Алматыкітап баспасы жауапкершігі шектеулі серіктестік 1999 ж қаланған Баспалық өнімдерді басу және таратумен айналысады

«Алматыкітап» баспасы - жауапкершігі шектеулі серіктестік. 1999 ж. қаланған. Баспалық өнімдерді басу және таратумен айналысады.

Алматыкітап
Түрі	ЖШС
Қызметі	оқу құралдары, көркем әдебиеттер, сөздіктер, анықтамалықтар
Құрылды	1999
Орналасуы	Алматы, Қазақстан
Басты адамдары	Элеонора Нығметқызы Баталова
Саласы	кітап өндірісі
Сайты	www.almatykitap.kz

Өнімдері

Баспада жоғары оқу орындары мен мектепке арналған оқулықтар және оқу құралдары, көркем әдебиеттер, сөздіктер, анықтамалықтар мен мектеп жасына дейінгі балаларға арналған кітаптар басып шығарылады.

2005 ж. баспа «Мәдени мұра» бағдарламасы аясында, әйгілі «Республика Казахстан» энциклопедиялық сөздігін орыс тілінде шығара бастады.

Сонымен қатар, «Қазақстан. Қысқаша энциклопедиялық сөздігі» - Қазақстан Республикасының қазіргі жай-күйін, оның саяси-экономикалық, әкімшілік-территориялық және физикалық-географиялық жағдайын, өткен тарихи оқиғалары мен негізгі кезеңдерін қысқаша баяндайтын анықтамалық басылымын да жария етті. Басылым туындыларында егеменді ел - Қазақстанның, ғылым мен техника, мәдениет секілді сан алуан саланың дамуына айтарлықтай үлес қосқан қазіргі қайраткерлеріміз бен тарихи тұлғаларымызға баса назар аударылған. тарихы: Қазақстан Республикасының ірі баспа және кітап таратушыларының бірі – «Алматыкітап баспасы» компаниясының тарихы бұрынғы кітап сауда ұйымы – «Қазкітап» республикалық бірлестігінің Алматы облыстық кітап сауда ұйымынан (Алматы облкітапсауда) бастау алады. 1988 жылы мамыр айында «Қазкітап» республикалық бірлестігінің Алматы облыстық кітап сауда конторы «Қазақкітап» Қазақ республикалық бірлестігі жанындағы «Алматыкітап» Алматы қалалық кітап сауда конторы болып атауын өзгертті. 1993 жылы желтоқсан айында Алматы облыстық кітап саудасын акционерлеу нәтижесінде «Алматыкітап» ашық акционерлік қоғамы құрылды.

2004 жылы шілде айында «Алматыкітап» ААҚ «Алматыкітап» жауапкершілігі шектеулі серіктестігі («Алматыкітап» ЖШС) болып аталды.

