Игорь Александрович Вовнянко

Игорь Александрович Вовнянко (14 шілде 1942, Алматы - 10 қазан 2021) — кеңестік және қазақстандық кинооператор, режиссер, сценарист. Қазақ КСР Мемлекеттік сыйлығының лауреаты (1986), Қазақстанның еңбек сіңірген қайраткері (1998).

Игорь Вовнянко
Жалпы мағлұмат
Туған күні	14 шілде 1942 (1942-07-14)
Туған жері	Алматы, Қазақ КСР
Қайтыс болған күні	10 қазан 2021 (2021-10-10) (79 жас)
Қайтыс болған жері	Алматы, Қазақстан
Азаматтығы	КСРО  Қазақстан
Мамандығы	кинооператор, кинорежиссёр, сценарийші
Марапаттары	Құрмет ордені Қазақстанның еңбек сіңірген қайраткері
IMDb	ID 0903876

Өмірбаяны

Игорь Вовнянко БМКИ-ді тәмамдаған. Еңбек жолын 1958 жылы "Қазақфильм" киностудиясында кинооператордың көмекшісі болып бастаған. Бүкілодақтық кинематография институтын бітірген (1969). 1969-1971 жылдар аралығы Куйбышев (қазіргі Самара) телестудиясында жұмыс істеді. 1971 жылдан "Қазақфильм" киностудиясында оператор болып жұмыс істеді. 1974 жылдан бері - КСРО Кинематографистер одағының мүшесі. 2005 жылдан Қазақстан Кинематографистер одағының төрағасы болды.

2021 жылы 10 қазан күні Игорь Вовнянко 80 жасқа қараған шағында қайтыс болды.

Еңбектері

Қоюшы-оператор ретінде "Ерекше күн" (1971), "Көкжиек" (1973), "Қайдасыңдар, шабандоздар" (1974), "Кездеспей кеткен бір бейне" (1977), "Жылан жылы" (1982) секілді кинофильмдер мен бірнеше телевизиялық фильмдерді ("Жеңімпаз", 1979; "Қауын", 1982; 4 сериялы "Шоқан Уәлиханов" 1983 - 1985; "Дермене", 1986, т.б.) түсірді. Сонымен қатар "Құмшағыл тарихы" (1986), "Аустриядағы кездесулер", "Теңіз" (екеуі де 1987) деректі фильмдерінің сценарийін жазды жөне режиссері болды.

Марапаттары

• Қазақ КСР Мемлекеттік сыйлығының лауреаты (1986)
• Қазақстанның еңбек сіңірген қайраткері (1998)
• Тәуелсіз жалпыұлттық Тарлан сыйлығының лауреаты (2004)
• Құрмет ордені (2008)

Дереккөздер

1. Қазақстандық кинооператор және режиссер Игорь Вовнянко қайтыс болды
2. “Қазақ Энциклопедиясы”, 2 том