Спасск мыс кендері акционерлік қоғамы – 1904 жылы Лондонда ағылшын-француз және орыс кәсіпкерлері құрған. Қоғам жұмысының шарттарын патша үкіметі 1907 жылда бекітті. Қоғам Спасск-Вознесенск және Успен мыс кеніштері мен Спасск мыс қорыту заутын, Саран және Қарағанды көмір кендері мен 2 темір кенішін біріктірді. Қоғамды ірі шетел капиталистері Н.Фелл (), Ж.Карно, т.б. басқарды. 1907 жылға таяу Спасск мыс қорыту заутында жылына 5 мың тонн мыс өндірілді. 1908 жылы ұзындығы 40 км Қарағанды – Спасск тар табанды т. ж. салынып, ол заутты Қарағанды көмір кенімен жалғастырды. 1913 жылға таяу 5065 т мыс, яғни Ресейде өндірілген барлық мыстың 15,8%-ы өндірілді. Мыс кентасы негізінен Нілдідегі Успен кенішінен әкелінді. 1916 жылы Успен кенішінің солтстік-шығысындағы Жақсы Сарысу өзеннің бойында тәулігіне 100 тонн кентас беретін Сарысу байыту фабрикасы іске қосылды. 1903 жылы Спасск заутындағы кеніштер мен көмір кендерінде жұмысшылардың саны 1033-ке жетіп, олардың ішінде 552 орыс, 481 қазақ болды. 1918 жыл 11 мамырда РКФСР ХКК-нің “Спасск мыс қорыту зауытын ұлт меншігіне беру туралы” қаулысымен қоғамның жұмысы тоқтатылды.

Пайдаланған сілтеме

Қазақ энциклопедиясы

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Қазақ энциклопедиясы

Спасск мыс кендері акционерлік қоғамы 1904 жылы Лондонда ағылшын француз және орыс кәсіпкерлері құрған Қоғам жұмысының ш

Пайдаланған сілтеме