Байқоңыр ауданы Астана қаласының әкімшілік ауданы Халқы 233 3 мың адам 2023 Қала ішіндегі ауданБайқоңыр ауданыӘкімшілігі

Байқоңыр ауданы – Астана қаласының әкімшілік ауданы. Халқы 233,3 мың адам (2023).

Әкімшілігі
Қала ішіндегі аудан
Байқоңыр ауданы
Қаласы	Астана
Әкімі	Талғат Абайұлы Рахманберді
Аудан әкімдігінің мекенжайы	Астана қаласы, Отырар көшесі, №5
Тарихы мен географиясы
Құрылған уақыты	2018 жыл
Жер аумағы	85,18 км²
Уақыт белдеуі	UTC+5:00
Тұрғындары
Тұрғыны	233 252 адам (2023)
Ұлттық құрамы	қазақтар (76,65%), орыстар (13,98%), басқалары (9,37%)
Сандық идентификаторлары
Телефон коды	+7 7172
Автомобиль коды	01
Астана қаласы «Байқоңыр» ауданы әкімінің аппараты

Басқа мағыналар үшін Байқоңыр деген бетті қараңыз.

Тарихы

Үкімет Астана әкімдігінің Астананың төртінші әкімшілік ауданын құру туралы ұсынысын қолдады.

Қазақстан Республикасы Үкіметі жанындағы республикалық ономастикалық комиссияның 2018 жылғы 21 ақпандағы шешіміне сәйкес жаңа ауданға Байқоңыр атауы берілді. Бұл туралы қалалық мәслихаттың кезектен тыс сессиясында Астана қаласы әкімі аппаратының жетекшісі Берік Жакенов мәлімдеді.

Жоспарланған аумақтың шекаралары төмендегідей орындалуы тиіс:

Астана - Қостанай бағытындағы теміржолдан солтүстікке қарай қазіргі шекарасы бойынша Ақбұлақ өзеніне дейін
Ақбұлақ өзенінен Қошкарбаев даңғылына дейін
Қошқарбаев даңғылының жұп бағытында Сауда көшесіне дейін
Сауда көшесінен 184 көшесіне дейін, одан әрі Ақбұлақ өзенінің бойынмен Есіл мен Ақбұлақ өзендерінің құяр тұсына дейін, Есіл өзенінің бойымен Қараөткел көпіріне дейін
Бараев көшесімен Республика даңғылына дейін
Республика даңғылының жұп бағытымен Бөгенбай батыр даңғылына дейін, Бөгенбай батыр даңғылы бойымен Алаш тасжолынан теміржолға дейін
темір жол бойымен қаланың батыс шекарасына дейін.

Сондай-ақ, аудан шекараcына 460 гектар қала зират ауданының аумағы да енеді.

«Жаңа ауданның айрықша миссиясы бар - біздің әкімнің "шеттері жоқ қала" жобасындағы жұмыс жалғастыру бағытында және қала инфрақұрылымын жақсарту, бизнесті дамыту үшін қолайлы жағдай жасау», - деді Берік Жакенов.

Депутаттар Астана жаңа ауданның шекараларын анықтау үшін бірауыздан дауыс берді.

Байқоңыр - Астана қаласы мәслихатының депутаттары елорданың жаңа ауданның атын қолдады. Жаңа аудан солтүстік шекарасы Астана қаласының қолданыстағы шекарасында сәйкес келеді.

Әкімдері

Ерлан Қаналимов 2018-2019
Асқар Есілов 2019-2020
Нұрбол Нұрсағатов 2020-2021
Ерлан Жаулыбаев 2021-2023
Талғат Рахманберді 2023-

Дереккөздер

Қазақстан Республикасы халқының жекелеген этностары бойынша саны (2022 жыл басына)
Қазақстан Республикасы халқының жынысы және жергілікті жердің типіне қарай саны (2023 жылғы 1 қаңтарға) Мұрағатталған 5 наурыздың 2023 жылы.
Астана мәслихаты Байқоңыр ауданының шекарасын бекітті

[1] Қазақстан Республикасы халқының жекелеген этностары бойынша саны (2022 жыл басына)

[2] Қазақстан Республикасы халқының жынысы және жергілікті жердің типіне қарай саны (2023 жылғы 1 қаңтарға) Мұрағатталған 5 наурыздың 2023 жылы.

[3] Астана мәслихаты Байқоңыр ауданының шекарасын бекітті