2007 жылдан бастап Қазақстан нарығында компания «Алматыкiтап баспасы» ЖШС атауымен белгілі. 1999 жылы компанияның баспа қызметі балаларға арналған айшықты безендірілген қазақ-орыс-ағылшын сөздігі мен үш тілдегі (қазақ, орыс, ағылшын) «Ауа райы», «Өлшеу», «Уақыт», «Сандар», «Пішіндер», «Түстер», «Қарсы мәндес сөздер. Салыстыру» атты жеті кітаптан тұратын көркемсуретті кітаптар топтамасын басып шығарумен басталды. Кәсіпорындар кітап нарығында жұмыс істейтіндердің ұжымдық құқығын қорғау мақсатында компаниямыздың басшылығы Қазақстан кітап шығарушылар мен кітап таратушылар қауымдастығын құру туралы бастама жасады. Қауымдастық жан-жаққа бытырап кеткен ұйымдардың басын қосып, баспагерлер мен кітап таратушылар алдында тұрған міндеттерді табысты шешуде. «Алматыкітап баспасы» қазіргі таңда Қауымдастықтың белсенді қатысушысы болып табылады. 2001 жылы Элеонора Нығметқызы Баталованың бас болуымен Қауымдастық пен біздің компанияның ұсынысы бойынша Қазақстан Үкіметі Алматы қаласында «Ұлы Жібек жолымен» Бірінші халықаралық кітап және полиграфия жәрмеңкесін өткізу туралы шешім қабылдады. Бұл кәсіби форум орталық-азиялық аймақтың, таяу және қиыр шығыстың 14 елінен 120-дан астам қатысушының басын қосты және Қазақстанның білім және мәдениет секілді басым салаларында беделін арттырды, содан бері жәрмеңке дәстүрге айналып, екі жылда бір рет өткізілуде. 2011 жылы бұл көрме алтыншы мәрте өткізілді. Осы уақыт аралығында жәрмеңкеге Орталық Азия елдерімен қатар, Ресей, Украина, Италия, АҚШ, Германия, Словакия, Түркия, Қытай және өзге елдердің кітап шығару ісінің майталмандары келді. Жәрмеңкенің ең бір нәтижелі көрсеткіші көптеген елдердің баспа, полиграфия және кітап таратушы компаниялары арасындағы мәдени және іскерлік байланыстардың кеңеюі болды. Соның арқасында тәжірибе алмасу жанданды, кітап, полиграфия, кітап саудасы өндірісіне озық технологияларды енгізу тиімділігі арта түсті, бірқатар таяу және алыс елдердің ұлттық кітап өнімдерін әйгілендірудің ортақ бастамасы күшейді. 2003 жылдан бастап баспа 12 жылдық жалпыға білім беретін мектептің эксперимент сыныптарында өз оқулығының сынақтан өтуіне жолдама алды. 2008 жылы баспа Қазақстанда алғаш рет 11 жылдық білім беретін бастауыш мектепке арнап балама кітаптар әзірлеп, шығарды. «Алматыкітап баспасының» жаңа оқу-әдістемелік кешендері оқу әдебиетіне қойылатын барлық талаптарды, сондай-ақ ұлттық болмысты, отырып құрастырылады. «Алматыкітап баспасының» кітаптары білім беру ұйымдарының оқу үдерісінде пайдалануға рұқсат етілген, Қазақстан Республикасы Білім және ғылым министрлігінің бұйрығына енгізілген оқулықтар мен оқу-әдістемелік кешендер тізіміне жыл сайын еніп келеді. 2009 жылы «Алматыкітап баспасы» оқушы денсаулығына көңіл бөле отырып, «Қазақстанда алғаш болып төменгі сынып оқушыларына арналған оқулықтар дайындау кезінде озық тәсілді, атап айтқанда FLEX (интегралды) заманауи мұқабасы пайдаланды. Ол санитарлық-гигиеналық нормаларға сәйкес беріктігін жоймастан кітапты біршама жеңіл етеді. «Алматыкiтап баспасы» елде алғаш болып 5 және 6 жас мөлшеріндегі балаларды мектеп алды даярлау бойынша оқу-әдістемелік кешен шығарды. Бас қызметі жылдарында оқулықтармен қоса оқушылар мен мұғалімдердің шығармашылық қызметіне кең жол ашатын, мазмұны бай, тамаша көркемделген жоғары сапалы кітаптар басылып шықты. Олардың қатарында «Менің Қазақстаным», «Менің алғашқы кітаптарым», «Мектеп кітапханасы» кітаптар топтамасы бар. «Менің Қазақстаным» топтамасында «Қазақстанның өсімдіктер әлемі», «Қазақстанның жануарлар әлемі», «Ғажайып омыртқасыздар. Қазақстанның Қызыл кітап беттерінен» өлкетану бойынша алғашқы кітаптар болды, қазақ халқының тарихы, тұрмысы мен мәдениеті бойынша – «Қазақ халқының салт-дәстүрлері», «Энциклопедия. Қазақтың ою-өрнектері», «Қазақтың дарқан дастарқаны» және т.б болды. Сонымен қатар «Қамбар батыр», «Қобыланды батыр», «Қазақ ертегілері» секілді батырлар жыры мен ертегілер және т.б шығарылды. Баспа шығарған кітаптардың 30%-дан астамы үш тілде, яғни қазақ, орыс, ағылшын тілдерінде шығарылады. Жалпы алғанда баспа өз қызметінің он екі жылы аралығында балаларға арналған кітаптың 900-ден астам түрін және 15,5 млн. данадан астам таралыммен оқу әдебиетін шығарды. «Алматыкiтап баспасы» көптеген халықаралық кітап жәрмеңкелеріне, атап айтқанда Майндағы Франкфурт, Лондон, Лейпциг, Париж, Мәскеу, Түркімен және басқа елдердің көрмелеріне қатысты. Бүгінгі таңда баспа Ұлыбритания, Франция, Ресей, Беларусь, Үндістан баспаларымен, Латын Америка елдерінің баспагерлер қауымдастығымен бірлескен жобаларды жүзеге асыруда. «Алматыкiтап баспасы» ұжымында 150-ден астам жоғары білікті қызметкер еңбек етеді. Қызметкерлер құрамында әдіскерлер, қазақ және орыс мәтіндерінің редакторлары, суретші-дизайнерлер, техникалық редакторлар бар. Олар«Алматыкiтап баспасының» бүкіл басылым өнімдерін озық үлгідегі қондырғыларды пайдалану арқылы баспаға дайындайды. «Алматыкiтап баспасы» кітап шығару ісіне үздік қазақстандық авторлар мен суретшілерді тартады, бұл кітап мазмұны мен көркемделуінің жоғары сапасына кепілдік береді.

Заманауи экологиялық технологиялар пайдаланатын үздік қазақстандық және шетелдік типографиялармен ынтымақтастықтың арқасында өніміміздің полиграфиялық сапасы қамтамасыз етіледі. «Алматыкітап баспасы» өнімдерінің терең мазмұны мен жоғары сапасының танылуын бірқатар наградалар мен дипломдар айғақтайды. Алматы қаласында кең дүкендер желісі бар «Алматыкітап баспасы» түрлі бағыттағы әдебиетке қала тұрғындарының барлық буынының сұранысын қанағаттандырады. Бас қала Астанаға көшкеннен соң онда екі жаңа дүкен ашты. «Алматыкітап баспасы» бүкіл Қазақстан бойынша дистрибьюторлық желі құрды.