Темiрбанк КФБ TEBN FWB T3M активтерінің көлемі жағынан алғашқы ондыққа кіретін қазақстандық коммерциялық банк Толық атау

Темiрбанк (КФБ: TEBN, FWB: T3M) — активтерінің көлемі жағынан алғашқы ондыққа кіретін, қазақстандық коммерциялық банк. Толық атауы — «Темiрбанк» акционерлік қоғамы». Қысқаша арнайы атауы —«Темiрбанк» АҚ. Штаб-пәтері —Алматы қаласындағы Абай даңғылы 68/74 үйде.

Тарихы

«Темiрбанк» АҚ 1992 жылдың 26 наурызында негізі қаланды. Алғашқы құрылған жылдары банк арнайы теміржол банкі ретінде дамыды. Уақыт өте келе Темірбанк экономиканың түрлі салаларындағы клиенттерге кең қызмет көрсететін, әмбебап қаржылық институтқа айналды.
2002 жылы «Темiрбанк» АҚ менеджменті бөлшек қызмет нарығына үдемелі өту шешімін қабылдады, жекелеп және ипотекалық несиелендіру бағдарламасы өңделіп, іске қосылды. VISA International халықаралық төлем жүйелерінде ассоцацияланған мүшелігін алып, жеке карточкаларын шығаруға кірісті.
2006 жылдың желтоқсанында «БанкТұранӘлем» АҚ банктің ірі акционеріне айналды, 2007 жылдың 1 қаңтарында «Банк ТұранӘлем» АҚ дауыс құқығын беретін акциялардың 51,54% иемденді.
2008 жылдың 3 тамызында электронды банкинг қызметі қосылды, интерфейс жаңартылды, Интернет пен мобильді банкинг арқылы барлық төлемдерді төлеу мүмкіндігі пайда болды.
2009 жылдың тамызында «Темiрбанк» АҚ Халықаралық төлем жүйелерінің Принципті мүшесі статусын алды.
2010 жылдың 11 мамырында «Самұрық-Қазына» Ұлттық әл-ауқат қоры» АҚ дауыс құқығын беретін акциялардың 79,93% иемденіп, банктің негізгі акционеріне айналды, ал сол жылдың 30 маусымында «Темiрбанк» АҚ сыртқы қарыздарын қайта құрылымдауды аяқтады.
2011жылдың 23 мамырында VISA International Халықаралық төлем жүйелері 2010 жылдың қаржылық есебі нәтижесі бойынша «Темiрбанк» АҚ Принципиалды мүшесі ретінде тануға шешім қабылдады.
2011 жылдың сәуірінде «HandyPay» мобильді төлемдер жүйесі іске қосылды.
Standard&Poor's халықаралық агенттігінің шешімімен, «Темірбанк» АҚ-ның ұзақ және қысқа мерзімді несиелік рейтингі «В/В», ұлттық шкаласы бойынша «kzBB», рейтингтер болжамы бойынша «Тұрақты» деп танылды.

Меншік иесі мен басқарма

2009 жылдың мамыр айынан Директорлар кеңесінің шешімімен банктің Басқарма төрағасы болып Ержан Шайкенов тағайындалды.
2010 жылдың мамырында «Самұрық-Қазына» Ұлттық әл-ауқат қоры» АҚ дауыс хұқығын беретін акциялардың 79,93%-ын иемденіп, банктің негізгі акционеріне айналды.
«Темiрбанк» АҚ Директорлар кеңесінің 2011 жылдың 11 шілдедегі шешімімен, Мұрат Байсынов банктің Директорлар кеңесінің төрағасы болып сайланды.

Негізгі қызметі

«Темiрбанк» АҚ 2007 жылдың 19 қарашасынан № 107 банк операцияларын жүзеге асыруға арналған бас лицензиясына ие. Банк желісін Қазақстанның барлық облыстық орталықтарында және халық саны 50 000 адамнан астам қалаларда ұсынылған 21 филиал мен 120 астам сауда нүктелері құрайды. Бүгінгі таңда Темiрбанк өзінің бөлшектік бағытын сақтай отырып, VISA және MasterCard (Cirrus/Maestro) халықаралық төлем жүйелерінің кредиттік және дебеттік карточкаларын шығарады.

