Гарет Бейл

Гарет Фрэнк Бейл (ағылш. Gareth Frank Bale; 1989 жылы 16 шілдеде туған, Кардифф, Уэльс) — уэльс футболшысы, "Лос-Анжелес" футбол клубы мен Уэльс құрамасының жартылай қорғаушы. Шеткі жартылай қорғаушы ретінде ойынға қатысады. Өзінің тез жылдамдығымен және дәл тебуімен ерекшеленеді.

Гарет Бейл
Жалпы мағлұмат
Толық аты	Гарет Фрэнк Бейл
Туған күні	16 шілде 1989 (1989-07-16) (35 жас)
Туған жері	Кардифф, Уэльс, Ұлыбритания
Азаматтығы	Уэльс
Бойы	186 см
Салмағы	81 кг
Позиция	жартылай қорғаушы
Клуб жайлы ақпарат
Клуб	Лос-Анжелес
Номері	11
Жастар клубы Кардифф Сивил Сервис 1999—2006 Саутгемптон Клуб карьерасы 2006—2007 Саутгемптон 40 (5) 2007—2013 Тоттенхэм Хотспур 146 (42) 2013—2022 Реал Мадрид 176 (81) 2020—2021 →  Тоттенхэм Хотспур (аренда) 20 (11) 2022— Лос-Анжелес 3 (1) Ұлттық құрамы 2005—2006 Уэльс U17 7 (1) 2006 Уэльс U19 1 (1) 2006—2008 Уэльс U21 4 (2) 2006—  Уэльс 106 (40)
Марапаттары мен медальдары
Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады. Ресми матчтарда ұлттық құрамда болған ойындары мен голдар саны.
Гарет Бейл Ортаққорда
Бұл үлгіні: көру • талқылау • өңдеу

Карьерасы

Клубтық

Өз карьерасын сол жақтағы қорғаушы ретінде "Саутгемптон" клубында бастаған. Айыптық стандарттан соғуда шеберлік қасиеттерін көрсете білді. Алғашқы ойынын "Миллоулға" қарсы өткізді де Тео Уолкотттан кейін Англия Премьер-лигасында алаңға шыққан жас футболшы атанды. 2006/07 маусымда 38 рет алаңға шығып, 5 гол соқты.

2007 жылы «Тоттенхэм» клубына ауысып, шабуылшы ретінде ойнауды бастады. "Тоттенхэм" сапындағы ресми дебютін 26 тамызда "Манчестер Юнайтедке" қарсы ойында өткізді. Алты күннен соң тұңғыш голын "Фулхэм" қақпасына соқты (3:3).

2008 жылы келісім шартын 2013 жылға дейін созды. Бұдан кейінгі екі маусымды өте сәтті өткізді де, футболшыға алпауыт клубтардың көзі түсе бастады.

2010 жылы 21 тамызда "Сток Сити" қақпасына тұңғыш дублін соқты. 29 қыркүйекте УЕФА Чемпиондар Лигасындағы тұңғыш голын "Твенте" қақпасына соқты. 20 қыркүйекте Чемпиондар лигасындағы тұңғыш хет-тригін "Интернационале" қақпасына енгізді, бірақ "Тоттенхэм" 3:4 есебімен ұтылып қалды. 2011 жылы ақпан айында АПЛ-дың үздік футболшысы атанды.

2012/13 маусымда 11-нөмірлі жейдені киді (бұған дейін 3-нөмірде ойнаған). Маусым қорытындысында Англия премьер лигасының "Жыл ойыншысы" және "Үздік жас ойыншысы" деген екі бірдей номинациясын ұтып алды. Бұған дейін мұндай дубльді Энди Грей мен Криштиану Роналду ғана жасай алған.

2013 жылы 1 қыркүйекте 100 миллион еуроға "Реал Мадридке" ауысты. Бұл сол кездегі трансферлердің рекорды болды, "Реалда" ойнаған алғашқы маусымда УЕФА Чемпиондар Лигасын, Испания кубогын ұтып алды. Осы екі турнирдің финалында гол соқты. Корольдық клуб сапындағы алғашқы ойынын "Вильярреалға" қарсы өткізіп, алғашқы голын да соқты.

2014 жылғы клубтар әлем чемпионатында "Сан-Лоренсоның" қақпасына бір гол соқты, "Реал" турнир жеңімпазы атанды. Бұл Бейлдің "Реал" сапындағы төртінші ірі жүлдесі болды.

2015 жылы 20 желтоқсанда "Райо Вальекано" қақпасына төрт гол соғып, карьерасындағы тұңғыш покерін жасады.

2016 жылы клубпен келісім шартын 2022 жылға дейін созды.

