Қоңыр қаз Anser Қазақстанда кездесетін 40 түрлі қазтәрізділердің бірі Қоңыр қазСипатыТығыз денелі ірі қаздың салмағы 3 4

Қоңыр қаз (Anser) — Қазақстанда кездесетін 40 түрлі қазтәрізділердің бірі.

Сипаты

Тығыз денелі ірі қаздың салмағы 3-4 кг, сирек жағдайда 6 кг дейін жетеді. Қауырсындары ашық-сұр үлкен қаздардың бауырында қара дақ болады, тұмсығы біркелкі қызғылт және басы ақ түсті болып келеді. Суда өте жақсы жүзеді және жерде де жақсы жүгіреді. Сүңгу қабілеті де бар. Жылдам ұшып, сирек қанат қағады. Дауысы қатты қаңқылдайды, ұшқан кезде дауысы жұмсақтау шығады. Үй қаздарының көпшілігі қоңыр қаздан таралған.

Жұптары тұрақты. Жастары 3-4 келгенде көбейе бастайды. Ұя салуға ерте ұшып келеді, олар ұшып келген уақытта су айдындарын мұз басып жатады. Ұя салуға ескі қамыс-құрақтарды пайдаланады. Ұяны үлкен етіп салады және оның ішін мамықпен толтырады. Қоңыр қаз - 4-10 дейін ақ жұмыртқа салып, оны 28 күнде басып шығарады. Бұл уақытта ата қаз ұяның қасында болады.

Тағамдары

Негізгі тамағы батпақты және суда өсетін өсімдіктердің жемістері мен сабақтары, астықты шабындық. Күзде ұшардың алдында орылған егіннің орнында қалған тұқымдар мен күздік бидайды жейді.

Аңшылықтың бағалы түрі. Күзде Қазақстанның Солтүстік және Батыс облыстарында үлкен топтасу құрайды. Барлық үлкен су айдындарында кездеседі.

Дереккөздер

Ақтөбе облысының жануарлар әлемін қорғау. Ақтөбе, 2011

[1] Ақтөбе облысының жануарлар әлемін қорғау. Ақтөбе, 2011