде жұмыс істеген.

«Жетінші арнаның» бастауында тұрған. Батыр Қазыбаевтың кезінде «Жетінші арна» Республикалық хабар тарата бастап, бірқатар жобаны іске қосқан.

2008 жылдан бастап Қазақстанның ірі медиахолдингтерінің біріне айналған Alash Media Group холдингін басқарған.

2010 жылы елдің ең танымал ақпараттық ресурстарының бірі саналатын Tengrinews жаңалықтар порталын іске қосқан, кейін ол Forbes.kz-тегі «Қазақстанның 50 ірі интернет-компаниясы» рейтингіне кірген.

«Теледидар мен басылымдарға бәсекелес веб-сайт құру туралы шешімге келу қатерлі болды, бірақ интернет-ресурстар өсетіні түсінікті еді. Бұл — қазір қалыптасқан жайт, бірақ 2010 жылы көптеген адам күмәнмен қарады. Екінші себеп, қазақстандық ақпараттық кеңістік шетелдік ресурсқа толы болды. Бұл өз ықпалын тигізді. Жаңалықтарды өз көзқарасымызбен жеткізгіміз келді… Бізді жақсы көреді, кейде ұнатпайды, бірақ біз өз жұмысымызды қазақстандық журналистиканың өкілдері ретінде істеуіміз керек» (Батыр Қазыбаевтың Hommes.kz-ке берген сұхбатынан)

Батыр Қазыбаев Қазақстандағы алғашқы Tengri FM рок-радиостанциясын, ал кейін елдегі алғашқы қазақ тілді «Жұлдыз FM» радиосын құрды.

The Spirit of Tengri этникалық музыка фестивалінің негізін қалады.

Батыр Қазыбаевтың бастамасымен 2014 жылы «Жеңімпаздар» жобасы — ҰОС қазақстандық ардагерлері туралы база іске қосылды.

Сондай-ақ, Vesti.kz спорт сайты, Massaget.kz сайты, Tengrinews.kz сайтының қазақ тіліндегі нұсқасы, «Алаш айнасы» күнделікті газеті іске қосылды, «Алаш айнасы» қоғамдық-саяси сайтқа айналды.

Арманжан Байтасовқа берген сұхбатында Батыр Қазыбаев қазақтілді жобаларды дамытудың маңызын айтып, «біздің медианарықта қазақ тілді аудиторияға сапа мен сан жағынан мән берілмейтінін» атап өтті.

Алматыдағы М. Төлебаев көшесінде Виктор Цой ескерткішін орнатуға бастамашы болған.

Батыр Қазыбаев 2022 жылы 27 наурызда Алматыда ұзаққа созылған аурудан қайтыс болды. Қазақстан Президенті Қасым-Жомарт Тоқаев өзінің көңіл айту жеделхатында Батыр Қазыбаев «еліміздегі журналистиканың дамуына елеулі үлес қосқанын» атап өтті. Қазақстанның мемлекеттік хатшысы Ерлан Қарин Батыр Қазыбаевтың қазасын «бүкіл отандық медиа саласы үшін орны толмас шығын екенін» айтты.

Қазақстанның ақпарат және қоғамдық даму министрі Батыр Қазыбаевты мықты медиаменеджер, көптеген тамаша жобаның негізін қалаушы әрі журналистер әулетінің өкілі ретінде сипаттады.

Батыр Қазыбаевпен қоштасу рәсімі 2022 жылы 29 наурызда Алматыдағы Ғалымдар үйінде өтті.

Отбасы

Белгілі қазақ жазушысы әрі мемлекет қайраткері Кәкімжан Қазыбаевтың ұлы.

Жұбайы — Зәуре Қазыбаева. Төрт баласы бар.

Марапаттары

«Парасат», «Құрмет» ордендерімен, «Ерен еңбегі үшін» медалімен марапатталған.

Сілтемелер

• Ушел из жизни основатель Tengrinews.kz Батыр Казыбаев
• Умер основатель агентства Tengrinews Батыр Казыбаев
• Президент Токаев выразил соболезнования семье Батыра Казыбаева
• Tengrinews.kz негізін қалаған Батыр Қазыбаев өмірден өтті
• Бәйтерегім құлады биігінен
• Tengrinews.kz қалай ірі медиабрендке айналды?
• Архивное интервью Батыра Казыбаева выйдет в эфире радио Classic
• Скончался известный казахстанский медиаменеджер Батыр Казыбаев
• Медиаменеджер Батыр Қазыбаев өмірден өтті