Қазақстан Республикасы Мемлекеттік күзет қызметі

Қазақстан Республикасы Мемлекеттік күзет қызметі — Қазақстан Республикасының Президентіне тікелей бағынатын және есеп беретін, Қазақстан Республикасының ұлттық қауіпсіздігін қамтамасыз ететін күштерге жататын және Қазақстан Республикасы Президентінің, басқа да күзетілетін адамдардың және объектілердің қауіпсіздігін қамтамасыз ету бойынша күзет іс-шараларын жүзеге асыратын арнаулы мемлекеттік орган.

Қазақстан Республикасы Мемлекеттік күзет қызметі
Жалпы мағлұмат
Мемлекет	Қазақстан
Құрылған уақыты	21 сәуір 2014 жыл
Оның алдындағы мекеме	ҚР Президентінің Күзет қызметі ҚР Республикалық ұланы
Мекемені басқарады	Қазақстан Республикасының Президенті
Штаб-пәтері	Астана қаласы, Мәңгілік Ел даңғылы, 30
Бастығы	генерал-майор Сәкен Исабеков
Ресми сайты
gov.kz/memleket/entities/qrmkq

Тарихы

ҚР Президентінің Күзет Қызметі ҚР Президентінің 1995 ж. 3 қазандағы Жарлығымен мемлекеттік орган ретінде ҚР Президентіне тікелей бағынатын арнайы әскери құрама болып құрылды. ҚР Президентінің 2014 жылғы 21 сәуірдегі №807 Жарлығымен Қазақстан Республикасы Президентінің Күзет қызметі мен Қазақстан Республикасының Республикалық ұланы қосу жолымен Қазақстан Республикасының Президентіне тікелей бағынатын және есеп беретін мемлекеттік орган ретінде Қазақстан Республикасы Мемлекеттік күзет қызметі болып қайта ұйымдастырылды.

Міндеттері

• Қазақстан Республикасы Президентінің және басқа да күзетілетін адамдардың қауіпсіздігін қамтамасыз ету
• Қазақстан Республикасы Президентінің және басқа да күзетілетін адамдардың өміріне, денсаулығына, құқығына, бостандығына, жеке басының қадір-қасиетіне және меншігіне қарсы бағытталған құқық бұзушылықты анықтау, алдын алу және жолын кесу
• күзетілетін объектілерде және күзетілетін адамдар болатын басқа да жерлерде олардың меншігін күзету, қоғамдық тәртіп пен қауіпсіздікті қамтамасыз ету
• өз өкілеттіктері шегінде терроризмге қарсы іс-қимылды жүзеге асыру
• күзетілетін адамдар мен объектілерге төнетін қатерді болжау және анықтау, олардың алдын алу және бейтараптандыру жөніндегі жедел шаралар кешенін жүзеге асыру
• Қазақстан Республикасы Мемлекеттік Туының және Қазақстан Республикасы Мемлекеттік Елтаңбасының эталондарын күзетуді жүзеге асыру, рәсімдік және протоколдық іс-шараларды орындауға қатысу
• президенттік байланыспен қамтамасыз етуді ұйымдастыру

Құрылымы

Ведомствосы – Мемлекеттік күзет қызметі Айрықша мақсаттағы күштері.

Айрықша мақсаттағы күштердің әскери бөлімдері

1. "Айбын" президенттік полкі" 0112 әскери бөлімі.
2. "Батыр" президенттік полкі" 0111 әскери бөлімі.
3. 0116 әскери бөлімі.

Қарамағындағы ұйымдар

• "Арнайы қамтамасыз ету орталығы" ЖШС

Басшылық

• Исабеков Сәкен Сайынұлы — ҚР Мемлекеттік күзет қызметі бастығы, мемлекеттік күзет қызметінің генерал-майоры
• Омарбеков Айтқұрман Жоламанұлы — ҚР Мемлекеттік күзет қызметі бастығының орынбасары – Айрықша мақсаттағы күштерінің Қолбасшысы
• Төреханов Роман Алмаханұлы — ҚР Мемлекеттік күзет қызметі бастығының орынбасары – ҚР Президентінің күзет қызметінің бастығы
• Жақыпов Шыңғыс Лесұлы — ҚР Мемлекеттік күзет қызметі бастығының орынбасары
• Канцеров Константин Вадимович — ҚР Мемлекеттік күзет қызметі бастығының орынбасары

Басшылары

1. Амантай Күреңбеков (2014-2018)
2. Ардақ Әшімбекұлы (2018-2019)
3. Әнуар Садықұлов (2019-2020)
4. Қалмұханбет Қасымов (2020-2021)
5. Ермек Сағымбаев (2021-2022)
6. Сәкен Исабеков (2022 жылдан бері)

Дереккөздер

1. Қазақстан Республикасы Мемлекеттік күзет қызметі туралы ережені бекіту туралы
2. ҚР Президентінің 1995 жылғы 3 қазандағы № 2483 "[[Қазақстан Республикасы Президентінің күзет қызметі туралы]]" Заң күші бар Жарлығы (ҚР Жоғарғы Кеңесінің Жарлығы, 1995, №19, 118-бап).
3. 1995-2000 жж. кезеңдегі мемлекеттік органдар туралы мәліметтер; қараңыз-Қазақстан Республикасының мемлекеттік билік органдары (1991 ж. 16 желтоқсан - 2000 ж. 1 қаңтар). Анықтамалық. ҚР ПМ. - Алматы: БҮ "Эдельвейс", 2004. 70-71 б. (Құрастырушы- лардың ескертпелері)
4. Басшылық