КешYou

КешYOU — Қазақстандық әнші қыздардан құрылған музыкалық топ. 2004 жылы Алуа Қонарованың продюсерлігі кезінде топтың атауы «SAF» болып құрылды. 2006 жылдың 10 сәуір күні белгілі продюсер, тележүргізуші, актриса, әнші Баян Мақсатқызы трионы өзінің қол астына алып, топ атауын «КешYOU» деп өзгертті. «КешYOU» тобы продюсер Баян Мақсатқызының ең табысты жобаларының бірі. Топтың музыкалық продюсері Мухитденова Бағым Мақсатқызы. Топтың қазіргі менеджері Ләззат Баубек. Топтың ресми инстаграм парақшасы @keshyou_official

КешYOU
Жанры	эстрада
Белсенділік жылдары	2006 — осы уақытқа дейін
Мемлекет	Қазақстан
Қайдан	Алматы
Лейблі	BM production
Топ құрамы	Ләззат Сұлтанова, Диана Қожагелдина, Сагдиана Бұхарбаева

Уақыт өте келе топтың құрамы мен стилі өзгерді, репертуарындағы әндері көбейді. 2016 жылы 24 мамыр топтың 10 жылдығына арналған мерейтойлық концерт Алматы қаласындағы Республика сарайында өтті. 2019 жылы «КешYOU» тобының 13 жылдық мерекесіне арналған бейнебаян шықты. 2021 жылы «Qazaq TV» арнасында «КешYOU» тобының 15 жылдығына арналған мерекелік концерті көрсетілді. 2024 жылы 5 наурыз Алматы театрында Баян Мақсатқызының «Queen» шоуында КешYOU және экс-солисткалар өнер көрсетті. Топтың мерейтолық іс-шараларына экс-солисткалар қатысып отырады.

«КешYOU» тобының қазіргі құрамы

2024 жылдың сәуірінен бастап топта Ләззат Сұлтанова, Диана Қожагелдина, Сагдиана Бұхарбаева ән айтады. Топқа жаңадан келген Диана Қожагелдина, Сагдиана Бұхарбаева 2024 жылдың қаңтар айынан резервте дайындалған. Бұл құрам 2024 жылдың мамырында Лос-Анджелес қаласында әлемге әйгілі рэпер Снуп Доггпен бірге бейнебаян түсірді. 2024 жылдың маусымында Милуоки қаласында КешYOU тобы Снуп Доггпен бірге концертте ән айтты.

Топтың тарихы

КешYOU заманауи поп, патриоттық, қазақи ұлттық, лирика, рэп, рок, той, ретро бағыттарында ән айтады. Әртүрлі жанрларда ән айтатын музыкалық топ Қазақстандағы «ең үздік қыздар тобы» болып саналады. «КешYOU» тобында басынан ұзақ уақыт жұмыс жасаған, ардагер мүшелері: Әнел Әрінова, Мөлдір Әуелбекова. «КешYOU» тобы тек Қазақстанда емес, Түркия, Ресей, Қытай, Франция, Германия, АҚШ, Қырғызстан, Әзербайжан елдерінде де өнер көрсеткен. КешYOU көп рет Қазақстан Республикасы президенті қатысуымен өткен салтанатты концерттерде ән айтқан. Топтың бұрынғы директорлары: Әділжан Юсупов, Назым Басқынбаева, Досым Басқынбаев. Назым Басқынбаеваның топқа өте көп еңбегі сіңген. Топқа сахналық образ киімдерін Аида Кауменова, Назым Қарпықова, Наиль Байкучуков, Леонид Жеребцов, Берік Ысмайылов, Арзубек Вонама, Айпери Обозова және т.б. дизайнерлер дайындаған.

• 2006-2008

2006-2007 жылдары КешYOU(Әнел, Зумрад, Мөлдір) орыс тіліндегі әндерді орындайтын. Топтың фотосессия суреттері Баян Мақсатқызының «Shine magazine» журналында жарияланатын. Кейін Зумрад Гараеваның келісімшарты аяқталып, ол топтан кетті. 2008 жылы жаңа солистка Аида Смағұлова келгеннен кейін топ қазақ тіліндегі алғашқы бейнебаян шығарды. «Арман-ай» әнін Баян Мақсатқызының әкесі Мақсат Байлы жазған. Әнел, Мөлдір, Аида құрамы өте аз уақыт болды.

