Стивен Пол Джобс ағылш Steven Paul Jobs Ақпанның 24 1955 Қазанның 5 2011 американдық өнертапқыш және бизнес магнат Apple

Стивен Пол Джобс (ағылш. Steven Paul Jobs) (Ақпанның 24, 1955 – Қазанның 5, 2011) — американдық өнертапқыш және бизнес-магнат. Apple корпорациясының негізін қалаушы және директорлар кеңесінің төрағасы болған. Ол Pixar Animation Studios компаниясының СЕО қызметін де атқарды. 2006 жылы The Walt Disney Company компаниясын сатып алып директорлар кеңесіне мүше болды. Ол 1995 жылы жарық көрген «Ойыншықтар оқиғасы» мульфильмнің атқараушы продюсері.

Стив Джобс

Туған кездегі есімі	Steven Paul Jobs
Туған күні	24 ақпан 1955 (1955-02-24)
Туған жері	Сан Франсиско, Калифорния, АҚШ
Қайтыс болған күні	5 қазан 2011 (2011-10-05) (56 жас)
Қайтыс болған жері	Калифорния, АҚШ
Азаматтығы	АҚШ
Компаниясы	Apple, Inc.
Лауазымы	Негізін қалаушы және CEO
Компаниясы	Pixar
Лауазымы	Негізін қалаушылардың бірі және Бас директор
Компаниясы	NeXT Inc.
Лауазымы	Негізін қалаушы және CEO
Білімі	Reed College (1972 жылы 1 семестр)
Діні	Буддизм
Сайты	Ресми сайты
Қолтаңбасы	Firma de Steve Jobs.svg
Жұбайы	(1991–2011)

Өмірбаяны

Балалық шағы

Стив Джобс 1955 жылы 24 ақпан күні Калифорния штатындағы Маунтин-Вью қаласында туған. Биологиялық анасы ақ нәсілді американдық Джоан Кэрол Шибле және әкесі сириялық студент Абдулфатта Джандали. Баласын асырауға дауаламаған ата-анасы өкіл ата-ана болған Пол және Клара Джобс отбасына тәрбиеленуге тапсырған болатын. Мектеп кезінде Стив электроникаға қызығушылық танытты, мектеп партасында өзінің болашақ әріптесі әрі серіктесі болатын Стив Вознякпен танысқан. Екі дос бастапқы кездері жергілікті телефондық қызмет көрсетуші компанияны алдайтын құрал ойлап табады. Кейін Стив Джобсқа мұндай құралдың табыс көзі болуы мүмкін деген ой келеді.

Стив Джобс пен Билл Гейтс бесінші *D: All Things Digital* (D5) конференциясында, 2007 жыл

1972 жылы мектеп бітіргеннен кейін Стив Джобс (Орегон штаты) орналасқан Рид колледжіне оқуға түседі, бірақ алғашқы семестрден өз еркімен оқудан шығып кетеді. Біраз уақыт өткен соң ол калиграфия мектебіне оқуға барып жүреді. Сол оқудың нәтижесінде кейін ол жүйесіне маштабталатын ғаріптерді орналастырады. 70-жылдардың соңында Стив Джобс компьютерлік ойындарды жобалайтын Atari компаниясына жұмысқа тұрады.
1976 жылы Стив Джобс өзінің мектептен бергі досы С. Вознякпен бірге Apple компаниясын құрады. Компания өзі құрастырған компьютерлерді сатумен айналысты. Apple компаниясының жаңа туындыларын негізінен С.Возняк дайындайтын, ал С. Джобс негізінен маркетолог қызметін атқаратын.

Стив Джобс пен Стив Возняк дайындаған алғашқы компьютер Apple I болды. Оның бағасы 666 доллар 66 уент болды. Apple I және кейін шыққан Apple II құрастырушы жігіттерге біраз абырой мен атақ әкелді. Компания ІРО арқылы алғашқы рет биржаға шыққаннан соң Стив Джобс мультимиллионер атанды.

Стив Джобс Macbook Air презентациясын жасауда

1985 жылы директорлар кеңесімен арада болған қақтығыстан кейін Стив Джобс Apple компаниясындағы қызметінен босатылды. Сол кезде ол NeXT деп аталатын компанияның негізін қалады. Аталған компания негізінен білім беру саласы мен бизнес нарығында қызмет көрсететін. Дегенмен, 1997 жылы ол Apple компаниясына уақытша атқарушы директор ретінде қайтып келді және бұрынғы екі компаниясын қосты.
1986 жылы Стив Джобс The Graphics Group компаниясының иесі атанды, кейін оның аты Pixar деп өзгертелді. Осы киностудия үшін Apple Lucasfilm компаниясына 5 млн доллар төледі, ал оның нарықтағы құны 10 млн-ға бағаланған болатын. Мұндай жағдай Джордж Лукастың қаржылай қиындықтарына байланысты мүмкін болды.

