Арыстан әскери лицейі

«Арыстан» мамандандырылған лицейі — Алматы облысы, Талғар ауданының Бесқайнар ауылында, бүкіл Қазақстанда баламасы жоқ заманауи оқу орны. «Нұрсұлтан Назарбаевтың білім беру қоғамдық қорының» мұрындық болуымен 2011 жылы ашылған.

Әскери үлгіде дәріс беретін «Арыстан» арнайы лицейі, мемлекеттік органдар мен құқық қорғау саласында қызмет істейтін мамандарды даярлайтын оқу орны.

Жаңа лицей 20 мың шаршы метр аумақты алып жатыр. Мұнда, сапалы білім алуға барлық жағдай жасалған. 4 мезгіл тамақ, негізгі және қосымша сабақтар, спорттық және әскери дайындық – бәрі тегін. Қойылатын жалғыз талап, тыңдаушы білім алуға үлкен ықылас танытып, темірдей тәртіпке бағынуы тиіс.

Үміткер оқушылар физикалық және психологиялық тұрғыда өте мығым, сонымен қатар дәлдік ғылымдарға құштар ұл балалар ғана қатаң емтихандардан өтіп қана осы оқу орнына түсе алады.

Өкінішке қарай бұл оқу орны тек қана орыс тілінде білім береді. Оқу орнында бассейн, дене шынықтыру залы, футбол алағы барлығы заманауи талаптарға сай.

Іле Алатауының етегінде бой көтерген жаңа оқу орны бұрынғы КСРО кезіндегі «Искорка» деген санаторий орнында салынған.

Сілтемелер

• Лицей сайты