• 2008-2011

Аида Смағұлованың орнына 2008 жылдың мамыр айында топқа Наиля Заитова келді. 2010 жылдың маусым айында КешYOU(Әнел, Мөлдір, Наиля) Түркияның Денизли қаласында болған «Türkçevizyon-2010» ән фестивалінде «Сүгірдің термесі» әнін түрік тілінде айтты. Одан кейін Наиля Заитова топтан кетіп, орнына Кәмшат Жолдыбаева келді. 2010 жылдың тамыз айында КешYOU(Әнел, Мөлдір, Кәмшат) Шәмші Қалдаяқовтың 80-жылдығына арналған халықаралық «Менің Қазақстаным!» ән фестиваліне қатысты. 2010 жылдың қыркүйек айында КешYOU(Әнел, Мөлдір, Кәмшат) Қырымдағы 42 ел қатысқан «Шығыс базары-2010» халықаралық ән байқауын жеңді. 2011 жылы наурызда Баян Мақсатқызы ұйымдастырған республикалық алғашқы «Қазақ аруы-2011» сұлулық байқауын КешYOU(Әнел, Мөлдір, Кәмшат) «Гәкку» әнімен шымылдығын ашты. Кейін Кәмшат Жолдыбаева топтан кетіп, орнына Айдана Меденова келді. 2011 жылы топтың солисткасы Мөлдір Әуелбекова продюсері Баян Мақсатқызымен бірге «Ғашық жүрек или Коктейль для звезды» фильмінде басты рөлде ойнады. 2011 жылы КешYOU(Әнел, Мөлдір, Айдана) Қытайда «Сүгірдің термесі» әнін айтты. 2011 жылдың желтоқсан айында КешYOU(Әнел, Мөлдір, Айдана) «Ел арна» ұйымдастырған республикалық «Саз әлемі-2011» байқауының финалына жетіп, «Үздік қыздар тобы» атағын жеңді. Баян Мақсатқызының «Ғашық жүрек-2 или Коктейль для звезды-2» фильмінен кейін 2012 жылы ақпан айында Мөлдір Әуелбекова, Әнел Әрінова топтан кетіп, Кәмшат Жолдыбаева қайтып келді және жаңадан Жанар Дұғалова қосылды.

• 2012-2014

Топтың алтын құрамы: Кәмшат Жолдыбаева, Айдана Меденова, Жанар Дұғалова. 2012-2014 жылдары болған алтын құрамның хит әндері өте көп. Бұл құрамның 4 хит әнінің музыкасының авторы Жанар Дұғалова. 2012 жылдың мамыр айында «КТК» телеарнасы ұйымдастырған «Mamma mia» бағдарламасының Түркияда өткен финалында КешYOU(Кәмшат, Айдана, Жанар) өнер көрсетті. 2012 жылдың маусым айында КешYOU(Кәмшат, Айдана, Жанар) Париж қаласында болған «Қазақстанның Франциядағы мәдениет күндері» концертіне қатысты. 2012 жылы алтын құрам Қазақстан мен Германия арасындағы дипломатиялық қарым-қатынас орнағанының 20-жылдығына арналған концертіне қатысты. 2012 жылы алтын құрам АҚШ-тағы Флорида университетінде ән айтқан. Топта болған кезде үш солистка да 2012 жылы «Ел арна» телеарнасында шыққан Баян Мақсатқызының «Ғашық жүрек» телехикаясына түскен. Алтын құрам Ресей әншілерімен бірге «Добрый вечер, Казахстан!» бағдарламасына қатысқан. 2013 жылы маусым айында Айдана Меденованың ауырып қалуына байланысты уақытша құрам (Кәмшат, Жанар, Әнел) Атырау, Ақтау қалаларында өнер көрсеткен, ал Айдана Меденова денсаулығы жақсарғаннан кейін қайта оралды. Кәмшат Жолдыбаева топта болған кезде 2013 жылы «Ел арна» телеарнасында шыққан Баян Мақсатқызының «Тракторшының махаббаты» телехикаясында басты рөл сомдады. Алтын құрам көптеген отандық премияларды жеңген. 2014 жылы «Айгөлек» балалар байқауында алтын құрам топтың болашақ солисткасы Ләззат Сұлтановамен бірге «Ризамын» әнін орындаған. 2014 жылы шілде айында Жанар Дұғалова жеке солоға кетіп, топқа Мөлдір Әуелбекова қайтып келді, бірақ бұл құрам 3 ай ғана жұмыс жасады. 2014 жылы қыркүйек айында Мөлдір Әуелбекова топтан екінші рет кетті. 2014 жылы күзде топқа жаңадан Жұлдыз Өмірғали қосылды. Бұл құрам 4 ай ғана болды. 2015 жылы Айдана Меденова тұрмысқа шықты, ал Кәмшат Жолдыбаева жеке шығармашылығын бастады.

