Қазақстан Республикасының Қоршаған ортаны қорғау министрлігі 2002 ҚР Президентінің 2002 ж 28 тамыздағы Жарлығымен ҚР Таб

Қазақстан Республикасының Қоршаған ортаны қорғау министрлігі (2002- ) ҚР Президентінің 2002 ж. 28 тамыздағы Жарлығымен ҚР Табиғи ресурстар және қоршаған ортаны қорғау министрлігінің қайта ұйымдастырылуының нәтижесінде құрылды.

ҚР Үкіметінің 2002 ж. 6 қарашадағы қаулысымен министрлік туралы ереже бекітілді. ҚР және қоршаған ортаны қорғау министрлігінің аумақтық органдары-мемлекеттік мекемелері ҚР Қоршаған ортаны қорғау министрлігінің аумақтық органдары-мемлекеттік мекемелері болып қайта ұйымдастырылды.

Ережеге сәйкес министрлік қоршаған ортаны қорғау саласындағы басшылықты, салааралық үйлестіруді және мемлекеттік бақылау функцияларын жүзеге асыратын орталық атқарушы орган болып табылды. Министрліктің мемлекеттік мекемелерінің ұйымдық-құқықтық нысанындағы аумақтық органдары — облыстық, Астана және Алматы қалаларындағы қоршаған ортаны қорғау басқармалары және республикалық инспекциялық басқармасы болды.

Министрліктің негізгі міндеттері

қоршаған ортаны қорғау саласындағы мемлекеттік бақылауды және табиғатты қорғау заңнамасын, экологиялық талаптар нормативтерін сақтауды қамтамасыз ету; қоршаған ортаны қорғау саласындағы мемлекеттік басқару және бақылау жүйесін, өзінің қүзіреті шегінде қоршаған ортаны қорғаудың экономикалық әдістерін жетілдіру; қоршаған ортаны қорғау жүйесін оңтайландыру және табиғатты пайдалану жүйесін оңтайландыруға қатысу; қолданыстағы заңнаманы жетілдіру; қоршаған ортаны қорғау саласындағы халықаралық ынтымақтас- тықты дамыту және қатысу; қоршаған ортаны қорғау саласындағы ақпараттық тарату жүйесін және ағартушылықты дамыту.

ҚР Президентінің 2004 ж. 29 қыркүйектегі Жарлығымен ҚР Энергетика және министрлігінің жер қойнауын қорғау жөніндегі бақылау-қадағалау функциялары ҚР Қоршаған ортаны қорғау министрлігіне берілді. ҚР Үкіметінің 2004 ж. 28 қазандағы қаулысымен министрлік туралы жаңа ереже бекітілді. Министрліктің Табиғатты қорғауды бақылау комитеті құрылды. Министрлік қоршаған ортаны қорғау және табиғатты пайдалануды басқару саласындағы мемлекеттік саясатты әзірлеу және іске асыру жөніндегі басшылықты және салааралық үйлестіруді жүзеге асыратын орталық атқарушы орган болып табылады. Министрліктің негізгі міндеті қоршаған ортаның сапасын жақсарту және қоғамның экологиялық түрақты дамуының қолайлы деңгейіне қол жеткізу болып табылады.

Министрліктің ведомствосы — Табиғатты қорғауды бақылау комитеті, сондай-ақ мемлекетгік мекемелердің үйымдық-құқықтық нысанындағы аумақтық органдары-облыстардағы, Астана және Алматы қалаларындағы аумактық қоршаған ортаны қорғау басқармалары бар.

Дереккөздер

"Қазақстан Республикасының мемлекеттік басқару жүйесін одан әрі жетілдіру шара- лары туралы" ҚР Президентінің 2002 ж. 28 тамыздағы № 931 Жарлығы (ҚР ПҮАЖ, 2002, № 28, 307-бап).
"Қазақстан Республикасы Қоршаған ортаны қорғау министрліғінің мәселелері" ҚР Үкіметінің 2002 ж. 6 қарашадағы № 1173 қаулысы (ҚР ПҮАЖ, 2002, № 39, 398-бап).
"Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы" ҚР Президентінің 2004 ж. 29 қыркүйектегі № 1449 Жарлығы (ҚР ПҮАЖ, 2004, № 36, 474-бап).
"Қазақстан Республикасы Қоршаған ортаны қорғау министрлігінің мәселелері" ҚР Үкіметінің 2004 ж. 28 қазандаіы № 1113 қаулысы (ҚР ПҮАЖ, 2004, № 40, 524-бап).
Қазақстан Республикасының мемлекеттік билік органдары (2001-2005 жж.) Анықтамаламық: Екінші шығарылым./Қазақстан Республикасы Президентінің Мұрағаты. – Жауапты редактор: В.Н. Шепель; Алматы: “Эдельвейс” Баспа үйі: 2007. ISBN 9965-602-37-9

[1] "Қазақстан Республикасының мемлекеттік басқару жүйесін одан әрі жетілдіру шара- лары туралы" ҚР Президентінің 2002 ж. 28 тамыздағы № 931 Жарлығы (ҚР ПҮАЖ, 2002, № 28, 307-бап).

[2] "Қазақстан Республикасы Қоршаған ортаны қорғау министрліғінің мәселелері" ҚР Үкіметінің 2002 ж. 6 қарашадағы № 1173 қаулысы (ҚР ПҮАЖ, 2002, № 39, 398-бап).

[3] "Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы" ҚР Президентінің 2004 ж. 29 қыркүйектегі № 1449 Жарлығы (ҚР ПҮАЖ, 2004, № 36, 474-бап).

[4] "Қазақстан Республикасы Қоршаған ортаны қорғау министрлігінің мәселелері" ҚР Үкіметінің 2004 ж. 28 қазандаіы № 1113 қаулысы (ҚР ПҮАЖ, 2004, № 40, 524-бап).

[5] Қазақстан Республикасының мемлекеттік билік органдары (2001-2005 жж.) Анықтамаламық: Екінші шығарылым./Қазақстан Республикасы Президентінің Мұрағаты. – Жауапты редактор: В.Н. Шепель; Алматы: “Эдельвейс” Баспа үйі: 2007. ISBN 9965-602-37-9