Активтер мен пассивтер

2001 жылдың 1 шілдесінен “Темiрбанк” ААҚ жария етілген жарғылық капиталы 1,4 млрд теңгені, төленген жарғылық капиталы (сатып алынған акцияларды есептемегенде) – 1,38 млрд теңгені құрайды.[3]
2007 жылы ҚР Қаржылық бақылау агенттігінің талаптарына сай, коммерциялық банктердің сенімділігі мен тұрақтылығын көтеру бөлімінде «Темірбанк» АҚ жарғылық капиталының көлемі 19,9 млрд-тан 38,9 млрд теңгеге дейін, ал банктің жеке капиталы 2007 жылы 26,7 млрд теңгеден 54,1 млрд теңгеге дейін өсіп, екі есеге артты.
2008 жылдың 1 қаңтарында Банк активтері 325,9 млрд теңгені құрады. 2007 жылдың нәтижесі бойынша банктің таза табысы 8,6 млрд теңгені құрады.
2009 жылдың басында меншікті капиталы - 44,6 млрд теңге.
2009 жылдың қаңтар-мамыр айларында ҚБА мәліметі бойынша «Темiрбанк» АҚ активтерінің көлемі бойынша Қазақстан банктері арасында сегізінші орынды иеленді. 2009 жылдың қаңтар-мамырында Банк активтері 299,9 млрд теңгені құрады, меншікті капиталы – 25,7 млрд теңге. Көрсетілген кезеңдегі жабылмаған шығыны 23,9 млрд теңге.
2009 жылдың 1 қазанында – банктің меншікті капиталы «минус» 40,8 млрд теңгеге дейін төмендеді. ҚР Қаржы нарығы мен қаржы ұйымдарын бақылау және қадағалау агенттігі мәліметіне сай «Темiрбанк» Қазақстан банктері арасында активтері көлемі жағынан оныншы орынға ие.
2009 жылдың қазанында банк активтері 204,7 млрд теңгені, меншікті капитал дефициті – 61,17 млрд теңгені құрады. 2009 жылдың қаңтар-қазан аралығы үшін жабылмаған шығыны 110,8 млрд теңгені құрайды.[4]
2009 жылдың 6 қарашасы мен 2009 жылдың 9 қарашасында өзінің негізгі акционері - «БТА Банкі» АҚ депозитті келісімдер бойынша төлемдерін жүзеге асыра алмады.
2010 жылдың мамырында «Самұрық-Қазына» Ұлттық әл-ауқат қоры» АҚ дауыс хұқығын беретін акциялардың 79,93%-ын иемденіп, банктің негізгі акционеріне айналды.
2010 жылдың 30 маусымында банктің сыртқы қарыздарының қайта құрылымдауы аяқталып, «Темiрбанк» АҚ жарғылық капиталы 18.2 млрд. теңгеге дейін өсті, барлық мәжбүрлік нормативтер қайта қалпына келтірілді.
2011 жылдың 1 желтоқсанында банк активтері 256,8 млрд теңгені құрады.

ТүріАкционерлік қоғам

Лицензиясы

2007 жылдың 19 қарашасында алынған, № 107 ҚызметіБанк қызметінің барлық түрі ҰраныБіз әрқашан жаныңыздамыз Құрылған жылы:1992

Орналасқан жері:Қазақстан: Алматы

Тірек тұлғалар: (Басқарма төрағасы), (Директорлар кеңесінің төрағасы) Жарғылық капиталы▲ 64,1 млрд теңге (2011.12.01) Меншікті капиталы▲ 66,8 млрд теңге (2011.12.01) Активтері ▲ 256,8 млрд теңге (2011.12.01) Таза кіріс▲ 6,8 млрд теңге (2011.12.01) Аудиторы Ernst & Young

Сайты: www.temirbank.kz