• 2015-2016

2015 жылы ақпан айында Баян Мақсатқызы жаңа құрамды(Жұлдыз, Ақбота-Нұр, Балжан) көрсетті. Алдыңғы экс-солисткалармен салыстырғанда бұл құрамдағы қыздардың жасы кіші болды. 2015 жылдың наурыз айында Жаңаөзен қаласындағы тойда уақытша құрам(Жұлдыз, Балжан, Кәмшат) ән айтқан. Қытайлық «Showbiz» журналы 2015 жылы Азияның үздік ТОП-50 girls band тізімінің 42-орнына КешYOU тобын орналастырды. Бұл тізімге Қазақстаннан және Орталық Азия елдерінен тек КешYOU ғана енген. Жұлдыз, Ақбота-Нұр, Балжан құрамы отандық премияларда жеңген және топтың 10 жылдығы концертінде барлық әндерді осы құрам орындады. Топта жүрген кезде Ақбота-Нұр Сейтмағамбет 2016 жылы Дәурен Айдарқұловпен бірге «Гламур для дур» фильмінде басты рөл ойнады. Жұлдыз Өмірғали топта болған кезде «Хабар» телеарнасында шыққан Баян Мақсатқызының «Қазақ аруы» телехикаясында басты кейіпкердің қарсыласы рөлін ойнады. 2016 жылдың желтоқсан айында «КТК» телеарнасы көрсеткен «Наша правда» бағдарламасының жаңа жылдық шығарылымында Ақбота-Нұр Сейтмағамбет болмады. Ол шығарылымға тек Жұлдыз Өмірғали және Балжан Бидаш екеуі ғана қатысты. Ақбота-Нұр Сейтмағамбет тұрмыс құруына байланысты 2016 жылдың соңында топтан кетті.

• 2017-2018

2017 жылы қаңтар айында топты «Shaanxi TV» телеарнасы Қытайға Жаңа жыл фестиваліне шақырды. Сиань қаласындағы фестивальде уақытша құрам(Жұлдыз, Балжан, Элизат) «Ризамын» әнін және қытай тіліндегі әнді орындаған. Осыдан кейін тұрмысқа шығуына байланысты Жұлдыз Өмірғали топтан кетеді, бірақ алдағы уақытта ол екі рет уақытша оралады. Топқа Жұлдыз Өмірғали орнына Сара Амангелді және Назым Әбілдина келді. Осылай топ триодан квартетке айналды. 2017 жылдың ақпан айында Баян Мақсатқызы квартетті(Балжан, Элизат, Сара, Назым) көрсетті. Бұл құрам Санкт-Петербургтегі қазақтардың Наурыз мерекесі концертінде өнер көрсеткен және Ресей әншілерімен бірге «Добрый вечер, Казахстан!» бағдарламасына қатысқан. Квартет Қырғызстан елінде де ән айтқан. Квартет құрам 8 ай ғана болды. 2017 жылдың қыркүйек соңында Сара Амангелді өз еркімен топтан жеке солоға кетті. Бұдан кейін 2017 жылы тамыз айында түсіріліп қойылған «Махаббат баяны» бейнебаянынан Сара Амангелдінің дауысы және ол бар кадрлар алынып тасталды. Бұл бейнебаян Сара Амангелдісіз 2017 жылдың 1 қарашасында шықты. Топ квартеттен қайта триоға айналды, бірақ бұл құрам 8 ай ғана болады. Элизат Берікова топта болған кезде Баян Мақсатқызының «Сиситай» фильмінде ойнады. 2018 жылы КешYOU(Балжан, Элизат, Назым) рэпер Baller-мен бірге көп өнер көрсетті. 2018 жылы шыққан YouTube желісіндегі «Swala La La» бейнебаяны топ тарихында ең көп қаралым жинады. 2018 жылдың сәуір айының соңында Элизат Берікова тұрмысқа шығуына байланысты топтан кетті. Жұлдыз Өмірғали топқа уақытша қайтып келеді. Уақытша құрам(Балжан, Назым, Жұлдыз) Аққайнар ауылындағы концертте, Қарағанды қаласындағы тойда ән айтты. 2018 жылдың мамыр айында топқа «Қазақ аруы-2018» байқауында Айдана Меденовамен дуэтте ән айтқан Ақбота Құрманғали келді. Назым Әбілдина топта жүрген кезде 2018 жылы «КТК» телеарнасы көрсеткен Баян Мақсатқызының «Оралу. Сау бол, Америка» телехикаясында басты рөл сомдады. Бұл телехикаяда уақытша құрам(Балжан Бидаш, Ақбота Құрманғали, Жұлдыз Өмірғали) ауылда концерт берді. 2018 жылдың соңында топтың «Swala La La» бейнебаяны Қазақстан бойынша қаралымы ең көп ТОП-5 бейнебаян қатарына енді. Осыдан кейін үш солистка да топтан кетті. Балжан, Назым, Ақбота құрамы 8 ай ғана болды. Балжан Бидаш пен Назым Әбілдина жеке шығармашылығын бастады, ал Ақбота Құрманғали тұрмысқа шықты.