2018 жылы УЕФА Чемпиондар лигасының финалында "Ливерпульдің" қақпасына екі гол соғып, клубқа жеңіс әперді. Чемпиондар лигасының финалдарында ойынға тыңнан қосылып дубль жасаған тұңғыш футболшы атанды.

2019 жылы 9 ақпанда "Атлетико" қақпасына "Реал" сапындағы 100-ші голын соқты.

2020 жылы қыркүйекте бұрынғы клубы "Тоттенхэмге" жалға берілді. 20 рет алаңға шығып, 11 голмен ерекшеленді.

2022 жылы "Реал Мадридпен" келісімшарты аяқталған соң, сол жылы 25 маусымда "Лос-Анжелес" клубына ауысты. Өзінің сүйікті 11 номерін таңдап алды.

Ұлттық құрама

Уэльстің бірнеше жастағы құрамаларында ойнады. Негізгі құрамада 2006 жылы 7 қазанда Словакияға қарсы ЕУРО-2008 іріктеу матчында алаңға шықты. Бұл ойында Уэльс 1:5 есебімен ойсырай ұтылды, құраманың жалғыз голын Бейл айып добынан соққан еді.

2016 жылы Еуропа чемпионатына қатысып, топтық кезеңде сол Словакияның, Англияның, Ресейдің қақпасына бір-бір голдан соғып, құрамасының 1/8 финалға шығуына көмектесті. Плей-офф кезеңінде Бейл гол соға алмады, соған қарамастан Уэльс жартылай финалға дейін жетті.

2018 жылы 6 қыркүйекте (2018/19 жылғы УЕФА Ұлттар лигасында) Ирландия қақпасына гол соғып, ұлттық құрамадағы голдар санын 30-ға жеткізді (рекордтық көрсеткіш).

2022 жылы 14 маусымда (2022/23 жылғы УЕФА Ұлттар Лигасының) маусымында Нидерланд құрамасына қарсы ойында ұлттық құрамадағы 40-шы голын соқты.

Футболдан тыс

Бейл Adidas X15 аяқ киімімен ойнауда

Жеке өмірі

Бейл Мадридте әйелі Эмма Рис-Джонспен бірге тұрады, ол мектеп кезіндегі сүйіктісі болған. Ерлі-зайыптылардың төрт баласы бар — қыздары Альба Виолет Бэйл (2012 жылы 21 қазанда туған) мен Нава Валентина Бэйл (2016 жылы 22 наурызда туған) және ұлдары Аксел Чарльз Бэйл (2018 жылы 8 мамырда туған) мен Зандер Фрэнк Бэйл (2021 жылы 7 маусымда туған).

Гарет — гольфтің үлкен жанкүйері. Және де ол алкогольдік ішімдіктерден толықтай бас тартқан.

Сауда белгісі және жарнамалық келісімшарттары

Бэйлдің өзінің сауда белгісі бар. 2013 жылдың 26 наурызында Гарет Ұлыбританияның зияткерлік меншік кеңсесіне өзінің логотипін ресми түрде тіркеуге өтініш берді, ол өзінің жүрек қимылымен тойлауына негізделген, оны гол соққаннан кейін жиі көрсетеді, сонымен қатар ойын футболкасында бейнеленген сүйікті нөмірі — 11. Бұл логотип киім мен аяқ киім сияқты әртүрлі өнімдерде қолданылады.

Ол Adidas, , және сияқты брендтерімен жұмыс істейді. 2014 жылы Бейл "Реал Мадридпен" келісімшарт бойынша тұрақты жалақы ретінде 15 миллион фунт алды, ал оның жарнамалық кірісі жылына 10 миллион фунт болды. 2014 жылдың наурыз айында Бейл Adidas F50 crazylight футбол аяқ киімін қолданған алғашқы ойыншы болды. 2015 жылы Adidas Х15 футбол аяқ киімін киіп ұсынды.

Қайырымдылық

2014 жылдың қараша айында Бейл Криштиану Роналду, Неймар, Хави және Дидье Дрогба секілді әлемнің үздік футболшыларының қатысуымен "Эбола вирусына қарсы 11" атты FIFA акциясына қатысты. "Біз Эбола ауруын бірге жеңе аламыз" ұранымен (ағылш. "Together, we can beat Ebola") бұл акция Африка футбол конфедерациясымен және медициналық сарапшылармен бірлесіп өткізілді, ойыншылардың өздері ауру туралы және онымен күресу жолдары туралы хабарландыруларды арттыру мақсатында он бір хабарлама жазды.

