Акцепт холдинг түріндегі жекеменшік компания 1990 жылы Алматыда құрылған Accept CorporationТүріХолдингКомпанияның ұраны

Акцепт — холдинг түріндегі жекеменшік компания. 1990 жылы Алматыда құрылған.

Accept Corporation
Түрі	Холдинг
Компанияның ұраны	«Акцепт» – единственная реальность среди миражей (қаз. "Акцепт" — сағымдар арасындағы жалғыз шындық)
Құрылды	1990
Ізбасары	Lancaster Group
Құрушы	Нұрлан Жамбылұлы Қаппаров
Орналасуы	Қазақстан, Алматы

Алғаш Қазақстанға компьютерлерді, тұрмыстық электр аспаптарды, аудио және бейнетехниканы жеткізумен айналыса келіп, еліміздегі ірі және тұрақты жекеменшік компаниялар бірлестігіне айналды. Оның 5000 адам жұмыс істейтін 27 еншілес компаниясы ауыл шаруашылығы өндірісімен, тамақ өнімдерін шығарумен, саудамен, ғылыми-зерттеу және жобалау жұмыстарымен, телекоммуникациялармен, шұғылданады, құнды қағаздар және жылжымайтын мүлікпен операциялар жасайды. Компанияның болашағы зор “Акцепт Пейдж” бөлімшесі пейджинг байланысы нарығында барған сайын қомақты орын алып келеді. Қаржы айналымы 1997 жылы 150 млн. АҚШ долларынан асты. “Акцепт” қызметі, ең алдымен, отандық өндірісті өркендетуге бағытталған. Ол 1995 жылы қыркүйектен бастап “Тараз”, “Шарап” (Тараз қаласы), “Талғарспирт” (Алматы облысы), “Айдабол спирт зауыты”, “Асыл су” (Солтүстік Қазақстан облысы) акционерлік қоғамдарын басқарады. Бұл кәсіпорындарға Америка Құрама Штатының, Италия мен Германияның технологиялық жабдықтары орнатылды. “Акцепт” жыл сайын “Акцепт Астық” жауапкершілігі шектелген серіктестігі арқылы Ресейге, Тәжікстанға, Әзербайжанға, Сауд Аравиясы мен Ауғанстанға 50 000 т астық шығарады. “Акцепт” компаниясының тобындағы “Акцепт Клиринг” Акционерлік Қоғам Қазақстан экономикасының газ секторында жетекші орын алды..

1997 жылға қарай, Accent Corporation телекоммуникация, сауда, ауыл шаруашылық пен т. б. салалардағы 40-тан аса компанияны иеленген. Сол жылы да Нұрлан Қаппаров, қалаушысы, "ҚазТрансОйл" компаниясына басқарушы ретінде ауысқан. 2003 жылы "Акцепт" негізіндегі Юрий Пак пен Берік Қаниевтің КБК корпорациясы мен KazNeftCom компаниясының бірігуі арқылы Lancaster Group холдингі қалыптасты.

Дереккөздер

О.Д.Дайырбеков, Б.Е.Алтынбеков, Б.К.Торғауытов, У.И.Кенесариев, Т.С.Хайдарова Аурудың алдын алу және сақтандыру бойынша орысша-қазақша терминологиялық сөздік.Шымкент. “Ғасыр-Ш”, 2005 жыл. ISBN 9965-752-06-0
“Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9
Банк терминдері мен ұғымдарының қазақша-орысша сөздігі. / Ғ. Сейіткасымов, Б. Бейсенғалиев, Ж. Бекболатұлы — Алматы: Экономика, 2006. ISBN 9965-783-20-9
Салтанат Салим Нурлан Каппаров - человек, объединивший поколение (орыс.). Forbes Kazakhstan (2 июня 2015).
Тарихы. Lancaster Group.

[1] О.Д.Дайырбеков, Б.Е.Алтынбеков, Б.К.Торғауытов, У.И.Кенесариев, Т.С.Хайдарова Аурудың алдын алу және сақтандыру бойынша орысша-қазақша терминологиялық сөздік.Шымкент. “Ғасыр-Ш”, 2005 жыл. ISBN 9965-752-06-0

[2] “Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9

[3] Банк терминдері мен ұғымдарының қазақша-орысша сөздігі. / Ғ. Сейіткасымов, Б. Бейсенғалиев, Ж. Бекболатұлы — Алматы: Экономика, 2006. ISBN 9965-783-20-9

[4] Салтанат Салим Нурлан Каппаров - человек, объединивший поколение (орыс.). Forbes Kazakhstan (2 июня 2015).

[5] Тарихы. Lancaster Group.