Пиндос Балқан түбегінің батысындағы тау жоталары Меридиан бағытында оңтүстікке қарай Албанияның территориясын түгел және

Пиндос — Балқан түбегінің батысындағы тау жоталары. Меридиан бағытында оңтүстікке қарай Албанияның территориясын түгел және Солтүстік Грекияның бат. бөлігін қамтып, Крит аралына ұласады. Ұзындығы 200 км. Ең биік шыңы тауы 2637 м (Грекияда). Пиндос барлық жерде теңіз жағалауларына бірден құлама жартас жасап бітеді. Тау жоталары түгелдей әк тас, аңғарлары флиштен түзілген. Жоталардың биік учаскелері күрделілігімен және карст формаларының кең таралуымен көзге түседі. Пиндос Ахелоос, Вьоса, Альякмон және Пиньос терең аңғарларымен бөлінген бірнеше жоталардан тұрады. Климаты негізінен жерортатеңіздік. Жауын-шашын мөлшері шығыстан батысқа қарай (800—1500 мм) артады. Беткейлеріндегі латеритті қызыл топырақта субтропиктік бұталар өседі, цитрус жемістері, алма, алмұрт, өрік, жүзім егіледі. Бұдан жоғарырақ жағын жалпақ жапырақты (емен, жөке) және қылқан жапырақты орман жапқан. Бұғы, қоңыр аю, грек тасбақасы т. б. мекендейді.

Сипаттамасы
Пинд
Пинд таулары.
Ең биік шыңы
Биіктігі	2637 м
Орналасуы
40°06′ с. е. 20°56′ ш. б. / 40.100° с. е. 20.933° ш. б. / 40.100; 20.933 ^(G) ^(O) ^(Я)Координаттар: 40°06′ с. е. 20°56′ ш. б. / 40.100° с. е. 20.933° ш. б. / 40.100; 20.933 ^(G) ^(O) ^(Я)^(T)
Елдер	Грекия

Дереккөздер

Қазақ Совет Энциклопедиясы, 9 том

[1] Қазақ Совет Энциклопедиясы, 9 том