Азамат Несіпбайұлы Есқараев

Азамат Несіпбайұлы Есқараев (7 қазан 1979 жыл, Алматы) — қазақстандық саяси қайраткер, 2023 жылғы қаңтардан Әділет министрі, Қазақстан президенті жанындағы Адам құқығы бойынша комиссия мүшесі.

Азамат Несіпбайұлы Есқараев
Есқараев, 2023 жыл
Лауазымы
Ту Әділет министрі Ту
4 қаңтар 2023 жылдан бастап
Президент	Қасым-Жомарт Тоқаев
Премьер-Министр	Әлихан Смайылов Олжас Бектенов
Ізашары	Қанат Мусин
Өмірбаяны
Білімі	Қазақ гуманитарлық заң университеті
Дүниеге келуі	7 қазан 1979 (1979-10-07) (45 жас) Алматы, Қазақ КСР, КСРО
Сайты	Әділет министрлігінің ресми сайты
Азамат Несіпбайұлы Есқараев Ортаққорда
өңдеу

Жастық шағы және білімі

Азамат Есқараев 1979 жылғы 7 қазанда Алматыда дүниеге келген. Жоғары білімін Қазақ гуманитарлық заң университетінде алды.

Мансабы

Азамат Есқараев (сол жақта) пен Зияткерлік меншік жөніндегі дүниежүзілік ұйымның бас директоры Дарен Танг (оң жақта), Женева, 2023

Өз еңбек жолын Есқараев 1996 жылы коммерциялық саудада және Алматыдағы ДЭЗ-2 жұмысшысы болып бастаған.

2000–2002 жылдары ол Әділет министрлігінің Заңнама департаментінде бас маман болды. 2002 жылдан 2003 жылға дейін Есқараев сол департаментте бөлім, кейін басқарма басшысы болды.

2003–2005 жылдары аралығында Есқараев Заңға тәуелді актілер департаментіндегі бөлімді басқарып кетсе, одан кейін, 2006 жылға дейін бас инспекторы болды.

Астанаға көшкесін 2006–2007 жылдары ол елордадағы «Қазына» орнықты даму қоры» АҚ Заң қызметтері департаментінің бас менеджері және 2007 жылы Әділет министрлігінің құқықтық мәселелері жөніндегі консультанты, Ішкі әкімшілік департаментінің жетекші маманы қызметтерінде болды.

2007 жылғы шілдеден 2008 жылға дейін ол Әділет министрі Зағипа Балиеваның көмекшісі болса, одан кейін, 2009 жылға дейін министрліктің Талдау және стратегиялық жоспарлау департаментінің директоры болды. Оған қоса Есқараев 2012–2014 жылдары Экономикалық қылмысқа және сыбайлас жемқорлыққа қарсы күрес агенттігі (ЭҚСЖҚКА) инспекциясының ұйымдастыру-бақылау департаментінің бастығы болған.

2014 және 2019 жылдары аралығында ол Премьер-министр Кеңсесінің Заң бөлімі меңгерушісінің орынбасары қызметін атқарған. Одан кейін, 2023 жылғы қаңтарға дейін Есқараев Қазақстан премьер-министрі Кеңсесі Заң бөлімінің меңгерушісі қызметінде болды.

2023 жылғы 4 қаңтарда Азамат Есқараев президент Тоқаевтың жарлығы бойынша Әділет министрі лауазымына тағайындалды. Сол жылғы 4 сәуірде ол сол лауазымына қайта тағайындалды. отставкасына қарамастан, 2024 жылғы 6 ақпанда Есқараев өз лауазымына қайта тағайындалды.

Дереккөздер

1. Әділет министрі  (қаз.). Премьер-министрдің ресми сайты. Тексерілді, 2 қаңтар 2024. Мұрағат көшірмесі 2 қаңтардың 2024 Wayback Machine мұрағатында
2. Ескараев Азамат Несипбаевич  (орыс.). online.zakon.kz. Тексерілді, 2 қаңтар 2024. Мұрағат көшірмесі 2 қаңтардың 2024 Wayback Machine мұрағатында
3. Есқараев Азамат Несіпбайұлы  (қаз.). baq.kz. Тексерілді, 2 қаңтар 2024. Мұрағат көшірмесі 2 қаңтардың 2024 Wayback Machine мұрағатында
4. Тоқаев, Қасым-Жомарт А.Н. Есқараевты тағайындау туралы  (қаз.). Қазақстан президентінің ресми сайты (4 қаңтар 2023). Тексерілді, 2 қаңтар 2024. Мұрағат көшірмесі 2 қаңтардың 2024 Wayback Machine мұрағатында
5. Азамат Есқараев Әділет министрі лауазымына қайта тағайындалды  (қаз.). Егемен Қазақстан (4 сәуір 2023). Тексерілді, 2 қаңтар 2024.
6. Азамат Есқараев әділет министрі қызметін сақтап қалды  (қаз.). tengrinews (6 ақпан 2024). Тексерілді, 14 ақпан 2024.

Сыртқы сілтемелер

• Әділет министрлігінің ресми сайты
• Премьер-министр сайтындағы өмірбаяны