Корректура

Корректура (лат. correctura – түзету, жақсарту) – баспа теріміндегі әріптік, сандық, белгілік, таңбалық, емлелік, полиграфиялық-техникалық қателерді тексеріп, түзету, жөндеу процесінің жиынтығы. Оған – баспа терімін түпнұсқамен салыстырып оқып, қателерден арылту, мәтіндердің тілдік, стильдік ұғымдылығына назар аудару, терминдерді, атауларды, қысқарған сөздерді бірыңғай жүйеге келтіру, тақырып, бөлім, тарауларының, суреттерге берілген түсініктеме мәтіндердің өз орындарына орналасуын қадағалау, баспасөз басылымдарының полиграфиялық-техникалық жағынан сауатты шығуына және дұрыс безендірілуіне көмектесу, т.б. жұмыстар жатады. Корректура [[баспахана |баспаханалық]] Корректура, түпнұсқалық-макеттік басылым Корректурасы, баспалық Корректура және репродукциялық баспа қалыбының Корректурасы түрлеріне бөлінеді. Баспаханалық Корректурасы мен түпнұсқалық-макеттік басылым Корректурасына теру, беттеу, қалыптаудың барлық сатыларындағы терімдік қателерді жөндеу; баспалық Корректураға автордың, редактор мен техникалық редактордың түзету-жөндеулері; репродукциялық баспа қалыбының Корректурасына бірыңғай түсті немесе көп түсті бояулы көшірілімдерді түпнұсқамен салыстыру және оларға жазба көрсетулер (арнаулы таңбаларсыз) мен түзетулер (қалыптағы баспа элементін күшейту не әлсірету) енгізу жатады. Корректура жасау 4 сатылы ретпен -көшірімде, көшірімдік бетте, тазартылған көшірімдік бетте және басылуға дайын болған көшірімдік бетте жүзеге асырылады. Табылған қателерді белгілеу үшін корректуралық таңбалар жүйесі қолданылады.

Дереккөздер

1. Полиграфия, өлшеу техникасы, ағаш өңдеу жабдыктары және металл өңдеу техникасы мен технологиясы: Қазақша-орысша терминдердің түсіндірме сөздігі.

, Корректорға көмекші, А., 1951;

, Газетті безендіру сыры, А., 1973;
, Корректура наборных форм, М., 1967.
Қазақ Энциклопедиясы, 11 - том