• 2019-2024

Топтың бриллиант құрамы: Ләззат Сұлтанова, Балауса Ерғалина, Наргиз Алтайбай. Топтың жаңа құрамына кастинг 2018 жылы жазда өтті. Ол кастингтен Ләззат Сұлтанова және Балауса Ерғалина өтіп, сахнаға дайындықты сол кезде топта ән айтып жүрген Ақбота Құрманғалимен бастайды. 2018 жылдың күзінде «Хабар» телеарнасында болған «Топжарған» музыкалық байқауының қатысушысы Наргиз Алтайбай Бағым Мухитденованың көзіне түседі. Осылай Ләззат, Балауса, Наргиз жаңа құрам ретінде резервте ұзақ дайындалды. Жаңа құрамның «Ұят емес» әніне бейнебаян екі рет түсірілді. Біріншісін 2018 жылдың желтоқсан айы соңында режиссер Дамир Тастембеков түсіреді, ал екіншісін 2019 жылдың қаңтар айында режиссер Эрнест Зиядинов түсіреді. 2019 жылдың ақпан айында «45, Баянка ягодка опять!» кешінде Баян Мақсатқызы жаңа құрамды көрсетті. Бұл құрамның вокалы өте мықты және көптеген отандық премияларда жеңді. Қырғызстандық дизайнер Арзубек Вонаманың шақыртуымен осы құрам екі рет Қырғызстанда сән көрсетілімінде ән айтқан. 2021 жылы бұл құрам Мәскеу қаласында «Добрый вечер, Казахстан!» бағдарламасына қатысқан. Топта жүрген кезде Наргиз Алтайбай 2021 жылы «Хабар» телеарнасы көрсеткен Баян Мақсатқызының «Рауза. Сакураның гүлдеуі» телехикаясында ойнады. Топ тарихында алғаш рет 2023 жылы осы құрам ағылшын тілінде бейнебаян шығарды. 2023 жылдың желтоқсан айында бриллиант құрам(Ләззат, Балауса, Наргиз) Баку қаласында «Қазақстанның Әзербайжандағы мәдениет күндері» концертінде «Сүгірдің термесі» әнін жанды дауыста орындады. 5 жыл(2019-2024) болған бриллиант құрам топ тарихындағы «ең ұзақ жұмыс жасаған құрам» болып есептелінеді. Продюсер Баян Мақсатқызы осы бриллиант құраммен 2024 жылы қаңтар айында өзінің туған күнінде «Бриллианты» әнін айтты. 2024 жылғы Баян Мақсатқызының «Queen» шоуындағы әндердің көбісін бриллиант құрам(Ләззат, Балауса, Наргиз) орындады. Бұл құрам соңғы рет 2024 жылдың Наурыз мерекесінде өнер көрсетті. Бес жылдық келісімшарт аяқталғаннан кейін Наргиз Алтайбай, Балауса Ерғалина топтан кетті, ал Ләззат Сұлтанова әрі қарай келісімшарт мерзімін созды.

