Ерғали Төлесінов

Ерғали Төлесінов (1916, Адай уезі (қазіргі Маңғыстау ауданы) Жыңғылды ауылы – 2006) — мемлекеттік қайраткер.

Өмірбаяны

• Алматы және Гурьевтегі (қазіргі Атырау) оқытушылар даярлайтын қысқа мерзімді курстарда оқыған.
• Гурьев ауыл шаруашылығы техникумын (қазіргі Атырау аграрлы-техникалық колледжі) бітірген (1963).
• 1930–1940 жылдары мектепте мұғалім, ұжымшарда қоймашы, есепші
• 1940–1942 жылдары әскер қатарында болған.
• 1942–1950 жылдары Маңғыстау ауданы жинақ банкінің меңгерушісі, әскери-соғыс бөлімінің бастығы, жер бөлімінде меңгеруші
• 1954 жылдан Ленин ұжымшарының төрағасы, кеңшар директорының орынбасары болған.

Марапаттары

• 3-дәрежелі Даңқ ордені
• «Құрмет белгісі» ордені
• Қазақ КСР Жоғарғы Кеңесі Төралқасының Құрмет грамотасымен марапатталған.

Қоғамдық қызметі

• 1967 жылы Қазақ КСР Жоғарғы Кеңесіне депутат болып сайланған.

Шежіре

Адай Батыр – Келімберді – Тобыш – Ораз – Жайық – Әлмәмбет – Шоңай – Тоқсанбай – Монша – Аралбай – Тұрымбет – Мақан – Төлесін – Ерғали

Дереккөздер

1. «Атырау» энциклопедиясы, Алматы, 2000