Хуан Роман Рикельме

Хуан Роман Рикельме ( исп. Juan Román RiquelmeХуан Роман Рикельме; 24 маусым 1978 жыл, Буэнос-Айрес, Аргентина) — аргентиналық футболшы, Бока Хуниорспен Либертадорес кубогының жеңімпазы (2000, 2001, 2007). 2001 жылы Оңтүстік Американың үздік футболшысы атанды. Аргентина құрамасында 50-ден астам ойын өткізген. Аргентина құрамасы сапында 2008 жылғы Олимпиада чемпионы атанған.

Хуан Роман Рикельме
Жалпы мағлұмат
Туған күні	24 маусым 1978 (1978-06-24) (46 жас)
Азаматтығы	Аргентина
Бойы	183
Позиция	жартылай қорғаушы
Клуб карьерасы 1996—2002 Бока Хуниорс 151 (38) 2002—2003 Барселона 30 (3) 2003—2007 Вильярреал 106 (37) 2007 →  Бока Хуниорс 15 (2) 2008—2014 Бока Хуниорс 165 (35) 2014—2015 Архентинос Хуниорс 11 (4) Ұлттық құрамы 1997—2009  Аргентина 54 (18)
Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады. Ресми матчтарда ұлттық құрамда болған ойындары мен голдар саны.
Бұл үлгіні: көру • талқылау • өңдеу

Карьерасы

Рикельме "Аргентинос Хуниорс" түлегі, бірақ ол бұл клубтың негізгі командасы сапында бірде-бір матч өткізген жоқ. 18 жасында ол "Бока Хуниорсқа" ауысты, бірден осы клубтың негізгі ойыншысына айналды. Клуб сапында үш рет Аргентина чемпионатын және екі рет Либертадорес кубогын жеңіп алды.

1999 жылы Америка кубогына қатысты.

2002 жылы ол "Барселонаға" өтті, бірақ сол кезде клубта жаттықтырушылар мен президенттер жиі ауысып отырды, дегенмен Роман негізгі құрамға ілікті. Бірақ Роналдиньоның клубқа келуімен бапкер Франк Райкаард әлем чемпионына көбірек сенім артты. Рикельме сосын "Вильярреал" клубына барды. 2000 жылдардың ортасында "Вильярреал" Еуропаның үздік клубтарының біріне айналды.

2005 жылы Конфедерациялар кубогына қатысты.

2004/05 жылғы маусымда "Вильярреал" Испания чемпионатында үшінші орын алды, ал келесі маусымда Чемпиондар лигасының жартылай финалына шықты. Лондондық «Арсеналмен» қарымта кездесудің соңында Рикельме пенальти соға алмады да, клуб финалға шыға алмай қалды.

2006 жылдың жазында Германияда өткен әлем чемпионатында Рикельме Аргентина құрамасының көшбасшысы болды. Аргентина құрамасы топтық кезеңнен кейін турнирдің басты фавориттерінің бірі саналды. Әсіресе, «Альбиселесте» 6:0 есебімен жеңіске жеткен Сербия және Черногория құрамаларына қарсы ойында Рикельме үздік ойыншы болды. Алайда ширек финалда аргентиналықтар тартысты күресте (тағы да пенальти сериясында) турнир қожайындары – Германия құрамасынан жеңіліп қалды.

2007 жылы Америка кубогына қатысты.

2007 жылы азырақ уақыт туған клубы "Бока Хуниорсқа" жалға беріліп, 2008 жылы толық ауысты.

2014 жылы "Архентинос Хуниорс" клубына ауысып, бір жылдан соң футболмен қоштасты.

Жетістіктері

• Аргентина чемпионы (4): Апертура 1998, Клаусура 1999, Апертура 2000, Апертура 2011
• Либертадорес кубогының иегері (3): 2000, 2001, 2007
• Құрлықаралық кубоктың жеңімпазы: 2000
• Оңтүстік Америка Рекопасының жеңімпазы: 2008 ж
• Интертото кубогының жеңімпазы: 2004
• Жастар арасындағы әлем чемпионы (U20): 1997 ж
• Олимпиада чемпионы: 2008 ж

Дерекккөздер

1. https://www.transfermarkt.com/transfermarkt/profil/spieler/3854

Сілтемелер

• riquelme-web.com.ar
• juanromanriquelme.com.ar
• Аргентина чемпионатындағы статистика