Топтың барлық құрамдары

Құрам	Жыл	Топ солисткалары	Әндері
0 («SAF» тобы)	2004-2006	Әнел Әрінова, Зумрад Гараева, Маржан Мендібаева	Жасыл ел
1 (2006 жылы топ атауы «КешYOU» болып өзгертілді)	2006-2007	Әнел Әрінова, Зумрад Гараева, Мөлдір Әуелбекова	Мама; Пленник; Сто дней любви; Caruso; Прошлые дела; Два часа; Ангел неба; Ты верни любовь
2	2008	Әнел Әрінова, Мөлдір Әуелбекова, Аида Смағұлова	Арман-ай
3	2008-2010	Әнел Әрінова, Мөлдір Әуелбекова, Наиля Заитова	Сүгірдің термесі; Персона; Әлия; Домбыра туралы баллада; Жағадағы ару қыз; Маңмаңгер, Нұртуғанның термесі; В Намангане яблоки
4	2010-2011	Әнел Әрінова, Мөлдір Әуелбекова, Кәмшат Жолдыбаева	Әдемі қыз; Ақерке-Ақжайық; Мұңайма; Құстар әні; Гәкку; Көктем вальсі
5	2011-2012	Әнел Әрінова, Мөлдір Әуелбекова, Айдана Меденова	Ойлама сен
6 (Алтын құрам)	2012-2014	Кәмшат Жолдыбаева, Айдана Меденова, Жанар Дұғалова	Асықпа; Қазақ қыздары; Туған жер; Ризамын; Махаббат; The Rhythm Is Magic; Vogue; Сәлем саған, туған ел; Жайлаукөл кештері; Tombe la neige; Ғашықпын; Жан ана; Шоқ қыздар; Қайдасың?; Сағындым сені; Жаңа жыл; Қияли қыз; Гололёд; Песня про Одиссея; Всё равно ты будешь мой; Арыс жағасында; Crazy; La Isla Bonita; Бақ мекенім-Астанам
7	2014	Мөлдір Әуелбекова, Кәмшат Жолдыбаева, Айдана Меденова	Survivor
8	2014-2015	Кәмшат Жолдыбаева, Айдана Меденова, Жұлдыз Өмірғали	Келші жаныма; Сағым жылдар; Көз жасың көмектеспейді
9	2015-2016	Жұлдыз Өмірғали, Ақбота-Нұр Сейтмағамбет, Балжан Бидаш	Қайтар жүрегімді; Армандаймын; Қуыршақтар; Туған жер-тағдырым; Рухты ару; Алтын құмдағы тебіреніс; Күміс құман-ай; Смуглянка; Первым делом самолёты; Катюша; Welcome to Kazakhstan; Кетсең де шалғай; Asereje
10	2017	Балжан Бидаш, Элизат Берікова, Сара Амангелді, Назым Әбілдина	Қалай ғана?; Неге?; Аралдан ұшқан аққулар; Ғажап ертегі; Әсем ән; Жаса, туған жерім; Город мой; Аяджан
11	2017-2018	Балжан Бидаш, Элизат Берікова, Назым Әбілдина	Махаббат баяны; Қаракөз; Swala La La
12	2018	Балжан Бидаш, Назым Әбілдина, Ақбота Құрманғали	Алматы-Астана
13 (Бриллиант құрам)	2019-2024	Ләззат Сұлтанова, Балауса Ерғалина, Наргиз Алтайбай	Ұят емес; Есіңе мені алғайсың; Мұның бәрі; Көзіңнің мөлдірін-ай; Келші айым; Сары дала; Наурызнама; 13; Қош енді; Bang Bang; Mamma Mia; Sunny; Елім-ай; Сертің қайда?; Күрең күз; Керек; Өзгертпе кейпіңді; Керім-ау айдай; Қыз жүрегі; Между нами любовь; Балаларға; Первое утро столицы; Ғашықтар әні; Бағынбаймын; Тыңда; Арман; Жаса, қазақ арулары; Көктем шуағы; Намалюю тобі зорі; Maxi чай; Кешіктің сен; Ренжітсем кешір; Ai dai; Махаббат алауы; Теряла; Қазақстаным; Take my love; Hula Hoop; Лаула; Асылым; Жаңа жыл; Бриллианты; Әдемі-ау; Кең дала
14	2024-қазіргі уақыт	Ләззат Сұлтанова, Диана Қожагелдина, Сагдиана Бұхарбаева	Я красива

