Ақмырза Исаұлы Рүстембеков

Ақмырза Исаұлы Рүстембеков (15 ақпан, 1956 жылы, Ақмола облысы, Қорғалжын кенті - 29 шілде 2020 жылы, Алматы) — сәулетші, ҚР Сәулетшілер одағының президенті. Қазақстан Республикасының Құрметті Құрлысшысы. Қазақстанның еңбек сіңірген қайраткері (2004). ТМД Халықаралық сәулетшілер одағының вице-президенті әрі академигі.

Ақмырза Исаұлы Рүстембеков
Жалпы мағлұматтар
Азаматтығы	Қазақстан
Туған күні	15 ақпан 1956 (1956-02-15)
Туған жері	Қорғалжын
Қайтыс болған күні	29 шілде 2020 (2020-07-29) (64 жас)
Қайтыс болған жері	Алматы
Жұмысы мен жетістіктері
Білімі	АСҚИ
Басты құрылыстары	«Бәйтерек» монументі
Марапаттары	Құрмет ордені Қазақстанның еңбек сіңірген қайраткері

Толығырақ

Алматы сәулет-құрылыс институтын бітіргөн (1980), сәулетші. Халықаралық архитектура академиясының және Халықаралық Шығыс елдері архитектура академиясының толық мүшесі. ҚР БАҚ-да және ТМД журналдарында басылып шығарылған архитектура және қала қурылысы туралы 25-тен астам жарияланымдар мен мақалалар авторы. «Мұнара түріндегі ғимарат» авторлық куәлігі бар (2003).

1980 жылдан - «Гипровуз» ВГПИ Алматы филиалында сәулетші, аға сәулетші, топ жетекшісі, жобалардың бас сәулетшісі, филиал директорының орынбасары. 1990 жылдан - шығармашылық-өндірістік шеберханасының жетекшісі. 1996 жылдан - ҚР Сәулетшілер одағының вице-президенті, 2000 жылдан бері - президенті. 2001-2003 жылдары - Халықаралық ТМД Сәулетшілер одақтары ассоциациясының вице-президенті.

«Нұр Отан» ХДП саяси кеңесінің мүшесі (2002 жылдан).

Мемлекеттік марапаттары

• 2004 жылы елбасының жарлығымен «Қазақстан Республикасының Еңбек сіңірген қайраткері» құрметті атағы берілді.
• 2003 жылы Дүниежүзілік архитектура триенналесінде күміс медальмен марапатталған.
• ҚР Президентінің Алғыс хатымен (2006) ескерілген.
• 2007 жылы Дүниежүзілік қайырымдылық альянсының Бітімгер алтын орденімен;
• 2008 жылы «Астананың 10 жылдығы» медалімен;
• 2010 жылы «Құрмет ордені»;
• 2011 жылы "Қазақстан тәуелсіздігіне 20 жыл" медалі;
• 2015 жылы "Қазақстан конститутциясына 20 жыл" медалі;
• 2016 жылы «Парасат ордені» мен марапатталды.
• Қазақстан Республикасының Құрметті Құрлысшысы (құрметті атағының иегері);
• Республикалық және халықаралық конкурстардың көп мәрте лауреаты.

Жеке қасиеттері

Әскери атағы - запастағы капитан. Діни көзқарасы - төзімді. Қазақстанның болашағы туралы болжамы - «Өркендеу». Хоббиі - тау шаңғысы, балық аулау. Сүйіп оқитын әдебиеті - тарих, әлем сәулет өнері.

Жеке өмірі

Үйленген. Жұбайы - Рүстембекова Баян Нариманқызы (1958 ж. т.), Қ.И. Сәтбаев атындағы Қаз¥ТУ оқытушысы. Ұлдары - Бауыржан (1978 ж. т.), Ержан (1979 ж. т.). 3 немересі бар.

Дереккөздер

1. Нұр-Сұлтандағы "Бәйтерек" монументінің авторы қайтыс болды
2. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2