Astana TV Астана телеарнасы жалпыұлттық қазақстандық телеарна Елордадан хабар таратады Astana TV Астана қ теледидары ЖШС

«Astana TV» («Астана» телеарнасы) — жалпыұлттық қазақстандық телеарна. Елордадан хабар таратады.

Astana TV
«Астана қ. теледидары» ЖШС

Ел	Қазақстан
Хабар тарату аумағы	Қазақстан
Хабар тарату уақыты	тәулік бойы
Хабар тарату тілдері	қазақша, орысша
Басқару орталығы	Астана қаласы, Желтоқсан көшесі, 51
Бейне форматы	16:9
Арнаның тақырыптамалары	ақпараттық, ойын-сауық
Хабар таратуын бастады	1 наурыз 1993 жыл
Иесі	«Nur Media» ЖШС — 60%, «Рауан Медиа Групп» АҚ — 40%
Бас директоры	Әзизхан Әбілдинов
Бұрынғы атаулары	Цесна (1993-2000) АсТВ (2000-2004) Астана (2004-2012)
Сайт	astanatv.kz

Басқа мағыналар үшін Астана (айрық) деген бетті қараңыз.

Арнаның тарихы

«АСТАНА» телернасы ең алғаш «ЦЕСНА» деген атпен 1993 жылдың наурыз айында эфирге шықты. 2000 жылдың қараша айынан арнаның атауы «Астана қаласы Телевидениесі», қысқартып айтқанда «АсТВ» болып өзгерді. 2004 жылдың шілде айында арна бұрынғы маркасын өзгертті. Енді экранда қазіргі көрерменге жақсы таныс стилі ерекше «А» әрпі мен «АСТАНА» деген асқақ атау пайда болды.

Арнаның хабар тарату көлемі

«АСТАНА» тәулігіне 23 сағат, аптасына 7 күн әуе толқынында.

Техникалық жабдықталуы

«АСТАНА» арнасының студиялық-аппараттық кешені ең соны сандық техникамен жабдықталған. Қазақстанда тұңғыш рет осы телеарнада «News Fabric» жүйесі енгізілді. Соның арқасында ақпараттық бағдарламалар CNN технологиясы бойынша жасалады. «VECTOR BOX» автоматтандырылған тарату кешені орнатылған. Бағдарламалар мен фильмдерді халықаралық сапа мен стандартқа сәйкес дыбыстайтын Қазақстандағы ең алдыңғы қатарлы «Avid Studio Complete» тәржіме кешеніне ие.

Қазіргі кезеңдегі арнаның міндеттері

Бүгінгі «АСТАНА» - ауқымы кең, ел ішінде қанат жайған тілшілілер желісі бар, қызу қарқынмен дамып-жетіліп келе жатқан телекомпания. Ақпараттық саясаты:

Сараптауы салиқалы, ақпараты шынайы да шымыр, фактілері дәл, баға беруі салмақты да шынайы жаңалықтар, кәсіби білігі биік, патриотизмі шыңдалған корреспонденттер.
Сапалы да салмақты кинокөрсетілімдер;
Көңілашар бағдарламалар тұжырымдамасы елден ерек;
Имиджі ойластырылған, қазақстандық бизнес үшін өте тартымды тұғыр.

Жаңа буындағы кәсіби менеджерлер командасы телекомпанияның бет-бейнесіне, басқару жүйесіне өзгерістер енгізді. Бұдан былай эфирге шығатын әр бағдарламаға қойылатын басты талап көпсөзділіктен ада, фактілері шынайы, экономикалық жағынан тиімді болуы. Соның нәтижесінде «Астана» арнасының рейтингі астаналықтар мен аймақтағы көрермендерінің алдында өте жоғары. Оны Gallup Media Asia тәуелсіз зерттеу агенттігінің мәліметтері де дәлелдеп отыр. «АСТАНА» астаналық менталитет қалыптастырып, Астанада болып жатқан маңызды шараларды кеңінен насихаттау арқылы жас еліміздің жақсы беделін қалыптастыруға барынша атсалысып отырған салиқалы арна. Көрермендері «Бірінші астаналық» деп ат тағып, атақ беруі де соның дәлелі.

