Мұхамбетқали Мырзабайұлы Бүркітбаев 14 қараша 1952 жылы Ақтөбе облысы Шалқар ауданы туған химия ғылымының докторы 1996 ж

Мұхамбетқали Мырзабайұлы Бүркітбаев (14 қараша 1952 жылы, Ақтөбе облысы, Шалқар ауданы, туған) – химия ғылымының докторы (1996 жылы), профессор (1998 жылы). Қазақ Мемлекеттік Университетінде (1975 жылы, қазіргі Қазақ Ұлттық Университеті) бітірген соң осы университетте аға оқытушы, доцент, кафедра меңгерушісі (1975–2009 жылдары) қызметтерін атқарды. 2009 жылдан Қазақ Мемлекеттік Университетінде химия факультетінің деканы. «Окислительно-восстановительные и радиационно-стимулированные реакции окисления оксоононов элементов V-а группы» деген тақырыпта докторы диссертация қорғады. Бүркітбаевтың негізгі ғылыми еңбектері сулы орталарда фосфонаттарды стимулденген радиациялық тізбекте тотықтыру, ерітінділерде фосфор мен күшәланың төмен валентті қосылыстарын тотықтырудың тотығу-тотықсыздану және стимулденген радиациялық тізбекті реакцияларына арналған. Ол радиациялық химия әдістері көмегімен V-топтың қосымша элементтері қосылыстарының тотығу процестерінің жалпы заңдылықтары мен ерекшеліктерін зерттеді. НАТО сыйлығы иегері (2007 жылы). Бүркітбаев 160-тан аса ғылыми еңбектің авторы, оның ішінде 1 монографиясы, 4 патенті бар.

Сілтемелер

1. «Бірінші проректор» Мұрағатталған 12 қазанның 2011 жылы.

Дереккөздер

“Қазақ Энциклопедиясы”, 2 том

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[source1-1] “Қазақ Энциклопедиясы”, 2 том