Жетістіктері

Командалық

«Тоттенхэм Хотспур»

• Англия футбол лигасы: 2007/08

«Реал Мадрид»

• Испания чемпионы (3): (2016/17), (2019/20), (2021/22)
• Испания кубогы: 2013/14
• Испания суперкубогы (2): 2017, 2020
• Чемпиондар Лигасы (5): (2013/14), (2015/16), (2016/17), (2017/18), (2021/22)
• УЕФА Суперкубогы (2): 2014, 2017
• Клубтар әлем чемпионаты (4): 2014, 2016, 2017, 2018

Уэльс құрамасы

• Еуропа чемпионатының жартылай финалисі: 2016

Жеке

• Англия Премьер-лигасының үздігі: 2012/13
• Англия Премьер-лигасының жыл ойыншысы (2): 2010/11, 2012/13
• УЕФА символикалық құрамы (2): 2011, 2013
• Уэльстің жыл ойыншысы: 2010, 2011, 2013, 2014, 2015, 2016

Дереккөздер

1. FIFA World Cup Qatar 2022™: List of Players: Wales. FIFA (29 қараша 2022). Басты дереккөзінен мұрағатталған 30 қараша 2022.
2. By Jeremy Butler & Chris McKenna Gareth Bale: From Spurs jinx to 'world-class' performer  (ағыл.). BBC Sport (26 ақпан 2013).
3. Bale signs new Tottenham contract  (ағыл.). Sport Football (13 тамыз 2008).
4. Gareth Bale withdraws from Tottenham match as partner goes into labour, Wales Online (20 қазан 2012). Тексерілді 2 желтоқсанның 2018.
5. Parrish, Charlie. Gareth Bale: 'Without Real Madrid, it would have been very, very difficult to have ever left Spurs', The Daily Telegraph (21 қараша 2014). Тексерілді 21 қарашаның 2014.
6. Эмма Рис-Джонс: романтическая история скромной девушки. zvezda-fc.ru (12 мамыр 2015).(қолжетпейтін сілтеме)
7. Joel, Don. Gareth Bale reveals the emotion of being reunited with his daughter in pictures that endeared him to the world, Wales Online (29 маусым 2016). Тексерілді 18 наурыздың 2018.
8. Wales footballer Gareth Bale welcomes second daughter, BBC News. Тексерілді 12 шілденің 2018.
9. Wales star Gareth Bale announces birth of baby boy Axel | | Express Digest (en-US).(қолжетпейтін сілтеме)
10. Chris Doyle Gareth Bale welcomes fourth child Xander with heartwarming announcement  (ағыл.) (8 July 2021).(қолжетпейтін сілтеме)
11. Wales manager Ryan Giggs bans golf and tells Gareth Bale to use custom seat. The Times.(қолжетпейтін сілтеме)
12. Бэйл: слежу ли за «ПСЖ»? Редко смотрю футбол, предпочитаю гольф. Чемпионат.(қолжетпейтін сілтеме)
13. Gareth: 'I can't stand the booze', Wales Online (27 наурыз 2013). Тексерілді 22 наурыздың 2018.
14. Danny Rose’s insight on Gareth Bale sends shivers down England spines, The Observer (11 маусым 2016). Тексерілді 22 наурыздың 2018.
15. Gareth Bale plans to put 'heart' goal celebration on clothing after filing trademark. The Telegraph.(қолжетпейтін сілтеме)
16. Real Madrid superstar Gareth Bale shows off the lightest football boot ever made (17 наурыз 2014).(қолжетпейтін сілтеме) Тексерілді, 4 маусым 2014.
17. Gareth Bale in BT Sport channel deal.(қолжетпейтін сілтеме) Тексерілді, 27 қыркүйек 2018.
18. Gareth Bale signs £300,000 A WEEK six-year deal with Real Madrid (қыркүйек 2013).(қолжетпейтін сілтеме) Тексерілді, 4 маусым 2014.
19. Gareth Bale could earn £25 MILLION a year in total as Madrid falls in love with Wales star (2 қыркүйек 2013).(қолжетпейтін сілтеме) Тексерілді, 4 маусым 2014.
20. Gareth Bale Reveals Adidas' Adizero F50 Crazylight Boots (Pictures) (17 наурыз 2014).(қолжетпейтін сілтеме) Тексерілді, 27 қыркүйек 2018.
21. Top players, FIFA, CAF and health experts unite against Ebola (17 қараша 2014).(қолжетпейтін сілтеме) Тексерілді, 4 наурыз 2015.

Сілтемелер

• General Information about the player Gareth Bale  (ағыл.). National Football Team. Тексерілді, 4 тамыз 2022.
• 11. Gareth Bale  (ағыл.). Soccerbase. Тексерілді, 4 тамыз 2022.