Шрот құнарлы мал азығы Шаруашылықтарда көбіне жер жаңғағы қыша майкене жүгері күнбағыс зығыр Ш тары пайдалынады Шрот жал

Шрот- құнарлы мал азығы. Шаруашылықтарда көбіне жер жаңғағы, қыша, майкене, жүгері, күнбағыс,зығыр Ш-тары пайдалынады. Шрот жалпы коректігі жағынан дәнді дақылдарға тең,құрамындағы протеин мөлшері олардан әлдеқайда көп. 100 кг күнбағыс шротында 100 азық өлшемі және 37,6 кг қорытылатын протеин, 100 кг зығыр шротында 102 азық өлшемі, 28,5 кг қорытылатын протеин бар. Кейбір шроттар құрамында ұлы не зиянды заттар, мыс, мақта шротында госсипол, майкенеде рицина болатынын ескеріп малға құрама азыққа қосып берген жөн. Бордақылайтын ірі қараға аз мөлшерде ( 10%-ке дейін) майкене шроты беріледі. Құрамындағы госсиполы 0,08%-тен аспайтын мақта шротын сауын сиырына, бордақылайтын ірі қара мен шошқаға құрама жемге қосып беруге болады. Өнеркәсіпте құрамындағы протеиннің мөлшеріне қарай көбіне ш-ты 1 және 2-сортпен шығарады. Мұнда ылғал 10%-тен аспайды, борсыған иіс, көгерген, күйген т.б. белгілер болмауы керек. Әр шроттың иісі –дақылға тән болуы шарт. Шрот бөгде зат- тас, әйнек, топырақ, металл т.б. қосплардан таза болуға тиіс. У химикаттар тасылған вагондар мен автомашиналарға шрот тиеуге болмайды. Оларды таза, құрғақ орында сақтау керек