Топтың жетістіктері

• Естелік статуэтка («Türkçе Vizyon-2010»)
• «I орын» сыйлығы («Восточный базар-2010»)
• «Үздік қыздар тобы» сыйлығы («Саз әлемі-2011»)
• «Үздік қыздар тобы» сыйлығы («EMA-2012»)
• «Үздік қыздар тобы» сыйлығы («Астана жұлдызы-2013»)
• «Үздік қыздар тобы» сыйлығы («EMA-2013»)
• «Үздік қыздар тобы» сыйлығы («Астана жұлдызы-2014»)
• «Ең үздік қыздар тобы» сыйлығы («Алтын микрофон-2014»)
• «Top Hits Girls» сыйлығы («Top Hits Award-2015»)
• «Үздік қыздар тобы» сыйлығы («EMA-2015»)
• «Үздік қыздар тобы» сыйлығы («Elle Style Awards Kazakhstan-2016»)
• «Үздік қыздар тобы» сыйлығы («EMA-2016»)
• «Жыл таңдауы» сыйлығы («Жыл таңдауы-2016»)
• Естелік статуэтка («Star of Asia-2018»)
• «Ең үздік дуэт» сыйлығы («EMA-2018»)
• «Жыл таңдауы» сыйлығы («Жыл таңдауы-2018»)
• Қазақстандағы ең танымал ТОП5 бейнебаян («YouTube Rewind 2018»)
• Естелік статуэтка («Star of Asia-2019»)
• Естелік жүлделер («Voice of Nur-Sultan-2019»)
• «Жыл таңдауы» сыйлығы («Жыл таңдауы-2019»)
• «Үздік қыздар тобы» сыйлығы («EMA-2019»)
• «Үздік қыздар тобы» сыйлығы («Qazaq Music Awards-2019»)

Әндерінің авторлары

№	Ән атауы	Музыкасының авторы	Сөзінің авторы	Жыл
1	Мама	Эдуард Бергалиев	Эдуард Бергалиев	2006
2	Пленник	Д. Базикова	Д. Базикова	2006
3	Ты верни любовь	Эдуард Бергалиев	Эдуард Бергалиев	2007
4	Арман-ай	Родион Тен	Мақсат Байлы	2008
5	Персона	Эльдар Кенжебаев	Алишер Юлдашев	2009
6	Асықпа	Жанар Дұғалова	Сержан Бақытжан	2012
7	Қазақ қыздары	Жанар Дұғалова	Ринат Зайытов	2012
8	Туған жер	Арман Дүйсенов	Ринат Зайытов	2013
9	Ризамын	Жанар Дұғалова	Ринат Зайытов	2013
10	Махаббат	Жанар Дұғалова	Ринат Зайытов	2014
11	Қазағымның арулары-ай	Арман Дүйсенов	Ринат Зайытов	2014
12	Келші жаныма	Арман Дүйсенов	Ринат Зайытов	2014
13	Қайтар жүрегімді	Жанар Дұғалова	Ринат Зайытов	2015
14	Қуыршақтар	Арман Дүйсенов	Арман Дүйсенов	2015
15	Туған жер - тағдырым	Арман Дүйсенов	Қалқаман Сарин	2016
16	Рухты ару	Мархаба Сәби	Мархаба Сәби	2016
17	Неге?	Бауыржан Бимахан	Ринат Зайытов	2016
18	Қалай ғана?	Шоқан Уәлихан	Асқар Дүйсенбі, Әл-Насыр	2017
19	Ғажап ертегі	Д. Сыздықов	И. Сапарбай	2017
20	Әсем ән	Румын әуені	Б. Арыстан	2017
21	Жаса, туған жерім	Гагаш	Асқар Дүйсенбі	2017
22	Махаббат баяны	Арман Дүйсенов	Асқар Дүйсенбі	2017
23	Swala la la	Ербол Салықбаев	Шыңғысхан Көпбаев	2018
24	Алматы-Астана	Ербол Салықбаев	Асқар Дүйсенбі	2018
25	Ұят емес	Ербол Салықбаев	Әл-Насыр, Назым Басқынбаева	2019
26	Мұның бәрі	Ғазизхан Шекербек	Қуаныш Жаманқұлов	2019
27	Қош енді	Шоқан Уәлихан	Асқар Дүйсенбі, Берік Керімбек	2019
28	Наурызнама	Мұрат Құсайынов	Серік Тұрғынбеков	2019
29	13	Мархаба Сәби	Мархаба Сәби, Назым Басқынбаева, Макс Jeti	2019
30	Сертің қайда?	Арман Дүйсенов	Арман Дүйсенов, Дидар Кәден	2019
31	Керек	Ербол Салықбаев	Таир Сахиев, Берік Керімбек	2020
32	Өзгертпе кейпіңді	Марат Балмырза, Жасұлан Нұрғазиев	Марат Балмырза	2020
33	Қыз жүрегі	Әлішер Юлдашев	Назгүл Сарыбаева	2020
34	Между нами любовь	Бауыржан Бимахан	Дидар Кәден	2020
35	Бағынбаймын	Жасұлан Бекенов	Марат Балмырза	2021
36	Тыңда	Бауыржан Бимахан	Мархаба Сәби	2021
37	Арман	Эдуард Бергалиев	Сержан Бақытжан	2021
38	Жаса, қазақ арулары	Арман Дүйсенов	Манарбек Сатыбалдин	2021
39	Көктем шуағы	Хамит Шанғалиев	Еркебұлан Қайназаров	2022
40	Кешіктің сен	Нұрболат Қанай	Дулат Құйқас	2022
41	Ренжітсем кешір	Нұрболат Қанай	Дулат Құйқас	2022
42	Ai dai	Нұрболат Қанай	Дулат Құйқас	2023
43	Махаббат алауы	Эдуард Бергалиев	Ринат Зайытов	2023
44	Қазақстаным	Манарбек Жұматай	Саят Рахымжан	2023
45	Take my love	Роман Бугров	Роман Бугров	2023
46	Hula Hoop	Роман Бугров	Роман Бугров	2023
47	Жаңа жыл	Диана Исмаил	Ерболат Қарақойшы	2023
48	Я красива	Шыңғысхан Көпбаев	Джордан Аракелян, Айбек Жанысбаев	2024

Топ солисткалары

• Әнел Әрінова - 1981 жылы 4 мамыр Талдықорған қаласында туылған.
• Мөлдір Әуелбекова - 1986 жылы 10 тамыз Тараз қаласында туылған.
• Аида Смағұлова - 1988 жылы 13 наурыз Павлодар қаласында туылған.
• Кәмшат Жолдыбаева - 1988 жылы 28 қаңтар Ақтау қаласында туылған.
• Айдана Меденова - 1991 жылы 28 қыркүйек Семей қаласында туылған.
• Жанар Дұғалова - 1987 жылы 17 қаңтар Қызылорда қаласында туылған.
• Жұлдыз Өмірғали - 1995 жылы 10 наурыз Алматы облысының Ұзынағаш ауылында туылған.
• Ақбота-Нұр Сейтмағамбет - 1996 жылы 22 қазан Кентау қаласында туылған.
• Балжан Бидаш - 1995 жылы 31 шілде Қызылорда облысының Келінтөбе ауылында туылған.
• Элизат Берікова - 1994 жылы 7 мамыр Жамбыл облысының Меркі ауданында туылған.
• Сара Амангелді - 1996 жылы 19 қаңтар Алматы қаласында туылған.
• Назым Әбілдина - 1999 жылы 6 қаңтар Алматы қаласында туылған.
• Ақбота Құрманғали - 2000 жылы 21 желтоқсан Қаскелең қаласында туылған.
• Ләззат Сұлтанова - 2000 жылы 18 қыркүйек Форт-Шевченко қаласында туылған.
• Балауса Ерғалина - 1998 жылы 22 мамыр Алматы қаласында туылған.
• Наргиз Алтайбай - 1997 жылы 1 маусым Қызылорда қаласында туылған.

Басқа әншілермен, рэперлермен коллаборациялары

2009 жылы «Сағындырған әндер-ай» концертінде КешYOU(Әнел, Мөлдір, Наиля) «Домбыра туралы баллада» әнін Бүркітпен бірге дуэтте орындады.

2010 жылы КешYOU(Әнел, Мөлдір, Наиля) Айжан Нұрмағамбетовамен бірге дуэтте «Маңмаңгер» әнін айтты.

КешYOU Баян Мақсатқызының «Қазақ аруы» байқауында әр жылдағы қатысушы қыздармен бірге ән айтқан.

Алтын құрам(Кәмшат, Айдана, Жанар) 2012 жылы «Жігіттер» тобымен бірге «Сәлем саған, туған ел» әніне бейнебаян шығарды.

2013 жылы КешYOU(Кәмшат, Айдана, Жанар) Бейбіт Қорғанмен бірге дуэтте «Шоқ қыздар» әнін «Ел арна» телеарнасында орындады.

2013 жылы «КТК» телеарнасында КешYOU(Кәмшат, Айдана, Жанар), Аша Матай, Әнел Әрінова бірге «Сұлу бойжеткен» мюзиклінде «Қайдасың?» әнін айтты.

