Жүзінші Қазақ Ұлттық атқыштар бригадасы Ұлы Отан соғысына қатынасқан қазақстандық әскери құрама Астананың әскери тарихи

Жүзінші Қазақ Ұлттық атқыштар бригадасы — Ұлы Отан соғысына қатынасқан қазақстандық әскери құрама.

Астананың әскери-тарихи мұражайындағы стенд

1941 жылдың аяғында Алматы қаласында құрылған. Тұңғыш командирі подполковник В.Е. Шевцов, әскери комиссары аға саяси жетекші С.Бәйішев болды. Немістермен алғашқы ұрысқа 1942 жылғы 25 қарашада түбінде қатынасып, 2 желтоқсанға дейінгі ауыр шайқастарда 9 село мен ауылды азат етіп, жаудың Сталинградқа жібермекші болған ірі күшін тежеп тұрды.

1943 жылғы қаңтарда Великие Луки үшін болған шайқастарда жаудың қарсы шабуылын тойтарды. Күзде Невель қаласын алуға қатынасып, Большой Иван мен Қаратай көлдері аралығында аса қиын қорғаныс ұрыстарын жүргізді. Бригада құрамынан Мәншік Мәметова, Сақтаған Бәйішев, Әбілқайыр Баймолдин, Асқар Закарин, Иманбек Сулейменов, Егемқұл Тасанбаев, Қ.Шарипов, т.б. Кеңес Одағының Батырлары, командирлер мен саяси жетекшілер өсіп жетілді.

1943 жылы желтоқсанда бұл бригада 31-бригадамен бірге 1-ші атқыштар дивизиясына біріктірілді. Дивизия соғыса отырып, Брест қаласы мен Польша арқылы Висмар портына дейін жетіп, жауынгерлік ерлігі үшін Қызыл Ту орденімен марапатталды.

Дереккөздер

Қазақ энциклопедиясы

Тағы қараңыз

Жүз Бірінші Қазақ Ұлттық Атқыштар Бригадасы

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Қазақ энциклопедиясы