Зүлфия Салахарқызы Чиншанло

Зүлфия Салахарқызы Чиншанло (25 шілде 1993 жыл; Алматы, Қазақстан / Қытай деректері бойынша шын есімі Жао Чаң Лиң және Қытайдың провинциясында туған) — қазақстандық ауыр атлет, 2009, 2011 және 2014 жылдары әлем чемпионы. Ұлты — дүнген. Әкесі — Чиншанло Салахар, дүнген және орыс тілдерін білетін кәсіпкер.

Зүлфия Чиншанло
Жеке мағлұматтар
Жынысы	әйел
Толық есімі	Зүлфия Салахарқызы Чиншанло
Азаматтығы	Қазақстан
Туған күні	25 шілде 1993 (1993-07-25) (31 жас)
Туған жері	Қазақстан, Алматы
Бапкер(лер)і	Алексей Ни, Виктор Ни
Марапаттары мен медальдары Мемлекеттік марапаттар Барыс ордені Құрмет ордені
Бұл үлгіні: көру • талқылау • өңдеу

Марапаттар
Қазақстан
Олимпиада ойындары
Қола	Токио 2020
Әлем чемпионаты
Алтын	Коян 2009
Алтын	Париж 2011
Алтын	Алматы 2014
Азия ойындары
Күміс	Гуанчжоу 2010

Зүлфия Чиншанло екі дүркін әлем чемпионы

Жетістіктері

Пошта маркасы, 2013 жыл

2008 жылдан — ауыр атлетикадан ҚР Ұлттық құрама командасының мүшесі. Ауыр атлетикадан 53 кг дәрежесінде қос сайыстан 219 кг жиынтығын жинаған әлемнің ең жас чемпионы (Оңтүстік Корея, 2009). XVI Азия ойындарының күміс жүлдегері (2010). ҚР Еңбек сіңірген спорт шебері (2009).

2011 жыл Ауыр атлетикадан әлем чемпионатында әлем 53 кг салмақ дәрежесінде 227 кг (97+130) нәтижемен әйелдер арасында жаңа әлем рекордын тіркеп алтын алды.

2012 жылы 29 шілдеде Лондонда өтіп жатқан Жазғы Олимпиада ойындары 2012-де 53 кг салмақ дәрежесінде қос сайыс бойынша 229 кг нәтижемен жаңа әлем рекордын орнатты. Бірақ кейін допингпен айыпталып, алтын жүлдесі қайтарылды.

2021 жылға ауыстырылған Токиода өткен Жазғы Олимпиада ойындары 2020-да 55 кг салмақ дәрежесінде 213 кг (90+213) нәтижесімен қола жүлдеге ие болды.

Марапаттары

• Қазақстанның еңбек сіңірген спорт шебері (2009);
• Құрмет ордені (2009);
• 2-ші дәрежелі Барыс ордені (2012).

Қытай БАҚ-ры

Қытайдың ресми ақпараттық агенттігі мәліметтерінде «Зүлфия шын мәнісінде Қытайдың Хунан (湖南|Húnán) провинциясында туған, шын есімі Чжао Чаньлин (Жао Чаң Лиң) және орыс тіліне қарағанда қытай тілін жетік біледі» делінеді. 2008 жылы Майя Манезамен бірге Қытайдан Қазақстанға қоныс аударған деген ақпараттар бар.

2012 жылы қазанның 23-і күні қытайлық сайтында «Қазақстанға кеткен Қытай қызы қайтып оралды және 2016 жылғы олимпиадаға Қытай атынан қатысады» деген мақала жарияланған болатын. Онда Зүлфияның Қытай азаматтығын алғаны туралы жазылған. Ал Қазақстан ауыр атлетика федерациясы өкілдері бұл ақпаратқа таңырқағандарын айтып, Зүлфияның Қытайға тек қыдыруға ғана кеткен және жақын арада орылуы тиіс деген мәлімдеме берді. 27-ші қазан күні Зүлфия Қытайдан Қазақстанға оралды. Оны Алматы әуежайынан жеке жаттықтырушысы Виктор Ни күтіп алды.

Дереккөздер

1. 哈萨克斯坦奥运冠军祖尔菲娅来自中国湖南. Xinhua. Тексерілді, 30 шілде 2012.
2. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2
3. Weightlifting Schedule & Results - 26 Jul. Olympics.com. Тексерілді, 27 шілде 2021.
4. 马内扎被曝辽宁出生 湖南官员称其出走经总局同意. sina.com.cn. Тексерілді, 31 шілде 2012.
5. «Чиншанло Қытайға кетіп қалды» деген хабар тарады
6. Зүлфия Чиншанло Қытайдан оралды
7. Видео — Чиншанло журналистер сұрағына жауап бермеді

Сыртқы сілтемелер

• The-sports.org сайтындағы мәліметтер