Мумия Стивен Соммерс сценарийін жазып түсірген американдық шытырман оқиғалы фильм Бұл фильм 1932 жылғы Борис Карлофф ойн

«Мумия» - Стивен Соммерс сценарийін жазып, түсірген американдық шытырман оқиғалы фильм. Бұл фильм 1932 жылғы Борис Карлофф ойнаған «Мумия» фильмінің ремейкі. Фильм бастапқыда төмен бюджетті қорқынышты фильм ретінде жоспарланғанымен, ақырында экшн-шытырман оқиғалы блокбастерге айналды. Фильм Мароккодағы Эрфуд қаласының маңында түсірілген. Басты рөлдерде Брендан Фрейзер, Рэйчел Вайс және Арнольд Вослу. Фильм «Үздік дыбыс» санатында Оскар сыйлығына ұсынылды.

Мумия
ағылш. The Mummy

Жанры	Фантастикалық экш
Режиссёрі
Продюсері	Шон Даниель Джеймс Джекс
Сценарийдің авторы	Стивен Соммерс
Басты рөлдерде	Брендан Фрейзер Рейчел Вайсс
Операторы	Адриан Биддл
Композиторы	Джерри Голдсмит
Кинокомпания	Alphalive Films
Ұзақтығы	125 мин.
Бюджеті	$ 80 млн.
Кассалық түсімі	$ 415 млн.
Мемлекет	АҚШ
Тілі	араб тілі, мысыр тілі
Шыққан жылы	1999
Келесі фильм	Мумия оралады
IMDb	ID 0120616
https://www.uphe.com/movies/the-mummy-1999

2001 жылы «Мумия оралады» атты жалғасы және оның «Сарышаяндар патшасы» спин-оффы шықты.

Сюжет

Оқиға құпияға толы Мысыр елінде болады. Перғауынның бас абызы Имхотеп Анксунамунмен көңілдес болады. Анксунамун перғауынның сүйіктісі болатын. Перғауын олардың құпияларын білген кезінде, Имхотептің қолынан қаза болады. Перғауын сарбаздары келген сәтте Анксунамун өзіне өзі қол салып, өлерінде Имхотепке өзін тірілтіп алуды сұрайды. Имхотеп Анксунамунның мәйітін ұрлап алып, Хамунаптра қаласында тірілту рәсімін жасайды. Рәсім аяқталмастан, перғауын сарбаздары Имхотепті тұтқынға алады. Имхотеп хом-дай жазасына кесіледі. Имхотептің тілі кесіліп, адамжегіш қоңыздармен саркофагқа салынады. Арада мыңдаған жылдар өтеді. Жас кітапханашы қыз Эвелин бала кезінен Мысыр құпияларына қызығушылық танытатын. Ол әсіресе Мысырдың аңыздарындағы кітаптарға көңіл бөлетін. Ол ежелгі өлілер қаласы Хамунаптраны табу үшін француз сарбазы Рик О'Коннелдің көмегіне жүгінеді. Олар Хамунаптраны тапқан соң Эвелинның кесірінен қарғыс атқан мумия Имхотеп тіріліп кетеді. Аңыз бойынша, Имхотеп хом-дай жазасынан соң, өлмес тіршілік иесіне айналады. Дегенмен, Эвелин мен О'Коннел тірілер кітабының күшімен Имхотепті өлілер мекеніне қайтарады.

Басты рөлдерде

Дуэйн Джонсон
Брендан Фрейзер
Рейчел Вайс
Джон Ханна
Арнольд Вослу
Кевин О'Коннор

Кастинг

Рик О’Коннелл рөлі бастапқыда Сильвестр Сталлонеге ұсынылды. Басқа үміткерлер ішінде — Том Круз, Бен Аффлек, Бред Питт және Мэтт Деймон болды. Түрме бастығының рөлін сомдаған ағылшын әзілкеші Омида Джамильдің дебюті болды.

Қызықты деректер

Фильмді түсіру барысында, түсірілім тобы қиыншылықтарға тап болады. Күннің аптап ыстықтығы, жәндіктер кедергі жасайды. Актерлер күннің ыстықтығынан, ерекше сусынды 2 сағатта бір рет пайдалануға мәжбүр болады. Рик О'Коннелді дарға асатын эпизодты түсіру барысында, актер Бренданның мойнына зақым келіп, тынысы нашарлап кетеді.

Сыртқы сілтемелер

Ресми сайт Мұрағатталған 30 қаңтардың 2012 жылы.

Дереккөздер

Roger Ebert Roger Ebert's Movie Yearbook 2004 — Andrews McMeel Publishing, 2003. — P. 451. — ISBN 978-0-7407-3834-0.

[1] Roger Ebert Roger Ebert's Movie Yearbook 2004 — Andrews McMeel Publishing, 2003. — P. 451. — ISBN 978-0-7407-3834-0.