Transport Tower ғимараты немесе Оттық немесе Зажигалка Астана қаласында орналасқан əкімшілік ғимарат Ол Қазақстандағы 10

Transport Tower ғимараты немесе Оттық немесе Зажигалка — Астана қаласында орналасқан əкімшілік ғимарат. Ол Қазақстандағы 10 биік ғимараттар тобына кіреді.

Архитектурасы

2003 жылы қолданысқа берілген ғимарт 36 қабаттан тұрады, биіктігі 155 метр. Жоғарғы қабаттарға көтерілетін адамдар ағынын реттеу үшін ғимаратта 10 лифт жұмыс істейді. Ғимаратта 150 адамдық дәмхана, 300 орындық конференц-зал бар.

Ғимаратта болған төтенше жағдайлар

Халық арасында «оттық» аталып кеткен ғимарат өз тарихында екі рет өртке оранды. Қолданысқа берілгенге дейін 2003 жылы құрылыс жұмыстары барысында жоғарғы қабаттардың бірінен өрт шыққан. Ресми деректерге қарағанда өрттің шығуына дәнекерлеу жұмыстары себеп болған. 4 техникалық және 32 қолданыстағы қабаты бар ғимараттан 2006 жылы тағы да өрт шықты. Өрт сөндіруге 148 адам және 32 арнайы техника қатсысқан. Нәтижесінде 6 өрт сөндіруші шыны сынықтарынан зардап шегіп, екі қызметкерге иіс тиген.

Дереккөздер

[1] Мұрағатталған 30 қазанның 2017 жылы.
"Kazakhstan , discovery mystery " ; 25 бет