2006 жылы Walt Disney Стив Джобстан Pixar акцияларын 7,4 млрд долларға сатып алды. Стив Джобс Disney компаниясының директорлар кеңесіне өтті. Сонымен қатар Disney компаниясының акционерлерінің ішіндегі ең ірі жеке тұлға болды. Оның меншігіне компанияның 7 пайызы өткен еді.

Apple компаниясы Гинесс Рекордтар кітабына кірді. Стив Джобс жалақысы ең кішкентай атқарушы директор ретінде осы кітапқа тіркелген. Оның жылдық жалақысы 1 долларды құрайтын. Атқарған жұмысына сыйлық (үстемақы) ретінде Стив Джобс компания тарапынан бағасы 43,5 млн доллар болатын Gulfstream реактивті ұшығын сыйға алды. Ұшыққа қатысты шығындардың барлығын компания өз жауапкершілігіне алды.

2003 жылы ішкі органдарды тексеру кезінде дәрігерлер Стив Джобстың өт жолдарынада онкологиялық ісіктің барын арықтады. Негізінен мұндай дертпен ауырған адамның өмір сүруі екіталай, дегенмен Стив Джобстың ісігі сирек кездесетін дерт түрі болғандықтан ота жасауға мүмкіндік берді.

2004 жылдың тамызында Стив Джобстың бауырын ауыстыру жөнінде операция өтті. Операция (ота) – Швейцарияда өтті. Стив Джобс жоқ кезде компанияны халақаралық сатылым бөлімінің басшысы Тим Кук басқарды.
2004 жылдың қазан айында Стив Джобс операциядан кейін алғашқы рет халық алдына шығады. Калифорния штатындағы компанияның жаңа дүкенінің ашылу салтанатына қатысты.
2008 жылдың қыркүйегінде баспасөз беттерінде Стив Джобстың қатты салмақ жоғалтқаны туралы ақпарат талқылана бастады. Оның себебі дерттің қайта асқынуы деген болжамдар күйшейе түсті.
2009 жылдың қаңтар айында Стив Джобс компанияға қайта оралғысы келетіндігін хабарлады. Тым қатты салмақ жоғалтқаны гармондық дисбаланс әсерінен дер түсіндірді. Алайда екі апта өткен соң жарты жылдық демалысқа шығатындығын айтты. Сол жылдың маусым айында Стив Джобс бауыр ауыстуры операциясынан кейін жұмысқа шықты. Дәрігерлердің айтуы бойынша денсаулығы өте жақсы делінген.
2011 жылдың 17 қаңтарында Стив Джобс компания қызметкерлеріне таратқан хатында денсаулық жағдайына байланысты Apple компаниясының атқарушы директоры қызметінен кететіндігін хабарлады.
2011 жылдың 5 қазан күні Стив Джобс 56 жасында ауыр дерттен дүниеден озды

Қазан айының 11 күні Калифорния штатының Санта-Клара округы денсаулық департаменті Стив Джобс өлімінің себебін анықтады. Жазбада Стив Джобс өт жолындағы онкологиялық ісіктің кесірінен демала алмағандықтан өлгендігі хабарланады.

Стив Джобс АҚШ тарихында табысты компаниялардың бірін құрып қана қоймай, ұзақ жылдар оның басшысы болғандар арасында ерекше тұлға. «Apple» интернет технологиялар жағынан әлемдегі ең ірі компанияға айналып, Microsoftты артта қалдырған. "Apple" негізінен өзінің жаңа ноутбуктары және «iPhoneн» смартфондары мен «iPad» планшеттері арқылы қалың көпшілікке танымал.

Қанатты сөздері

Өзім көтеріп әкете алмайтын компьютерге сенбеймін.
12 сағат емес, баспен жұмыс істеу керек.
Өз жұмысыңды жақсарту үшін ең бастысы оны жақсы көру.Егер сүймесеңіз,асықпаңыз. Сүйікті жұмысыңызды өз жүрегіңіз көрсетеді.
Мен барлық технологиямды тек Сократпен кездесу үшін жұмсар едім.

Соңғы өсиеті

Джобс қайтыс болған кеште Купертинодағы Apple штаб-пәтеріндегі тулар жартылай түсіріліп, аруаққа құрмет білдірілді.

56 жасында ұйқы безінің қатерлі ісігінен қайтыс болған Стив Жобс қайтыс болар алдында ауруxананың төсегінде жатып өзінің соңғы өсиетін қалдырған екен!

Мен бизнес әлемінің шыңына шыға алдым. Мен өз жетістігім мен өмірімнің табыс көзін басқаларға таңқаларлықтай жеткізе алдым. Бизнесімді есептемегенде менің жеке өмірім бақытты болған жоқ!

Ең соңында байлық,ақша,дәулетке мас болып,оларды өмірімнің мақсаты болдырып адасқанымды түсіндім. Мен қазір ауруxананың төсегінде ,өткен өмірімді көз алдымнан өткізіп,түйін жасап жатырмын. Өлімнің алдында жатқанда менің жеткен жетістігім,байлығым, бизнестік мақтанышымның құны,мәні мен сәне түкке татымайтынын түсіндім.

