Халықаралық бизнес университеті University of International Business 1992 жылы құрылған Қазақстан Республикасының жоғары

Халықаралық бизнес университеті (University of International Business) – 1992 жылы құрылған Қазақстан Республикасының жоғары оқу орны. Бүгінгі таңда UIB – жоғары білімді білікті мамандарды даярлауда тәжірибесі бар, экономиканың түрлі салаларында бизнес жүргізуге қабілетті және көшбасшы бола алатын өзіндік қазіргі заманғы бизнес-мектеп.

UIB үздіксіз білім беру цикліндегі:

Бакалавриат, Магистратура, PhD докторантура, Диссертациялық кеңес МВА және DBA бағдарламаларын қамтитын университет ретінде танылды. Бұл әр студент пен тыңдаушыға жоғары және жоғары оқу орнынан кейін кәсіби білім беру траекториясын құра отырып, өзінің ең жоғары мансаптық мақсаттарын жүзеге асыруға мүмкіндік береді.

Қазіргі таңда UIB Университеті - менеджмент және маркетинг, қаржы және есеп, экономика және халықаралық қатынастар, экология және туризм, мемлекеттік және жергілікті басқару, ақпараттық жүйелер, әлеуметтік жұмыс, әлеуметтану, психология және журналистика салаларында мамандар дайындайтын мамандандырылған гуманитарлық-экономикалық ЖОО.

Университеттің жоғары білім беру нарығында Қазақстан Республикасының ең беделді рейтингтерінде тұрақты орын алуы оның жоғары мәртебесін көрсетеді. Білім беру сапасын қамтамасыз ету жөніндегі Тәуелсіз қазақстандық агенттіктің 2010 жылы жариялаған ЖОО-лардың «Бас рейтингісіне» сәйкес UIB Қазақстанның таңдаулы 60 ЖОО-сының қатарына кірді және гуманитарлық-экономикалық оқу орындарының арасында 7 орын алды. 2010 жылы ҚР Ұлттық аккредитациялық орталықтың деректері бойынша бакалавриаттың білім бағдарламаларын табысты жүзеге асырып келе жатқан ЖОО-лар рейтингісінде еліміз бойынша UIB-дің «Қаржы» мамандығы екінші орын, ал «Маркетинг» мамандығы үшінші орын алды Университет несиелік және қашықтықтан оқытуды енгізу бойынша көшбасшылардың қатарына кіреді, ол оқу орнының халықаралық білім стандарттарына сәйкес келуіне мүмкіндік береді. Білім беру қызметінде инновацияны енгізу арқасында университет бірлескен жобаларды жүзеге асырып және студенттер мен оқытушылар алмасу жөнінде бағдарламаларды енгізе отырып, Ресей, АҚШ, Еуропа және Азияның ірі жоғары оқу орындарымен кең түрде байланыс жасап келеді.

ЖОО-да білім беру сапасының аса маңызды критерилерінің біріне профессорлық-оқытушылық құрамның дайындық деңгейі жатады. UIB университетінің 7 кафедрасында 179 жоғары білікті оқытушылар жұмыс істейді, олардың ішінде 12 профессор, ғылым докторлары, 86 ғылым кандидаттары, доценттер. UIB-дің 7 оқытушысы соңғы 3 жылда ҚР БжҒМ тағайындайтын «ЖОО-ның үздік оқытушысы» атағына ие болды.

Университет мақтанышы - оның студенттері – мемлекеттік грант, «Білім - Центральная Азия» қорының гранты, KazEnergy бірлестігінің гранты, Е.Тәтішев атындағы қор гранттарының иегерлері. UIB студенттерінің бір тобы президенттік «Болашақ» бағдарламасы бойынша білім алуда, Қазақстан Республикасы Президентінің атаулы шәкіртақы иегерлері.

Қос дипломды білім беру аясында UIB-дің үздік студенттері Чехия мен Латвияның серіктес ЖОО-ларында білім алуда.

Білім беру сапасының маңызды көрсеткішіне жоғары оқу орны түлектерінің еңбек нарығында бәсекеге қабілеттілігі мен сұранысқа ие болуы жатады. Өз түлектерін лайықты түрде еңбекпен қамтамасыз ету мақсатында UIB кәсіби қауымдастықтармен белсенді түрде ынтымақтастық жасап келеді, соның нәтижесінде жыл сайын олардың 95-98%-ын еңбекке орналастыруға қол жеткізуде. Біздің түлектер ірі қазақстандық және халықаралық компанияларда, ҚР Қаржы Министрлігінде, ҚР экономика және бюджеттік жоспарлау Министрлігінде, салық ұйымдарында жұмыс істейді. UIB түлектері университетті аяқтағаннан кейін де UIB-дің барлық кезеңіндегі түлектермен ынтымақтастық және әлеуметтік қолдау көрсету негізінде құрылған «Алтын Отау» Қауымдастығына кіре отырып, бір-бірімен байланыс жасап отырады.

Халықаралық бизнес университеті 2011 жылғы түлектерге мектепті, колледжді, ЖОО-ны табысты аяқтап, бакалавриат, магистратура, PhD докторантура, МВА және DBA бағдарламалары бойынша сұранысқа ие мамандықтарда лайықты білім алуға шақырады.

Оқуға түсіңіздер, білім алыңыздар, өздеріңіздің болашақ мансаптарыңызға қол жеткізіңіздер!

UIB – Сіздің табысқа бастар жолыңыз!

Білім беру бағдарламалары

Университет бакалавриат, магистратура және докторантура бойынша мамандар дайындайды.

Бакалавриат

B140 Халықаралық қатынастар және дипломатия
B041 Психология
B042 Журналистика және репортаж
B044 Менеджмент және басқару
B049 Құқық
B045 Аудит және салық салу
B046 Қаржы, экономика, банк ісі және сақтандыру
B047 Маркетинг және жарнама
B091 Туризм
В093 Мейрамхана және қонақ үй бизнесі
B057 Ақпараттық технологиялар
B095 Көлік қызметтері

Магистратура

Құқықтану (ғылыми-педагогикалық)
Туризм және қонақжайлылық менеджменті (бейінді/ғылыми-педагогикалық)
Менеджмент (бейіндік/ғылыми-педагогикалық)
Маркетинг (бейінді/ғылыми-педагогикалық)
IT менеджмент және Data Scince (ғылыми-педагогикалық)
Информатика ағылшын тілімен өтілуі (ғылыми-педагогикалық)
Туризм (ғылыми-педагогикалық
Бухгалтерлік есеп және аудит (бейіндік/ғылыми-педагогикалық)
Халықаралық қатынастар (бейіндік/ғылыми-педагогикалық)
Мінез-құлық экономикасы (бейінді/ғылыми-педагогикалық)
Қаржы менеджменті (бейінді/ғылыми-педагогикалық
Халықаралық құқық (негізгі/ғылыми-педагогикалық)

Дереккөздер

http://www.uib.kz/index.php/obshhaja-informacija-o-uib/universitet-uib Мұрағатталған 15 қарашаның 2012 жылы.
Бакалавриат UIB

[1] ttp://www.uib.kz/index.php/obshhaja-informacija-o-uib/universitet-uib Мұрағатталған 15 қарашаның 2012 жылы.

[2] Бакалавриат UIB