Әміртай Бөрі

Әміртай Бөрі 1946 жылы 16 қарашада Жамбыл облысы, Жуалы ауданындағы Қызтоған туған.

Қазақ мемлекеттік университетінің филология факультетін 1968 жылы бітірген соң, қазіргі «Ұлан» («Қазақстан пионері»), 1970—1976 жылдары «Лениншіл жас» («Жас Алаш») газеттерінде әдеби қызметкер, бөлім меңгерушісі, Қазақ телестудиясында редактор, «Қазақфильм» ұлттық компаниясының аударма фильмдер бірлестігінің Бас редакторы болған.

Шығармалары

Жазушының тырнақалды туындысы — «Ақ бидай» романы 1968 жылы «Лениншіл жас» газетінде, басқа да баспасөз беттерінде үзінді ретінде жарық көрді. Бүл туынды «Жазушы» баспасынан 1976 жылы шықты. 1976 жылы республикалық жабық бәйгеде «Мейір гүлдеген жерде» повесі екінші сыйлыққа ие болып, «Жалын» альманахында жариялайды. 1977 жылы «Жалын» баспасынан «Алматы әңгімелері» повестер жинағы, «Өнер» баспасынан «Арманына жолыққан адам» ғұмырнамасы шықты. «Кел біздің ауылға», «Ештен кеш емес», «Кіндік шеше» пьесаларын жазды.

Қазақстан кинематографиясының үздігі. Жүзден аса көркем фильмдерді аударды. Сондай-ақ М.Әуезов, Ж.Жабаев, С.Мұқанов, М.Жолдасбеков туралы, т.б. деректі фильмдердің сценарийін жаз ды. «Доңыз деген не?» мультфильмінің сценарийі үшін жабық бәйгеде екінші жүлдеге ие болды. Орыс жазушылары А.Чеховтың «Дүшпандар», «Шалғы шыңылы» әңгімелерін қазақ тіліне аударған.

Дереккөздер

1. Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл