Мұрат Абдиримұлы Ахмадиев

Мұрат Абдиримұлы Ахмадиев - 1950 жылы 12 қаңтарда ҚХР-да туған.

Ахмадиев Мұрат Абдуреймұлы (1950 жылы 12 қаңтарда дүниеге келген, Шәуешек, Шыңжаң Ұйғыр автономиялық ауданы, Қытай) — театр және кино актері. "Яшлық" тобының негізін қалаушысы және жетекшісі. Қ.Құжамьяров атындағы Мемлекеттік республикалық ұйғыр музыкалық комедия театрының директоры (1984-2007). Қазақстан Республикасы Парламент Мәжiлiсінің V (2007-2011) және V сайланым (2012-2016) депутаты. Қазақстан халқы Ассамблеясы Кеңесінің мүшесі. Қазақстан Республикасының халық әртісі (1998). Ұйғыр, қазақ және орыс тілдерін біледі.

Өмірбаяны

Әкесі - Ахмиди Абдирим (1927-1999), Өзбекстанның Халық әртісі. Анасы - Зайнахунова Тұранқыз (1932-2004).

1965 жылы «Мосфильм» киностудиясында «О чем молчала тайга» фильмінде, 1966 жылы О. Сүлейменовтың сценарийі бойынша Ш.Аймановтың «Атамекен» фильмінде Баян рөлін сомдады. Ол «Тақиялы періште» фильмінің түсіріліміне қатысты.

1971-1972 жж. орта мектепте ән мұғалімі;

1975 жылы Құрманғазы атындағы Апматы мемлекеттік консерваториясының хор дирижері факультетін бітірген.

1973—1984 жылдары - Мемлекеттік Қ. Қожамьяров атындағы ұйғыр музыкалық комедия театрының солист-вокалисті.

1984-2007 жылдар аралығында ол ТМД-дағы жалғыз кәсіби ұйғыр театрының директоры болды. 1996 жылы театр төңірегіне пікірлестер мен демеушілерді жинап, ұйғыр театрының ескі ғимаратын қайта жаңғыртудың бастамашысы әрі ұйымдастырушысы болды. 2002 жылы Қазақстан Республикасының Президенті Н. Ә. Назарбаевтың қатысуымен жаңа театр ғимаратының ашылуының салтанатты тұсаукесері өтті.

2007 жылдан бері - Қазақстан Халқы ассамблеясынан сайланған ҚР Парламенті Мәжілісі 4-ші шақырылымының депутаты, Әлеуметтік-мәдени даму комитетінің мүшесі. Алматы қалалық Халық депутаттары кеңесінің депутаты (1984-1986, 1987-1990). 2007 жылдан 2011 жылға дейін Қазақстан Республикасы Парламенті Мәжілісінің төртінші шақырылымның депутаты.

1984 жылы «Қазақ ССР», 1998 жылы «Қазақ Республикасының халық әртісі» құрметтік атақтарына ие болды, 2005 жылы «Құрмет» және 2010 жылы «Парасат» ордендарымен марапатталды.

2002 жылдан бастап Еуропа университетінің өнертану құрмет докторы. Қазақстан халқы Ассамблея Кенесінің мүшесі.

Марапаттары

• Қазақ КСР еңбек сіңірген әртісі (1984)
• Қазақ КСР Жоғарғы Кеңесінің Құрмет грамоталары
• Қазақстан халық әртісі (1998)
• Еуропа университетінің өнертану ғылымының құрметті докторы (2002)
• «Құрмет » ордені (2005)
• Парасат ордені (2010)
• «Мәдениет саласының үздігі» төс белгісі (2012 ж.)

Қызықты фактілер

Діни көзқарасы - мұсылман.

Саяси қайраткер ретіндегі идеалы - Н.Ә. Назарбаев.

Хоббиі - спорт, футбол.

Сүйіп оқитын әдебиеті - тарихи романдар.

Үйленген, бес бала тәрбиелейді. Жұбайы - Тұрдиева Гүлбахрам, Қ. Қожамияров атындағы Мемлекеттікреспубликалықұйғыр музыкалықкомедия театрының балет әртісі. Ұлдары - Ахмадиев Дилшат, Ахмадиев Абдирим, Ахмадиев Диас; қыздары - Ахмадиева Дилназ, Ахмадиева Малика.

Дереккөздер

1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2

Сілтемелер

• Мәжілістің құрамы мен құрылымы, АХМАДИЕВ Мурат Абдуреимұлы