Құлбек Сәрсенұлы Ергөбек

Құлбек Сәрсенұлы Ергөбек (26 желтоқсан 1952 жылы Оңтүстік Қазақстан облысы Отырар ауданында дүниеге келді) – әдебиет зерттеушісі, филология ғылымының докторы (1995), профессор.

Құлбек Сәрсенұлы Ергөбек
Туған күні	26 желтоқсан 1952 (1952-12-26) (71 жас)
Туған жері	Оңтүстік Қазақстан облысы, Отырар ауданы
Азаматтығы	Қазақстан
Ұлты	Қазақ
Жанры	әдеби сын
Шығармалардың тілі	қазақша

Өмірбаяны

Білімі

• ҚазМУ-ды бітірген (1975).
• 1975 – 1978 жылдары Қазақстан Ғылым Академиясының М.Әуезов атындағы Әдебиет және өнер инстиутутында, Республикалық Халық шығармашылық үйінде, С.Мұқанов мұражай-үйінде аға ғылыми қызметкер болған.

Қызмет жолы

• 1978 – 1990 жылдары «Лениншіл жас» (қазіргі «Жас алаш») газеті әдебиет және өнер бөлімінде тілші, ғылыми бөлімнің меңгерушісі, «Социалистік Қазақстан» (қазіргі «Егемен Қазақстан») газетінде түрлі қызметтер атқарды.
• 1990 – 1999 жылдары Қазақстан Республикасы Ұлттық Ғылым Академиясының М.Әуезов атындағы Әдебиет және өнер институтында аға ғылыми қызметкер, бас ғылыми қызметкер, қазіргі әдебиет бөлімінің меңгерушісі,
• «Ақиқат» журналында редактор, бөлім меңгерушісі, Алматы мемлекеттік консерваториясында аға оқытушы,
• Қ.А. Иасауи атындағы Халықаралық қазақ-түрік университетінде доцент, профессор.
• «Қазақ әдебиеті», «Түрік халықтары әдебиеті» кафедраларының меңгерушісі, тарих-филология факультетінің деканы, ғылыми істер жөніндегі проректор болып істеді.
• 1999 жылдан Түркістан қаласы әкімінің орынбасары, қазір Халықаралық қазақ-түрік университетінің тәрбие жөніндегі вице-президенті.

Шығармашылығы

Ергөбек қазақ поэзиясы, прозасы, жеке шығарманың жазылу тарихы, жазушы шеберханасы мәселелеріне арналған «Жан жылуы» (1981), «Мейірім шуағы» (1985), «Қазақ совет балалар жазушылары» (1987), «Сәбит Мұқанов» (1989), «Баянғұмыр» (1992), «Жақсыдан қалған сөз» (1992), «Өтебай Тұрманжанов» (1992), «XX ғасыр басындағы қазақ әдебиеті» (1994) секілді оқулық, сын-зерттеу еңбектерінің, «Адасқандар ақиқаты», «Сібір сабақтары» деректі повестерінің авторы.

«XX ғасыр басындағы қазақ әдебиеті» (2004) оқу қүралын, «Қазақтың мақал-мәтелдері» (2005), «Шынашақ» (1992), «Қазақ совет балалар жазушылары» (1987), «Сылдырап өңкей келісім» секілді тақырыптық, антологиялық кітаптарды, Б.Кенжебайүлының5томдық, Ә.Тәжібаевтың 3 томдық таңдамалы шығармалар жинағын құрастыр ды. Орыс ертегілерін, Молдаван жазушылары шығармаларын қазақ тілше аударған.

Ғалым-сыншының «Арыстар мен Ағыстар» (2004 — 2007) аталатын алты томдық шығармалар жинағы жарық көрген. Шығармалары орыс, түрік, өзбек, қырғыз, ұйғыр тілдеріне аударылып басылған.

Сыртқы сілтемелер

Дереккөздер

1. Қазақ Энциклопедиясы
2. Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл