Кешубай Көшубай Сарыарқаның шығысындағы тау Кешубай тауыСипаттамасыТау жүйесіСарыарқаПайда болған кезеңітас көмір орта ж

Кешубай, Көшубай – Сарыарқаның шығысындағы тау.

Сипаттамасы
Кешубай тауы
Тау жүйесі	Сарыарқа
Пайда болған кезеңі	тас көмір, орта және жоғары девон, пермь
Ұзындығы	50 км
Ені	20 км
Биіктігі	1368 м
Орналасуы
48°51′58″ с. е. 76°04′47″ ш. б. / 48.86611° с. е. 76.07972° ш. б. / 48.86611; 76.07972 ^(G) ^(O) ^(Я)Координаттар: 48°51′58″ с. е. 76°04′47″ ш. б. / 48.86611° с. е. 76.07972° ш. б. / 48.86611; 76.07972 ^(G) ^(O) ^(Я)^(T)
Елдер	Қазақстан, Қарағанды облысындағы Қарқаралы ауданының оңтүстік-шығыс бөлігі
Кешубай тауы
Кешубай тауы

Географиялық орны

Қарағанды облысындағы Қарқаралы ауданының оңтүстік-шығыс бөлігінде орналасқан.

Геологиялық құрылымы

Төменгі тас көмір, орта және жоғары девон, пермь кезеңдерінің жыныстарынан түзілген.

Жер бедері

Бойлық бағытта 50 км-ге доғаша иіле созылып жатыр, ені 20 км-дей. Тауаралық және өзен аңғарлары бөліп жатқан қырқалы, күмбезді, үшкіл төбелі, белесті, аласа тау тізбегінен тұрады. Абсолюттік биіктігі 1368 м. Биіктігі жағынан Сарыарқадағы Қызыларайдан (Ақсораң, биіктігі 1565 м) кейінгі екінші тау. Беткейлері мен етектерін аллювийлі-делювийлі шөгінділер жауып жатыр. Беткейлері сайлармен тілімденген.

Өсімдігі

Аласатаулық қоңыр топырағында сұлыбас, бетеге, селеу, жусан, тағы басқа астық тұқымдас түрлі шөптесіндер өседі. Сайларында қараған, тобылғы, тал аралас қайың, қарағай бар. Батыс беткейінен Талды, солтүстігінен Түндік, шығысынан Ақтайлақ, Қазанғап, Сарықорық өзендерінің салалары бастау алады.

Дереккөздер

Қазақ энциклопедиясы

[1] Қазақ энциклопедиясы