Құрманәлиев Кәрімбек

Құрманәлиев Кәрімбек (20.4.1962 ж.т., Түркістан облысы Бәйдібек аудан Жамбыл а.) – филология ғылым докторы (2002), профессоры (1998). Қазақстан Ұлттық жаратылыстану ғылым академиясының акад. (2000). ҚР Білім беру саласының құрметті қызметкері (2002). Алматы шет тілдері институтын (1986, қазіргі Қазақ халықаралық қатынастар және әлем тілдері университеті) бітірген. Осы институттың кәсіподақ к-ті төрағасының орынбасары (1986–87), Қазақ мемлекеттік қыздар педагогикалық институтында (қазіргі Қазақ мемлекеттік қыздар педагогикалық университеті) оқытушы, доцент, кафедра меңгерушісі (1987–2000), «Қайнар» университетінің вице-президенті – ректоры (2000–03), ҚР Білім және ғыл. мин-лігі Жоғары білім беру департаменті директорының орынбасары, директоры (2003–07), Еуразия ұлттық университетінің инновация жөніндегі проректоры (2007–08) қызметтерін атқарды. 2008 жылдан Қазақстан Ұлттық жаратылыстану ғылым академиясының вице-президенті. «Қазақ тіліндегі сөзжасамдық ұя мәселесінің теориялық негіздері» тақырыбында доктор диссертация қорғады. 80-нен астам ғылым жарияланымның, 4 монографияның авторы.

Дереккөздер

1. “Қазақ Энциклопедиясы”