2014 жылдың шілде айында КешYOU(Кәмшат, Айдана, Жанар), Жандос Әбілдинов, Аманкелді Жақау бірге «Бақ мекенім-Астанам» әніне бейнебаян шығарды.

2014 жылы КешYOU(Кәмшат, Айдана, Жұлдыз) Қайрат Нұртаспен бірге дуэтте «Көз жасың көмектеспейді» әнін айтты.

2015 жылдың қаңтар айында КешYOU(Кәмшат, Айдана, Жұлдыз) Серік Ибрагимовпен бірге «Қияли қыз» әнін дуэтте айтқан.

2015 жылы жазда «Хабар» телеарнасының «Арман жолы» мюзиклінде КешYOU(Жұлдыз, Ақбота-Нұр, Балжан), Луина, «Лашын» тобы бірге «Күміс құман-ай» әнін орындаған.

2015 жылы күзде КешYOU(Жұлдыз, Ақбота-Нұр, Балжан) тобы Бүркіт пен Айшаның «Мемлекетім» бейнебаянына қатысты.

2016 жылдың мамырындағы топтың мерейтойлық концертінде КешYOU(Жұлдыз, Ақбота-Нұр, Балжан) Баян Мақсатқызының «Алау» тобымен «Welcome to Kazakhstan» әнін орындаған. Бұл концертте КешYOU Мақпал Жүнісовамен бірге дуэтте «Кетсең де шалғай» әнін айтты. Экс-солисткалармен бірге концертті «Қазақ қыздары» әнімен аяқтады.

2016 жылдың қыркүйек айында «EMA-2016 Muzzone» премиясында КешYOU(Жұлдыз, Ақбота-Нұр, Балжан) және рэпер BikaBreezy «Неге?» әнінің премьерасын жасады.

2017 жылы шілде айында КешYOU(Балжан, Элизат, Сара, Назым) «Rin'go» тобымен бірге Астана қаласында «Город мой» әнін айтты.

2018 жылы ақпан айында КешYOU(Балжан, Элизат, Назым) және рэпер Baller бірге «Swala La La» әніне бейнебаян шығарды.

2018 жылы маусым айында Төлеген Мұхамеджановтың концертінде КешYOU(Балжан, Назым, Ақбота) «На-На» тобымен бірге «Город мой» әнін айтты.

2018 жылы маусым айында КешYOU(Балжан, Назым, Ақбота) «Алау» тобымен бірге «Алматы-Астана» әніне бейнебаян шығарды.

2018 жылы желтоқсан айында «Жаңа жылдық кездесу» концертінде КешYOU(Балжан, Назым, Ақбота) Оралхан Алтынбековпен бірге дуэтте «Қуыршақтар» әнін жаңа нұсқада айтты.

2019 жылы наурыз айында КешYOU(Ләззат, Балауса, Наргиз) және «Дос-Мұқасан» тобы бірге «Наурызнама» әніне бейнебаян шығарды.

2019 жылы мамыр айында КешYOU(Ләззат, Балауса, Наргиз) экс-солисткалармен бірге «13» әніне бейнебаян шығарды.

2020 жылы ақпан айында КешYOU(Ләззат, Балауса, Наргиз), B.Jigga, Jaman T бірге «Керек» әніне бейнебаян шығарды.

2021 жылы мамыр айында «Qazaq golden hits» бағдарламасында КешYOU(Ләззат, Балауса, Наргиз), экс-солисткалар бірге «13» әнін орындады.

2022 жылы Алматы қаласындағы Наурыз мерекесінде КешYOU(Ләззат, Балауса, Наргиз) және Айқын Төлепберген «Көктем шуағы» әнін бірге айтты.

2023 жылдың шілде айында КешYOU(Ләззат, Балауса, Наргиз) және Bellezzo «Hula Hoop» әніне бейнебаян шығарды.

2024 жылы қаңтар айында КешYOU(Ләззат, Балауса, Наргиз) және Баян Мақсатқызы «Бриллианты» әнін бірге дуэтте айтты.

2024 жылы Алматы қаласындағы Наурыз мерекесінде КешYOU(Ләззат, Балауса, Наргиз), Ардақ Балажанова, «Асыл» тобы «Кең дала» әнін бірге айтты.

Дереккөздер

1. http://forbes.kz/news/2014/08/04/newsid_64991/