Сен бай ауқатты болсаң біреуді жалдап жүргізуші болдырып қалаған жағыңа кетуіңе болады,бірақ қанша ауқатты,бай қуатты болсаңда ауруыңды біреуге жүктеп, дертің мен өлімнен қашып құтыла алмайсың!

Материалдық байлығыңыздан айырылып қалсаңыз оны қайтадан табуға немесе жаңадан жасай аласыз, бірақ денсаулығың мен өміріңді ешқашан қайтарып ала алмайсыз.

Ота бөлмесінде жатқанда өмірде қайткен күнде оқитын бір кітап барын кейін сезініп білдім. Ол "Салауатты өмір сүру туралы"кітап. Кәрі,жас,сау,ауру болсаңда бір күні сұм ажал келіп жететінін түсіндім.

От басыңның,достарыңның ыстық ықыласын, шынайы ниеті мен сезімін байлығыңнан артық қастерлеу керектігін терең түсіндім жәнеде өз қадіріңді білумен қатар басқаларға қол ұшыңды беріп,қайрымдылық жасап өмір сүру қажеттігін білдім.

Жасымыз ұлғайған сайын біз дүние жалғанға басқаша қарай бастаймыз! Соңында сіз:

300 доллардың сағатын тақсаңда, 30 доллордың сағатын салсаңда бір уақытты көрсететінін түсінесіз.

300 доллардың әмиянын ұстасаңда, 30 доллардың әмиянын ұстасаңда ішіндегі ақшасы өзгермейтінін түсінесіз!

150 мың доллардың көлігін алып мінсеңде, 30 мың доллардың көлігін алып мінсеңде бір бағыттағы бір жолмен жүретініңді білесің.

300 доллардың шарабын алып қанғанша сімірсеңде, 30 доллардың шарабын жұтсаңда бірдей мас болатыныңды білетін боласыз!

300 квадрат метр сарайда тұрсаңда, 30 квадрат метр пәтерде тұрсаңда өзің құлшынбасаң жалғыздықтан шыға алмайсыз!

Бақыт байлықпен келмейтінін түсінесіз!

Бизнес класс немесе қарапайым орындықта отырып ұшсаңда ұшақ құласа бірге құритыныңызды ұмытпаңыз!

Сондықтанда сіздің ойыңызбен бөлісетін нағыз достарың,әңгіме дүкен құрып,сырласатын ескі таныстарың,көңіл көтеріп жұбататын туыстарың,аға, әпкең бар болса сіз бұл әлемдегі ең бақытты адамсыз!

Айналып өтпейтін өмірдің бес сызығы:

Балаларыңды байлыққа үйретіп өсірме,оларды білімді, ақылды,қайрымды болдырып өсір! Солай өсірсең келешекте материалдық байлықтың құнын емес, өмірдің құны мен мәнін түсінетін болады.
Мынандай нақыл сөз бар: "Асыңды емдей же әйтпесе еміңді тамақтай жейтін боласың"
Біреудің сүйспеншілігіне бөлене алсаңыз сіз ешқашан жалғызсырамайсыз,сізді тастап кететін 100 себеп болсада,тастап кете алмайтын бір себеп жеткілікті!
Адам болумен адамша өмір сүрудің арасында үлкен айырмашылық бар,бұны түсіне білетін жандар санаулы!
Жарық дүниеге келгеннен бақилық болғанға дейін сізге сүйіспеншілікпен қарайтын жандар бар,бұл жәйіт өзіңіздің ниет,пиғылыңызға байланысты болады!

Тез жүрейін десең жалғыз,алысқа жүрейін десең көппен жүр деген қағиданы ұмытпа!

Әлемнің ең озық шипагері:
Күн сәулесі.
Демалыс
Қозғалыс бен жаттығу
Дұрыс тамақтану
Өзіңе деген берік сенім,алдыңа қойған мақсат
Достарың.

Өмірбақи осыларды есіңде сақтап,өз ақылыңмен салауатты бақытты өмір құра біл!

Тағы қараңыз

Дереккөздер

Елкинд, Питер. Стив Джобстың мүшкілдері, (Наурыздың 15, 2008). Тексерілді 21 шілденің 2008.
http://top.rbc.ru/society/06/10/2011/612173.shtml Мұрағатталған 17 қазанның 2011 жылы.
Steve Jobs, Apple founder, dies, CNN (Қазан 5, 2011).
Рак остановил дыхание, Взгляд (Қазан 11, 2011).

[sjfortune-1] Елкинд, Питер. Стив Джобстың мүшкілдері, (Наурыздың 15, 2008). Тексерілді 21 шілденің 2008.

[2] ttp://top.rbc.ru/society/06/10/2011/612173.shtml Мұрағатталған 17 қазанның 2011 жылы.

[CNN-3] Steve Jobs, Apple founder, dies, CNN (Қазан 5, 2011).

[Взгляд-4] Рак остановил дыхание, Взгляд (Қазан 11, 2011).