Толқын Забирова

Толқын Қалиқызы Забирова (1970 жылы 17 қазанда Семей облысы Аягөз қаласында туған) — қазақ эстрадасына опералық музыканы әкелген тұңғыш әнші. Қазақстанның еңбек сіңірген қайраткері (2008). Өнертану ғылымдарының кандидаты. Қазақ ұлттық өнер академиясының профессоры.

Толқын Қалиқызы Забирова
Туған күні	17 қазан 1970 (1970-10-17) (53 жас)
Туған жері	Аягөз
Белсенділік жылдары	1992 - осы уақыт
Мемлекет	Қазақстан
Мамандығы	әнші педагог - профессор
Аспаптары	Фортепиано
Жанрлары	эстрада опера камералық музыка
Ұжымдары	Қазақ ұлттық өнер академиясының профессоры
Марапаттары	Қазақстанның еңбек сіңірген қайраткері

Білімі

• Қазақ және орыс тілдерін біледі.
• 1979 - 1988 жылдары А. Жұбанов атындағы Республикалық музыка мектебінің дирижерлік классын «Хорға дирижерлік ету» мамандығы бойынша бітірген.
• 1988 - 1993 жылдары Құрманғазы атындағы Қазақ ұлттық консерваториясының вокал-хор факультетінің "жеке ән салу" мамандығы бойынша Социолистік Еңбек Ері, КСРО халық артисі, КСРО мемлекеттік сыйлығының иегері, педагог-профессор Бибігүл Ахметқызы Төлегенованың класын үздік бітірген.
• 1998 жылы Құрманғазы атындағы Қазақ ұлттық консерваториясының асперантурасын бітірген.

Толығырақ

• Толқын Қалиқызы 1970 жылы 17 қазанда Семей облысы Аягөз қаласында дүниеге келген.
• Анасы - Забирова Зухра Қалиқызы, зейнеткер, «ҚТЖ» ҰК» АҚ жұмыс істеген.
• 1993 жылдан Қазақ мемлекеттік филармониясының солисті.
• 1995 жылдан - Құрманғазы атындағы Алматы мемлекеттік консерваториясы вокал кафедрасының вокалдық-педагогикалық тәжірибе оқытушысы.
• 2004 жылдан бері Қазақ ұлттық өнер академиясының эстрадалық вокал оқытушысы, доценті қазіргі таңда профессоры.

Ғылыми шығармашылығы

• 1994 жылы «Қазақ опералық-концерттік әншілерін оқыту әдістемесінің өзекті мәселелері»
• 2007 жылы «Қазақ ұлттық әншілік мектебін қалыптастырудың заманауи мәселелері»
• 2008 жылы «Әншілік дауысты қалыптастыру»
• 2008 жылы «Қазақстандық опералық-концерттік әншілерде қазақ тілінің әншілік фонетикасы дағдыларын қалыптастыру қажеттілігі туралы»
• 2008 жылы «Қазіргі заманғы вокалдық педагогиканың эмпиризмі»
• 2008 жылы «Әншілік дауысты қалыптастырудың үлгісі»
• 2009 жылы «Тарихи-мәдени талдау ұлттық вокал мектебінің жаңа парадигмасының әдіснамалық негізі ретінде»
• 2010 жылы «Опералық әншінің вокалдық-техникалық жұмысының жаңа парадигмасы»
• 2010 жылы «Фонациялық үдеріс энергетикалық үлгілеу: әдістеме негіздері» атты мақалалар мен баяндамалардың авторы.
• 2010 жылы «Ұлттық әншілік мектепті қалыптастыру: жаңа парадигманы іздеу» монографиясы;
• 2010 жылы «Қазақстанның опералық мәдениеті контекстіндегі әншілік дауысты қалыптастырудың жаңа парадигмалық негіздері» атты Кандидаттық диссертациясын қорғап: Өнертану ғылымдарының канидадаты және Доцент құрметті ғылыми атағымен марапатталды.
• 2016 жылы Өнертану ғылымдарының профессоры құрметті ғылыми атағы берілді.

Марапаттары

• 1996 жылы «Янтарный соловей» (Калининград), «Әлібек Дінішевтың театры» (Алматы, 1998) халықаралық конкурстарының лауреаты.
• 2008 жылы елбасының жарлығымен "Қазақстанның еңбек сіңірген қайраткері" құрметті атағымен марапатталды.
• 2010 жылы Өнертану ғылымдарының кандидаты
• 2010 жылы доцент
• 2012 жылы ҚР тұңғыщ президенті елбасы қоры сыйлығының иегері
• 2015 жылы Қазақстан халқы ассамблиясының құрмет грамотасы
• 2016 жылы профессор құрметті атағы берілді.

Жеке қасиеттері

• Діни көзқарастары - ұстамды ислам.
• Саяси қайраткер ретіндегі идеалы - М. Ганди.
• Қазақстанның болашағы туралы болжамы - «Ресеймен одақ құру».
• Сүйіп оқитын әдебиеті - А.С. Пушкин, В. Пикуль. Ф. Саган.

Жеке өмірі

• Тұрмыс құрған. Жұбайы - Бабаев Сафар Ядулаевич (1956 ж.т.), продюсер.
• Ұлдары - Бабаев Шахрияр (2001 ж.т.), Бабаев Дияр (2004 ж.т.), Бабаев Санжар (2006 ж.т.).

Дереккөздер

1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2