Медициналық бике

Медициналық бике - емдеу-профилактикалық мекемелерде (фельдшер-акушерлік, емханалар, денсаулық сақтау пункттері, диспансерлер мен ауруханалар), сонымен қатар мектепке дейінгі балалар мекемелерінде, мектептерде, ұйымдарда ( және ) дәрігердің тікелей басшылығымен жұмыс істейтін, бар маман. Медициналық медбике емдеу-профилактикалық шаралар барысында, әлеуметтік-медициналық көмек беру кезінде, сонымен қатар босанатын әйелдерге дәрігерлік көмек беретін, балалар және мектепке дейінгі балалар мекемелерінде дәрігердің көмекшісі қызметін атқарады.

Медициналық бике

Жұмыс сипаты бойынша медциналық бикелердің бөлінуі

• Бас медициналық бике - тәжірибелі және жұмысты ұйымдастыра білетін қабілеті бар қызметкер. Ол бас дәрігердің тікелей басшылығымен жұмыс істейді.
  • жұмыс барысын оңтайлы ұйымдастыру, орта және кіші медициналық қызметкерлердің біліктілігін арттыру, сонымен қатар олардың жұмыстарына бақылау жасау;
  • ауруханаларда дәрілердің дұрыс сақталуын және олардың есеп-шығындарын қадағалау;
• Аға медбике - 50 төсекті аурухана бөлімшелерінің барлығында белгіленетін қызметкер. Ол бөлімше меңгеруішісінің тікелей басшылығымен жұмыс істейді.
  • медциналық бикелер мен санитарларды басқарады - олардың міндеттерін реттейді, жұмыс кестесін жасайды;
  • жұмыс тәртібін қадағалайды;
  • қызметкерлерді емделушілерді күтіп-баптауға үйретеді;
  • жасалынған жұмыс сапасын қадағалайды;
  • шаруашылық бөлімді, медициналық мүлік пен төсек-орынын қадағалайды;
  • дәрігердің жауапкершілігі жоғары нұсқауларын орындайды;
  • диеталық тағамдар мөлшерін жасайды;
  • керекті дәрілерге ұсыныс жасап, оларды палаталық медициналық бикелерге бөледі;
  • аурулардың емделуге келіп-кетулері туралы мәлімет дайындайды.
• Шаруашылық-медициналық бике - 40 төсектік ауруханаларда жұмыс жасайтын қызметкер.
  • бөлімдегі төсек-орын жабындыларының, мүлік пен жабдықтардың жағдайына жауапты - олардың қажетті қорының болуын қадағалау, жууды ұйымдастыру, қолданудан шыққан мүлік, жабдықтарды шығысқа шығару; қол астындағы бұйымдардың есебін жүргізу.
• Палаталық медициналық бике - бөлім меңгерушісі, ординатор-дәрігер, аға медициналық бикенің нұсқауларын орындайды.
  • өзіне бекітліген аурудың денсаулық жағдайын, ауруының ағымын білуі тиіс, дәрігердің ауруларды қарап өтуі кезінде бірге болуы қажет;
  • ауыр науқастардың жағдайын - тамақ ішіуін, жуынуын, денесінің ойылмауын қадағалау;
  • ауруларға дәрілерін беру, ішіулерін бақылау, дәрі егу, дене қызуын өлшеу, анализ алу.
• Кіші медициналық бике - ауруларды күту, санитарлық өңдеу, дезинфекция және күрделі емес медициналық әректтер жасау.
• Операциялық медициналық бике - жасалатын операция түріне байланысты қажетті стерильдеуден өткен таңу материалдарын, хирургиялық құралдарды және жабындыларды, дәрілерді алып, дайындайды;
  • асептик және антисептик ережесін қатаң сақтау;
  • операциялық бөлменің ауасының ережеге сай болуын қадағалау;
  • ауруды операцияға дайындайды, операция жасауға қатысады ( құралдар мен материалдарды беріп тұрады), операциядан кейін ауруды палаталық медициналық бикеге жеткізіп, тапсырады;
  • дәрігер бақылауымен ауруға таңу жасайды, гипстік таңуларды дайындайды.
• Медициналық бике-анестезист - наркозға және тыныс алуға арналған құрылғыларды, инфузион және трансфузионға арналған заттар мен жүйені дайындайды, анестезиолог дәрігерге көмектеседі, қарқынды терапия палатасында операциядан кейінгі жатқызатын ауруларды күтеді.
• Емшара жүргізетін медициналық бике.
• Диеталық тамақ медициналық бикесі.

Медициналық мекемелер бойынша қызметтік міндеттері

Емханада жұмыс жасайтын медициналық бикенің міндеті

• Аурудың алдын алу бөлімшелерінде және дәрігерлік кабинеттерде дәрігердің белгілеуі бойынша зерттеу және емдеу шараларын жүргізеді;
• Дәрігерге емханалық операция кезінде және таңу жасағанда көмектеседі;

Учаскелік дәрігерлік пункттегі медициналық бикенің міндеті

• Дәрігердің көмекшісі - учаскелік медицианлық бике ретінде дәрігер кабинетін ауруларды қабылдауға дайындайды;
• Тіркеуші орынынан аурудың емханалық кітапшасының дәрігердің қабылдауына уақытылы әкелінуін қамтамасыз етеді;
• Зертханадан анализдер мен қорытындылардың алуын қадағалайды;
• Қабылдау кезінде дәрігердің нұсқауы бойынша аурудың емделуге қажетті қағаздарын (рецепт, талон) толтырады, нұсқама береді;
• Арнаулы форма бойынша аурулардың картотекасын жүргізеді;
• Диспансерлік бақлаудағы аурулардың уақытылы тексеріліп тұруларын қадағалап, кезекті мерзімін белгілейді және уақытында қаралуларын қамтамасыз етеді;
• Ауруды үйде емдеу кезінде дәрігер белгілеген емдік шараларды орындайды:
• Учаскелік аймақта санитарлық-профилактикалық және індетке қарсы іс- шаралар жүргізеді, жұқпалы аурулармен байланысқан адамдардың температурасын өлшеп, дәрігердің саниатрлық-ағарту жұмысына ықпалын тигізеді.

Аурудың алдын алу емханалық бөлімшелердегі медициналық бикенің міндеті

• Антрометриялық , қызулық өлшемдер жүргізеді;
• Артерия және көз іші қысымын, көздің көру және құлақтың есту қабілетін анықтайды;
• Зертханаға анализдік материалдар алады.
• Туберкулезге қарсы, тері-соз аурулары, психикалық-неврологиялық диспансерлерінде, балалар және әйелдер конультациялық емханаларында, фельдшер-акушерлік пункттерінде де медициналық бике ауруларға үй жағадайында медициналық қызмет жасайды, дәрігер нұсқауын орындайды.

Дереккөздер

1. Краткая медицинская энциклопедия, 2-том. Москва - 1989. ISBN 5-85270-056-8