УЕФА Чемпиондар Лигасының финалы 2013

УЕФА Чемпиондар Лигасының финалы 2013 — (УЕФА Чемпиондар Лигасының 2012/13 жылғы) маусымының шешуші, финалдық матчы. Араға екі жыл салып, матч тағы да Лондондағы "Уэмбли" стадионында өтті. Футболдың пайда болғанына 150 жыл толуына орай, футбол отанында өткізілген финалда Германияның қос клубы — "Бавария" мен "Боруссия" (Дортмунд) командалары өзара кездесіп, "Бавария" футболшылары 2:1 есебімен жеңіске жетті.

УЕФА Чемпиондар Лигасының финалы 2013
Турнир	(УЕФА Чемпиондар Лигасы 2012/13)
Бавария Боруссия Дортмунд 2 1
Стадион	"Уэмбли", Лондон
Көрермендер	86 298
2012 2014

Матч

Ойын тағдыры екінші таймда шешілді. 60 минутта Рибери-Роббен-Манджукич комбинациясы сәтті жұмыс жасады да, Роббеннің бір бүйірден асырған добын Манджукич бос қалған қақпаға бұра салды. Дортмундтықтар да қарап қалмады. 69 минутта оң қапталдан айып алаңына жарып кірген Марко Ройсқа қарсы Данте тәртіп бұзды. Пенальти белгіленіп, "түрік-неміс" футболшы Илькай Гүндоған мүлт кетпеді — 1:1.

Осы есеп соңғы минутқа дейін өзгермеді. Соңғы минутта боруссиялық қорғаушылар Роббеннен көз жазып қалды. Бір жыл алдыңғы финалда "Челсиден" ұтылып, сол жеңіліске басты айыпкер болған Арьен Роббен бұл жолы мюнхендіктердің ең сүйіктісіне айналды: 89 минутта қорғанысты бұзып жарып өтіп, қақпаның сол бұрышына ақырын ғана домалата салды. Бұл жеңіс голы еді.

Бұл — бір ғана елдің командалары ойнаған тарихтағы төртінші финал. 2000 жылы испандықтар, 2003 жылы италиялық клубтар финалға шықса, 2008 жылы таза "англиялық финал" болған-ды. Кейін, 2014, 2016 жылдары футбол жұртшылығы тағы да екі рет "испандық финалға" (испандық ғана емес, "мадридтік финалға") куә болды.

Бұл — "Баварияның" аталмыш турнирдегі бесінші жеңісі.

Фактілер

• "Баварияның" осы жеңісінен кейін Германиялық басылымдар "Германия футболындағы сәтсіздіктер сериясы тоқтады" деп қуана жазды. Расымен де, 2001 жылдан бері көптеген турнирлерде мәреге жақындап барып жығылып жүрген-ді. Мысал ретінде тізіп шықсақ, жартылай финалдағы сәтсіздіктерді айтпағанның өзінде, финалдағы жеңілістерінің өзі бірталай екен.

1. 2002 — "Боруссия" (Дортмунд) УЕФА Кубогы финалында "Фейеноордтан" 2:3 есебімен ұтылып қалды.
2. 2002 — Германия құрамасы әлем чемпионатының финалында Бразилиядан 0:2 есебімен ұтылып қалды.
3. 2008 — Германия құрамасы Еуропа чемпионатының финалында Испаниядан 0:1 есебімен ұтылып қалды.
4. 2009 — "Вердер" (Бремен) командасы УЕФА Кубогының финалында "Шахтердан" 1:2 есебімен ұтылып қалды.
5. 2010 — "Бавария" УЕФА Чемпиондар Лигасының финалында "Интерден" 0:2 есебімен ұтылып қалды.
6. 2012 — "Бавария" (УЕФА Чемпиондар Лигасының финалында) "Челсиден" пенальтлер арқылы ұтылып қалды.

Сәтсіздіктер шынымен де артта қалғандай, бір жылдан соң Германия құрамасы футболдан әлем чемпионы атанды.

Протокол

25 мамыр 2013
	Боруссия Дортмунд	1–2	Бавария	Стадион: Уэмбли, Лондон Көрермендер: 86298 Төреші: Никола Риццоли (Италия)
	Илкай Гүндоған  68' (pen.)		Марио Манджукич  60' Арьен Роббен  89'

Боруссия

Бавария

GK 1 Роман Вайденфеллер (r) RB 26 Лукаш Пищек CB 4 Невен Суботич CB 15 Матс Хуммельс LB 29 Марцель Шмельцер CM 6 Свен Бендер 90+2' CM 8 Илкай Гүндоған RW 16 Якуб Блащиковски 90' AM 11 Марко Ройс LW 19 Кевин Гросскройц  73' CF 9 Левандовски Substitutes: MF 18 Нури Шахин 90+2' FW 23 Юлиан Шибер 90' Бапкер: Юрген Клопп

GK 1 Мануэль Нойер RB 21 Филипп Лам (к) CB 17 Жером Боатенг CB 4 Данте  29' LB 27 Давид Алаба CM 8 Хави Мартинес CM 31 Бастиан Швайнштайгер RW 10 Арьен Роббен AM 25 Томас Мюллер LW 7 Франк Рибери  73' 90+1' CF 9 Марио Манджукич 90+4' Substitutes: MF 30 Луиз Густаво 90+1' FW 33 Марио Гомес 90+4' Бапкер: Юпп Хейнкес

Дереккөздер

1. https://www.uefa.com/uefachampionsleague/season=2013/matches/round=2000351/match=2009612/index.html

Сілтемелер

• Финал-2013