Медеу ауданы

Медеу ауданы — Алматы қаласының ең ірі әкімшілік, өндірістік және мәдени орталығы. Қаланың ең таңдаулы аудандарының бірі болып есептеледі. Ескі аты — Фрунзе ауданы. 1995 жылдан Медеу ауданы болып аталады.

Қала ішіндегі аудан
Медеу ауданы
Елтаңбасы
Әкімшілігі
Қаласы	Алматы
Әкімі	Еркебұлан Нұрланұлы Оразалин
Аудан әкімдігінің мекенжайы	Алматы қаласы, Пушкин көшесі, №72
Тарихы мен географиясы
Құрылған уақыты	1936 жыл
Жер аумағы	253,4 км²
Уақыт белдеуі	UTC+5:00
Тұрғындары
Тұрғыны	241 263 адам (2023)
Ұлттық құрамы	қазақтар (62,96%), орыстар (23,64%), ұйғырлар (3,85%), корейлер (1,52%), татарлар (1,48%), әзербайжандар (1,18%), басқалары (5,37%)
Сандық идентификаторлары
Телефон коды	+7 727
Автомобиль коды	02
Медеу ауданы әкімінің аппараты

Аудан шекаралары

Аудан шекарасы: Әл-Фараби даңғылынан солтүстікке қарай Фурманов көшесінің шығыс жағын бойлай Райымбек даңғылына дейін; Райымбек даңғылының оңтүстік жағын бойлай шығысқа қарай Кіші Алматы өзеніне дейін; Кіші Алматы өзенінің шығыс жағын бойлай солтүстікке қарай қала шекарасына дейін; қала шекарасын бойлай Көктөбе санаторийіне қарай апаратын жолмен қиылысына дейін әл-Фараби даңғылына дейін; әл-Фараби даңғылын бойлай солтүстік-шығысқа қарай Фурманов көшесіне дейін, Атырау, Думан, Көктөбе, Көктөбе-2, Жаңа Көктөбе, Бутаковка, Тау-Самал ықшамаудандарын, Алатау кентін, Медеу, Шымбұлақ шатқалдарын қоса алғанда.

Әкімдері

1. Тұрарбек Асанов (1991-1997)
2. Владимир Васильев (1997-2005)
3. Василий Крылов (2005-2007)
4. Махамбет Бейдәлі (2007-2010)
5. Сұлтанбек Мәкежанов (2010-2016)
6. Ержан Жылқыбаев (2016-2019)
7. Сұлтанбек Мәкежанов (2019-2020)
8. Әсет Масабаев (2020-2022)
9. Еркебұлан Оразалин (2022 жылдан бастап)

Дереккөздер

1. Қазақстан Республикасы халқының жынысы және жергілікті жердің типіне қарай саны (2023 жылғы 1 қаңтарға)
2. Қазақстан Республикасы халқының жекелеген этностары бойынша саны (2022 жыл басына)