Бағдарламалар

Ақпараттық-сараптамалық, қоғамдық-саяси бағдарламалар

Astana Times
«Sarap Times» апталық-сараптамалық бағдарламасы
Саулықтың сыры
Қоғам назарында
Прямая связь
KazNet

Ойын-сауық бағдарламалары

Үздік әзілдер
Көру керек
«Алдараспан» әзіл-сықақ театрының концерті

Телехикаялары

100% махаббат
Зу-зу Күлпәш
Шабашники
Бесплатный адвокат
Ангел-хранитель
Қаһарман
По синим волнам
Құрақ
Бас дәрігер

Логотиптері

2004-2012 жылдардағы логотипі
2012-2019 жылдардағы логотипі
Қазіргі логотипі

Басшылары

Ержан Барманқұлов
Серік Салиев (2010-2011)
Қайсар Жаңаханов (2011-2012)
Ләззат Танысбай (2012-2019)
Бибігүл Жексенбай (2019)
Құрманбек Жұмағали (2019-2021)
Әзизхан Әбілдинов (2021 жылдан бастап)

Арнаның марапаттары

1. Париж - 2003 жыл World Quality - International Award сертификаты және «САПА Дипломы». Париж , 2 маусым 2003 жыл (әлемдік деңгейдегі тарату сапасы үшін).
2. «Алтын жұлдыз» - «Золотая звезда» - 2003 жылғы ең үздік аймақтық телеарна.
3. Шығармашыл жастардың халықаралық «Шабыт» конкурсының «журналистика» номинациясы бойынша 1 орынды журналист Н. Қарағойшина «Жақыныңа жардемдес» бағдарламасы үшін иеленді.
4. 2005 жылы, «Астана» телеарнасы жаңалықтар қызметінің бас редакторы Бағдад Қожахметов «Бағдарламаның үздік жүргізушісі» номинациясы бойынша Ялтада өткен ТМД елдерінің 5-халықаралық телекинофоруымында 1 орынды иеленді. Бірінші дәрежелі диплом мен қола мүсінше алды. Бұл форумға 24 елден 83 телекомпания қатысты.
5. 2006 жылдың қорытындысы бойынша бағдарламалар жүргізушісі Тимур Асылханов Қазақстан Жастар Конгресінің арнайы сыйлығымен марапатталып, «Қазақстанның алымды жас журналисі» деген атаққа ие болды.
6. 2007 жылы журналист Зарина Мухамедалидің тарихи тұлғалар туралы «Свет былого» авторлық деректі фильмдер циклі халықаралық «Шабыт» фестивалінде бірінші орын алды және «Шәкен жұлдыздары» халықаралық кинофестивалінің лауреаты болды.
7. 2010 жылы ақпараттар қызметінің тілшісі Анна Журба «Сорос-Қазақстан» қоры өткізген «Денсаулық сақтау саласындағы адам құқы» конкурсында «үздік бейнерепортаж» номинациясы бойынша жүлделі болды.
8. 2010 жылы «Түйін сөз» бағдарламасының жүргізушісі Мұқит Ықылас «Нұр Отан» ХДП-ның «Нұр сұңқар» сыйлығын жеңіп алды.

Дереккөздер

Телебағдарлама
Сериалы

Сыртқы сілтемелер

«Astana TV» телеарнасының ресми сайты
«Astana TV» телеарнасының онлайн көрсетілімі
«Astana TV» (YouTube)
«Astana TV Movie» (YouTube)
«Astana TV Show» (YouTube)
«Astana TV» сериалдары (Instagram)
«Astana TV» жаңалықтары (Instagram)
«Astana TV» жаңалықтары (TikTok)
«Astana TV» сериалдары (TikTok)
«Astana TV» телеарнасы (X)
«Astana TV» телеарнасы (Facebook)
«Astana TV» телеарнасы (Telegram)

[1] Телебағдарлама

[2] Сериалы